Bikʼcạrko 12:5 - সান্তালী বাইবেল

⁵ Onate Gileadrenko do Jordan gaḍa reakʼ oka jaegare taṛamte paromokʼ ar Ephrayim ṭoṭha secʼ senokʼ jaegakoko hatkeda. Ar Ephrayim gusṭiren sarecʼ jãhãe hoṛge tinreko menetʼ tahẽkana, “Parom ocoạńme,” Unre Gileadren hoṛko do uniko kuliyede tahẽkana, “Am do cetʼ Ephrayim hoṛ kanam?” Uni doe roṛ ruạṛetʼ tahẽkana, “Baṅa,”

Bikʼcạrko 12:5 Referans Kwoze

Bikʼcạrko 3:28

ente uni doe hukumatʼko tahẽkana, “Ińpe pańjayińa; ente Probhu Isor do aperen bạiri Moabrenko apeakʼ tireye jimạ akatʼkoa.” Onate onko do uniko pańja idikedea ar oka jaega secʼte jordan gaḍa taṛam paromokʼ onako jaegakoko dokholkeda. Ar okoe hõ onako jaega secʼte bako parom ocowatʼkoa.

Josuạ 22:11

Ar sarecʼ Israelko doko ańjomkeda, akoakʼ jaegare Kanan disạm simạna reakʼ jordan gaḍa ṭhen onko do mitʼṭecʼ pinḍko benao akada mente,

Bikʼcạrko 7:24

Ar Gideon do Ephrayim buru ṭoṭha reakʼ sanam jaegare hoṛ kolketʼkoteye metatʼkoa, “Midiạnrenko upạrte pheḍ hijukʼpe ar onko seṭerokʼ laharege Beth-bara hạbicʼ huḍiń gaḍa ar jordan gaḍa reakʼ taṛam paromokʼ jaegako dokhol maṛaṅpe. Onate Ephrayimren sanam hoṛko mitʼente Beth-bara hạbicʼ sanam huḍiń gaḍa ar jordan gaḍa reakʼ taṛam paromokʼ jaegako hatkeda.

Josuạ 2:7

Rahabakʼ katha ańjomkate onko hoṛ do disạm cikʼyạkin sapʼkin lạgitʼko oḍokena. Ar jordan gaḍa one oka secʼte taṛam paromokʼ ona horko sapʼkeda. Ar nagraha bahreko oḍok senen sãote phaṭok duạr doko sińkeda.

Bikʼcạrko 12:4

Jiptha do unre Gileadren sanam hoṛe hoho jarwaketʼkote Ephrayimrenko upạrteye lạṛhạiyena, ente Ephrayim gusṭiren hoṛko menleda, “E Gileadrenko, ape do Ephrayim ar Manase gusṭi bạgiyakʼ hoṛko kanape.” Ona lạṛhạire Gileadrenko do onkoko bhagaoketʼkoa.

Bikʼcạrko 12:6

Enḍekhan onkoko menetʼ tahẽkana, “Bhagegea, tobe mase menme, ‘Sibboleth.’ ” Onate uni do katha ṭhik leka bae roṛ daṛeakʼteye mena, “Chiboleth, ” Ar onate sapʼkate uni do jordan gaḍa reakʼ taṛam paromokʼkan jaegaregeko gojekan tahẽkana. Nonkate unre pongel bar hajar Ephrayimko gocʼketʼkoa.

Bikʼcạrko 17:7

Onako oktere Jihudạ ṭoṭhare Bethlehemren mitʼṭen juạn Liwi do Jihudạ gusṭiren hoṛko sãoteye girobasokʼkan tahẽkana.

1 Samuel 1:1

Ephrayim buru ṭoṭha reakʼ Ramathayim Sophim nagrahare Elkana ńutuman mitʼ hoṛ do Ephrayim gusṭiren hoṛko sãoteye girobasokʼ kan tahẽkana. Uniren apatakʼ ńutum do Jeroham tahẽkana. Jeroham do Elihuren hopone tahẽkana, Elihu do Tohuren hopon ar Tohu do Suphren hopone tahẽkana.

1 Rapajko 11:26

Nabatren hopon Jerobiam hõ Solomon raj upạrteye hulkeda. Uni do Solomonren mitʼṭen gutiye tahẽkana, uni do Sereda atoren mitʼṭen Ephrayim hoṛe tahẽkana. Uniren eṅgattetʼakʼ ńutum do Serua; uni do rạnḍigeye tahẽkana.