Bikʼcạrko 11:39 - সান্তালী বাইবেল

³⁹ Ado bar cando paromen khan uni do acʼ apattetʼ ṭhene ruạṛ hecʼena. Ar Jiptha do Probhu Isor ṭhen okae manotletʼ onkage acʼren hoponera cetanreye kạmikeda. Ar kuṛi do kũạri tahenregeye gocʼena. Niạ ghoṭna khon Israelko talare mitʼṭecʼ niạm ehopʼena.

Bikʼcạrko 11:39 Referans Kwoze

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

1 Samuel 2:18

Menkhan huḍiń gidrạ Samuel do mĩhĩ musnạ sutạm reakʼ ephod horokʼkate Probhu Isore sapʼsorae kan tahẽkana.

1 Samuel 1:28

Ona iạte gidrạ do Probhu Isorgeń emadea. Ar tinạkʼ din jiwetʼe tahen unạkʼ din nui do Probhu Isorrene tahena.” Ar onko do bohokʼ kuḍburkate Probhu Isorko sewawadea.

1 Samuel 1:24

Ado gidrạ toa nunui bạgiketʼ khan Hanna do pea ḍaṅgra, gel irạl keji holoṅ, harta reakʼ thulire mitʼ thuli darkha rasa ar gidrạ soṅgekate Silote Probhu Isorakʼ oṛakʼteye calaoena. Unre gidrạ do huḍińgeye tahẽkana.

1 Samuel 1:22

menkhan Hanna do bae senlena. Uni do acʼren jãwãetetʼe metadea, “Gidrạ toa nunui bạgile khange iń do Probhu Isor samaṅreń idiyea jemon jonom bhor onḍegeye tahẽdaṛeakʼ.”

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

Dosar Biboron 12:31

Ape do aperen Probhu Isorakʼ dekʼwa sewa do onkoakʼ sewa leka alope onkaea, ente onko do debotakoko sewawakore joto lekanakʼ hirkhạwakʼko kạmikana one okaṭakʼ do Probhu Isore hirkhạwakʼkan. Onko do debotako ńutumte seṅgelre akoren gidrạkoko khadleyetʼkoa.

Bikʼcạrko 11:38

Jiptha doe menkeda, “E biṭi, do calakʼme.” Ar noa menkate uni do bar cando lạgitʼe bidạkadea. Unre uni ar eṭakʼ kuṛiko do burukore ạcur baṛae tulucʼ rakʼ homorko ehopʼena, ente gidrạren eṅgat do ar tishõ bae hoedaṛeakʼa.

Bikʼcạrko 11:40

Gilead Jiptharen hoponerawakʼ katha disạite homor halaṅ lạgitʼ Israelren kuṛiko do jao bochor pon din lạgitʼ oṛakʼ khonko oḍok calakʼkan tahẽkana.

2 Bõsbudạ 35:25

Josiạ lạgitʼ Jirimiạ do homor halaṅ sereńe joṛaokeda ar teheń hõ sanam gaenahako Josiạwakʼ homor sereńko sereńeda. Ar Israelko talare niạ do mitʼṭecʼ niạm lekage hoyena ar homor sereń reakʼ puthire hõ ona do ol hoyena.