Bikʼcạrko 11:36 - সান্তালী বাইবেল

³⁶ Kuṛiye roṛ ruạṛkeda, “E baba, amakʼ mocatege Probhu Isor ṭhenem roṛ kại akatʼte amakʼ katha lekage ińre baṛe kạmime. Ente Probhu Isor do amren bạiri Amonrenko cetanre halae reakʼe emakatʼmea.”

Bikʼcạrko 11:36 Referans Kwoze

2 Samuel 18:19

Sadokren hopon Ahimase menkeda, “Iń do ńir senkate raj do niạ khobor iń lạiyaea, Probhu Isor do bạirikoakʼ ti khon uniye bańcao akadea.”

Philipiko lạgitʼ Pạul apostolakʼ ciṭhi 2:30

Mạsiyakʼ kạmi lạgitʼ uni do gujukʼ dạkhile hoylena. Ar hạjir bape tahẽkante iń lạgitʼ oka bape ceka daṛeakatʼ tahẽkan ona lạgitʼ uni do acʼakʼ jiwi sudhạ emokʼ hõ rạjigeye tahẽkana.

Romiko lạgitʼ Pạul Apostolakʼ ciṭhi 16:4

Unkin do ińakʼ jiwi rukhiyạ khạtirte ạkinakʼ hoṭokʼkin alaeletʼa. Eken iń eskar do baṅ, menkhan sanam boṅgan hoṛ jạtrenkoakʼ joto manḍerrenko hõ unkinko gunmanao johar ạkin kana.

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

2 Samuel 19:30

Mopheboset do raje metadea, “Unige jotowakʼe hatao ma. Ińren mạlik maharaj do nirạite oṛakʼteye ruạṛ hecʼakana onage iń lạgitʼ do ḍhera.”

2 Samuel 18:31

Ona tayom uni Kusren hoṛ do onḍe seṭeren khane metadea, “E ińren mạlik maharaj bhage khoborgeń ạguakada. Okoe do am upạrteko teṅgolen onko sanamko cetanre teheń Probhu Isor do ame jitạu ocoakatʼmea.”

Josuạ 12:2

Amorikoren raj Sihon do Hesbon khon raje calaoetʼ tahẽkana. Uni do Arnon lodam aṛe reakʼ Aroer khon, metakʼme lodam reakʼ adha khon Amonrenkoakʼ disạm reakʼ simạna Jabok gaḍa hạbicʼ goṭa elakae calaoetʼ tahẽkana. Niạ elaka talare Gileadkoakʼ hõ adha hĩs tahẽkana.