Bikʼcạrko 11:30 - সান্তালী বাইবেল

^30-31 Jiptha do niạ menkate Probhu Isor ṭhen mitʼṭecʼe manotketʼteye menkeda, “Ińakʼ tire Amonrenkom jimạleko khan Amonrenko sãote lạṛhạire jitạukate oṛakʼ iń ruạṛ hijukʼre daramiń lạgitʼ okoeye oḍok hijukʼ unige Probhu Isorrene hoyokʼa. Ar unige mitʼṭecʼ jeredokʼ samaṅokʼakʼ menteń samaṅea.”

Bikʼcạrko 11:30 Referans Kwoze

Genesis 28:20

Noa tayom Jakob do kiriạkateye menkeda, “Ińakʼ noa daṛan horre ińe rukhiyạyiń, ar ińakʼ horokʼ lạgitʼ kicricʼe imạń,

1 Samuel 1:11

Ar Probhu Isor ṭhen manot dohokateye menkeda, “E sanam daṛeanicʼ Probhu Isor, amren kạ̃ṛmĩyakʼ mon reakʼ duk secʼ baṛe beṅgedme ar ańjomtińme. Ar iń bam hiṛiń akadińte amren kạ̃ṛmĩ jodi mitʼṭen hoponem danae enḍekhan jonom bhor uni do am ńutumteń emokʼa. Ar uniyakʼ bohokʼre tisge holatʼ do bạń lagaoakʼa.”

Numeri 21:2

Unre Israelko do Probhu Isor ṭhen manotketʼteko menkeda, “Aradren noko hoṛko aleakʼ tire bam soprotko, enḍekhan ale do onkoakʼ ato ar nagrahale marao giḍikakʼa.”

Bikʼcạrko 11:29

Unre Probhu Isorren Jiu do Jiptha cetanreye hecʼena. Onate Jiptha do Gilead ar Manase ṭoṭha talate senkate Gilead reakʼ Mispateye calaoena ar onḍe khon Amonrenko birudteye laha idiyena.