Bikʼcạrko 11:3 - সান্তালী বাইবেল

³ Onate Jiptha do acʼren boehako khone dạṛketʼte Tob disạmte senkate girobasokʼe ehopʼena. Onḍeko adom kharap hoṛ do uni beṛhaeteko jarwayena ar uni sãote gatekʼko ehopʼena.

Bikʼcạrko 11:3 Referans Kwoze

Bikʼcạrko 9:4

Ar onko do Bakʼal- Beritakʼ mundil khon eaegel goṭecʼ rupạko emadea. Onate Abimelek do bhạṅguạ ar bạṛicʼ hoṛkoe bhaṛaketʼkoa. Onko do uni soṅgeren hoṛko hoyena.

2 Samuel 10:8

Unre Amonrenko do oḍok hecʼkate akoakʼ nagraha reakʼ phaṭok duạr ṭhen lạṛhại lạgitʼ akoren phạdko sapṛaoketʼkoa. Soba ar Rehobren Arami hoṛko ar Toab ar Makaren lạṛhại phạdko do eṭakʼ secʼre bilạn ṭạnḍireko thạrena.

2 Samuel 10:6

Amonrenko tinreko bujhạu daṛeada, onko do Dạud ṭhenko kurud ocoakana mente. Unre onko do Bethrehobren ar Sobaren bargel hajar otten lạṛhại phạdko, ar Makaren mitʼ hajar hoṛko ar Toabren gelbar hajar hoṛkoe bhaṛaketʼkoa.

1 Samuel 22:2

Okoe do muhinre ar rinteko perecʼ akan tahẽkan ar okoe do duk-bhabnareko tahẽkan onko mitʼke mitʼ hoṛ do Dạud ṭhen senkateko jarwayena. Ar Dạud do onkoren subedare hoyena. Nonkate ponsae herel hopon do uni sãoteko mitʼena.

Aposkạmi 17:5

Menkhan Jihudiko do hiskạte bajar khon adom bạṛicʼ hoṛko ńam jarwaketʼkote nagrahare gulmalko ehopʼkeda. Ona tayom Pạul ar Silạs ńamkate hoṛko ṭhen ạgukin lạgitʼ onko do Jasonakʼ oṛakʼre jhãpko emkeda,

1 Samuel 27:2

Niạ hudiskate Dạud do acʼ sãoten turui sae hoṛ soṅgekate ona ṭhạ̃iye bạgiyatʼte Maokren hopon Akis ṭhenko parom calaoena. Akis do Gatren raje tahẽkana.

Bikʼcạrko 11:2

Gileadren bạhu do koṛa hoponkoe janamadea. Onko do harakate Jiptha noa menkateko laga ńirkedea, “Am do aleakʼ sompotti reakʼ ạidạri bam ńama, ente am do eṭakʼ maejiuren hopon kanam.”