Bikʼcạrko 11:27 - সান্তালী বাইবেল

²⁷ Niạko babotre iń do am upạrte cetʼge bạń behok akada, bickom iń upạrte lạṛhại lạgitʼem oḍok hecʼakante amgem behok akada. Bikʼcạricʼ Probhu Isorge ńitokʼ Israelko ar Amonrenko talareye bicạrma.”

Bikʼcạrko 11:27 Referans Kwoze

1 Samuel 24:15

Probhu Isorge aben ar ạliń talare bikʼcạricʼe hoyokʼma are bicạr chinḍạu katalaṅ ma. Unige ạlińakʼ mamblae ńeljut ma ar abenakʼ ti khone rukhiyạ liń ma.”

1 Samuel 24:12

Probhu Isorge aben ar ạliń reakʼ baṛeye bicạrma ar ạliń upạrte okaben behok akatʼ ona reakʼ kuṛạiye emaben ma; enhõ aben upạrte ti do bạliń rakab tạlińa.

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Genesis 16:5

Onate Sạri do Abrame metadea, “Ińre noa behok lạgitʼ dạyi dom amkangea. Ińren kạ̃ṛmĩ do amakʼ aṭetʼreń kolledea, menkhan uni doe bhạrti hoṛmo akana menteye baḍaeketʼ khan ar bae bạsutạń kana. Enḍekhan alaṅ talare okoeṭakʼ laṅ dusikana ona do ńitokʼ Probhu Isorgeye bicạrma.”

Genesis 31:53

Arben onkale khan Abrahamren Isor ar Nahorren Isor ar onkoren hapṛamkoren Isorge jemonko bicạrlaṅ.” Menkhan Jakob do acʼ apatren Probhu Isor ńutumteye kiriạyena.

2Timothi 4:8

Onate iń lạgitʼ dhorom reakʼ jit ṭupri do dohoakana. Bicạr dinre dhorom bikʼcạricʼ Probhu Isor do kuṛại lekate jit reakʼ ona malae danạńạ. Ar eken iń eskargeye danạńạ ona do baṅ, menkhan okoe soborikate uniyakʼ ruạṛ hijukʼ reakʼko koyokʼ horakatʼ onko sanamkoe danakoa.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sereńko 98:9

Probhu Isor samaṅre onko do onako onkaema, ente uni do dhạrti bicạr lạgitʼe hijukʼ kana. Uni do dhoromte dhạrti reakʼe bicạra, ar jạtrenko do hok reakʼe bicạrtakoa.

Sereńko 94:2

E dhạrtiren bicạricʼ, de beretʼme; ar bạḍạikoakʼ kuṛại baṛe emkatakom.

Sereńko 82:8

E Isor, ma beretʼme, dhạrti reakʼ bicạrme, ente sanam jạtrenkoge amakʼ ạidạrire menakʼkoa.

Sereńko 75:7

Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

Sereńko 50:6

Rimil do acʼakʼ dhorom bicạr reakʼ kathakoe lại saḍeakada, ente Isor doe bikʼcạricʼ kana.

Sereńko 7:11

Isor do dhoromren bicạricʼ kanae, uni do bedhoromko jaogeye bicạrkoa.

Jobakʼ 23:7

Unre mitʼṭen dhorom hoṛ do uni ṭhen mamblae samaṅkea; ar ińren bikʼcạricʼakʼ ti khon jaejug lạgitʼ iń do bańcaoiń ńamkea.

Jobakʼ 9:15

Apnarte dhoromicʼ iń hudisokʼ kanre hõ bạń roṛ ruạṛ daṛeae kana; ińren bikʼcạricʼ ṭhen eken daya reakʼgeń koea.

1 Samuel 2:10

Probhu Isorren bạiriko doko chaka chunokʼa, uni do sermare onko upạrteye huḍura; ar dhạrti reakʼ mucạtʼ hạbicʼ uni do hoṛkoe bicạrkoa. Uni do acʼren raje daṛe ocoyea ar acʼren ojokʼ bahalicʼ hoṛ doe jitạu ocoyea.”

Ibriko 12:23

pạhil janam hopon reakʼ ạidạriko ńamakatʼ hoṛ lekate okoekoakʼ ńutum sermare ol akan, onko hotete benaoakʼ manḍer ṭhenpe hecʼakana; okoe doe sanamkoren bicạricʼkan uni Isor ṭhenpe hecʼakana; ar okoekoko sạbit ocoakan onko sanam dhorom hoṛkoakʼ jiu ṭhenpe hecʼakana;

2 Korinthiko 11:11

Cetʼ iạte noa doń meneda? Ape bạń dulạṛetʼpe iạtege cetʼ baṅa? Isor doe baḍaegea, apeń dulạṛetʼpea mente.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Bikʼcạrko 11:28

Menkhan Jipthawakʼ roṛ gotʼakʼ niạ sombatre Amonren raj do bae luturada.

2 Bõsbudạ 20:12

E aleren Isor, am do cetʼ bam bicạrkoa? Noko maraṅ lạṛhại phạdko teṅgo daramko lạgitʼ daṛe aleakʼ do bạnukʼ talea. Ar cetʼle cekaya ona hõ bale baḍaea, menkhan eken am secʼgele koyokʼ hor akada.”

1 Samuel 24:13

Sedaeren hoṛkoakʼ kạhtuk menakʼa, ‘bedhorom khonge bedhorom do oḍok hijukʼa,’ ona iạte ạliń do aben upạrte ti bạliń rakab tạlińa.

1 Samuel 24:16

Dạud do kathae mucạtʼketʼ khan Sạule menkeda, “E jãwãe, noa do cetʼ katha ben meneda?” Ar noa menkate Sạul do ãṭ aṛaṅte rarakʼe ehopʼena.