Bikʼcạrko 11:26 - সান্তালী বাইবেল

²⁶ Teheń pe sae bochor Israelko do Hesbon ar Aroer nagraha ar ona aḍepase reakʼ ato ar Arnon gaḍa aṛe secʼteakʼ sanam atokorele girobasokʼ kana. Inạko dinre cedakʼ am do onako arhõ bam hatleda?

Bikʼcạrko 11:26 Referans Kwoze

Dosar Biboron 2:36

Ar Arnon soḍokʼ aṛe reakʼ Aroer nagraha ar ona soḍokʼ tala reakʼ ato khon ehopʼkate Gilead hạbicʼ nonkan jãhãn daṛeanakʼ atoko se nagraha do baṅ tahẽkana one okaṭakʼ do babon jitạu daṛeakʼ tahẽkan. Aboren Probhu Isor do onako sanamakʼge aboakʼ tireye jimạkeda.

Bikʼcạrko 10:8

Inạ bochor onko do Israelkoko lạhutʼ cabaketʼkoa. Onko do jordan purub secʼ Amorikoakʼ disạm Gileadre girobasokʼkan Israelko gel irạl bochor hạbicʼ kosṭoreko dohoketʼkoa.

Bikʼcạrko 9:22

Abimelek do pe bochor Israelko cetanre raje calaokeda.

Bikʼcạrko 8:28

Nonkage Israelko do Midiạnrenko kobojketʼkoa; onate onko do bohokʼ ar bako rakapʼ daṛeada. Gideonakʼ jionre sarecʼ pongel bochor do disạmre suluk tahẽkana.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

Bikʼcạrko 3:30

Ar enhilokʼ Moab disạm do Israelkoakʼ hatre hecʼena, ar irạlgel bochor hạbicʼ disạmre suluk tahẽyena.

Bikʼcạrko 3:11

Kenas hopon Othniyelakʼ gujukʼ hạbicʼ disạmre pon gel bochor suluk tahẽkana.

Josuạ 23:1

Probhu Isor do Israelko beṛhaeten bạiriko khone jirạu ocoketʼko tayom ḍher din paromena. Ar Josuạ do ḍher umer hoyentaea, are haṛamena.

Josuạ 12:5

Hermon buru, Saleka, Gesuriko ar Makatiko reakʼ simạ hạbicʼ goṭa Bason disạm ar Hisbonren raj Sihon rajosṭi reakʼ simạ hạbicʼ Gilead reakʼ sarecʼ hĩs hõ uniyakʼ tabere tahẽkana.

Josuạ 12:2

Amorikoren raj Sihon do Hesbon khon raje calaoetʼ tahẽkana. Uni do Arnon lodam aṛe reakʼ Aroer khon, metakʼme lodam reakʼ adha khon Amonrenkoakʼ disạm reakʼ simạna Jabok gaḍa hạbicʼ goṭa elakae calaoetʼ tahẽkana. Niạ elaka talare Gileadkoakʼ hõ adha hĩs tahẽkana.

Josuạ 11:18

Josuạ do ḍher din hạbicʼ noko rajko sãoteye lạṛhạiyena.

Dosar Biboron 3:6

Abon do onako ato ar nagrahako purạte bon marao giḍiletʼ tahẽkana. Hesbonren raj Sihon bon cekalede onkage onkoren herel hoponko, maejiuko ar gidrạko ar mimitʼ atoko ar nagrahako jotogebon marao utạrleda.

Dosar Biboron 3:2

Unre Probhu Isor do ińe metadińạ, ‘am do alom botoraea, ente uni ar uniyakʼ disạm ar lạṛhại phạdko do amakʼ tireń jimạ akatʼkoa. Am do Hesbonreye tahẽkan Amorikoren Sihon rajakʼ oka halotem hoeoco akatʼtae onkage nuiyakʼ hõm hoeocoytaea.’

Dosar Biboron 2:24

“Ona tayom Probhu Isor doe metadińa, ‘ape do oḍok hijukʼpe ar Arnon gaḍa paromkate calakʼpe. Ńelpe, iń do Hesbonren Amorikoren Sihon raj ar uniyakʼ disạm do apeakʼ tireń jimạ akada. Ape do uniyakʼ disạm dokhol iạte lạṛhại lạgitʼpe uskạukoa.

Aposkạmi 13:19

Ona tayom Kanan disạmren eae jạtrenkoe maraoketʼkote acʼren hoṛko ona disạm cetanre ạidạriye ematʼko tahẽkana.

Josuạ 13:17

Hesbon ar bilạn ṭạnḍi reakʼ adha ato ar nagrahako. Noa ato ar nagrahako do hoyokʼkana Dibon, Bamot-Bakʼal, Boet-Bakʼal-Meon,

Jirimiạ 48:19

E Aroerren hoṛko, ape do hor aṛere teṅgokate ńelpe. Ar dạṛjoṅkan hoṛko kulikope, ‘cetʼ hoyakana mente?’