Bikʼcạrko 11:21 - সান্তালী বাইবেল

²¹ Unre Israelkoren Probhu Isor do Israelkoakʼ tire Sihon ar uniren sanam hoṛkoe soprotkatʼkoa ar Israelko do onkoko bhagaoketʼkoa. Ar ona disạmreko girobasokʼkan sanam Amorikoakʼ jaega do Israelkoko hatkeda.

Bikʼcạrko 11:21 Referans Kwoze

Numeri 21:24

Niạ lạṛhạire Israelko do uniko gocʼkedea ar Arnon khon Jabok gaḍa hạbicʼ uniyakʼ disạmko ạidạriyana. Onko do eken Amonrenkoakʼ simạ hạbicʼko ạidạriyana, ente Amonrenkoakʼ disạm reakʼ simạna do usạrateko parom hotʼ daṛeakʼ onka do baṅ tahẽkana.

Dosar Biboron 2:32

“Inạ tayom tinre Sihon do abo sãote lạṛhại lạgitʼ acʼren lạṛhại phạdkoante Johasreye oḍok hecʼena unre aboren Probhu Isor do aboakʼ tire uniye jimạkedea. Ar abo do uni ar uniren sanam hoponko ar uniren lạṛhại phạdko bon maraoketʼkoa.

Bikʼcạrko 11:20

Menkhan Sihon do Israelko bae pạtiạuatʼkote acʼakʼ disạm talate calakʼ reakʼ hukum bae ematʼkoa. Uni do acʼren sanam hoṛkoe jarwaketʼkoa ar Jahasreye ḍerayente Israelko upạrteye lạṛhạiyena.

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

Josuạ 6:2

Unre Probhu Isor do Josuại metadea, “Ńelme, iń do Jerikho nagraha, ar onaren raj ar onaren sanam bir lạṛhạiko amakʼ tireń jimạ akatʼkoa.

2 Bõsbudạ 13:5

Ape do cetʼ bape baḍaea, Israelren Probhu Isor do jaejug reakʼ bondobos hotete Dạud ar uni bõsren hoṛko ṭhen jaejug hạbicʼ Israelko lạgitʼ raj hudại emakada mente?

2 Bõsbudạ 13:16

Jihudạ samaṅ khon Israelko doko dạṛkeda ar Isor do Jihudikoakʼ tireye jimạkatʼkoa.

Amos 2:9

“E Israelren hoṛko, Amoriko do debdạru dare leka usul ar Elon dare leka daṛeanko tahẽkanre hõ enhõ onko Amoriko do ape samaṅregeń marao giḍiletʼkoa. Iń do onkoakʼ rehetʼ ar jo sudhạgeń maraoletʼtakoa.