Bikʼcạrko 10:7 - সান্তালী বাইবেল

⁷ Ona iạte uni do onko cetanre edrete pit caṛhaoadea ar Philisṭiko ar Amonrenkoakʼ tireye jimạkatʼkoa.

Bikʼcạrko 10:7 Referans Kwoze

Bikʼcạrko 2:14

Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.

Nạhum 1:6

Uniyakʼ raṅgao samaṅre do okoeye ṭikạu tahẽdaṛekokʼa? Ar uniyakʼ botoranakʼ edre do okoeye sahao daṛeketaea? Uniyakʼ edre do seṅgel leka jolokʼkana; ar uni samaṅre lạṭu lạṭu dhiriko do gejerokʼ kana.

Nạhum 1:2

Probhu Isor do nonkan Isor kanae uni do acʼakʼ kuṛạiye khojkana ar joe emokʼkana; Probhu Isor doe hala hạliya ar acʼren bạiriko lạgitʼ edreye dohokakʼa.

Jesaea 50:1

Probhu Isore meneda, “Eṅgamakʼ bapag dolel do okare menakʼa, one okaṭakʼteń bạgikede? Ińren mahajonko modre okoe ṭheniń ạkhriń akatʼpea? Apeakʼ kại iạtege ape dope ạkhriń akana; apeakʼ behokakʼ lạgitʼge aperen eṅgam doe bạgi ocoakana.

Sereńko 74:1

E Isor, jaejug lạgitʼ cedakʼem bạgi giḍi akatʼlea? Amakʼ ạtiń ṭạnḍiren bhiḍiko upạrte cedakʼ amakʼ edre reakʼ seṅgel do sarsaokʼ kana?

Sereńko 44:12

Am do begor damtege amren hoṛkom ạkhriń akatʼkoa; ar noa iạte cetʼ amakʼ jãhãnakʼ lab hoyakantama?

Bikʼcạrko 4:2

Onate Probhu Isor do Jabin ńutuman mitʼṭen Kanani rajakʼ tire onkoe jimạkatʼkoa. Jabin do Hasor khon raje calaoetʼ tahẽkana. Uniren senaputiyakʼ ńutum do Sisera tahẽkana. Uni do Harosetreye tahenkan tahẽkana.

Bikʼcạrko 10:8

Inạ bochor onko do Israelkoko lạhutʼ cabaketʼkoa. Onko do jordan purub secʼ Amorikoakʼ disạm Gileadre girobasokʼkan Israelko gel irạl bochor hạbicʼ kosṭoreko dohoketʼkoa.

Bikʼcạrko 6:1

Israelko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onate uni do Midiạnrenkoakʼ tireye jimạkatʼkoa ar eae bochor hạbicʼ onko gobolreye dohoketʼkoa.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.