Bikʼcạrko 10:6 - সান্তালী বাইবেল

⁶ Israel hoponko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onko do Bakʼal debotako ar Astarot debiko ar Aramrenko, Sidonrenko, Moabrenko, Amonrenko ar Philisṭikoren debotako sewawakoko ehopʼena. Nonkate Israelko do Probhu Isorko bạgikedete ar bako sewawadea.

Bikʼcạrko 10:6 Referans Kwoze

2 Rapajko 23:13

Jerusalem purub secʼ dhaṅ dhaserakʼ buru reakʼ dạkhin secʼre okako than boṭkocʼ tahẽkan onako hõ uni doe bhõnḍ ocokeda. Israelren raj Solomon do Sedonikoren Astoret debota lạgitʼ, Moabikoren Kemos debota lạgitʼ ar Amonren Melok debota lạgitʼ niạko than boṭkocʼ doe benaoleda.

1 Rapajko 11:33

Iń doń onkaea, ente onko gel gusṭirenko do ińko bạgi giḍi akadińạ ar Sidonren debi Astarot, ar Moabren debota Kemos ar Amonikoren debota Milkomko sewawae kana. Solomonren apattetʼ Dạud okae cekayetʼ tahẽkan onko do bako onkayeda. Onko do ińakʼ mẽtʼre oka ṭhikakʼ baṅkan onako kạmikana, ar ińakʼ niạm ar hukumko hõ bako bataoeda.

1 Rapajko 11:7

Jerusalem purub reakʼ buru cetanre uni do Moabren hirkhạwạnicʼ debota Kemos ar Amonikoren hirkhạwạnicʼ debota Molok ńutumte sewawạkin lạgitʼ than boṭkocʼ koe benaokeda.

1 Rapajko 11:5

Uni do Sidonikoren debota Astoret ar Amonikoren debota Milkom sewawạkine ehopʼena.

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

Sereńko 106:36

Onkoren murtikoko sewawatʼkoa ar onko do akoren jhampako hoyena.

2 Rapajko 17:16

Onko do akoren Probhu Isorakʼ sanam hukum bạgikate ako lạgitʼ dulakʼ barea mĩhũ muṭhạn ar mitʼṭecʼ Asera khunṭiko benao joṅan tahẽkana. Onko do sermaren ipilkoko sewawako kan tahẽkana ar Bakʼal debota hõko sewawae kan tahẽkana.

Bikʼcạrko 16:23

Inạ tayom Philisṭikoren disạm cakʼlaoko do akoren debota Dagon ạḍi okocʼ dãṛẽ teṅgenae lạgitʼ ar rạskạkʼ lạgitʼ mitʼ ṭhenko jarwayena. Onkoko menkeda, “Aboren Isor do aboakʼ tire aboren bạiri Samsone jimạ akadea.”

2 Bõsbudạ 28:23

Uni do Damesekren debotakoko bhagaoledete onko lạgitʼ dãṛẽkoe samaṅketʼkoa. Uni doe hudiskeda, “Aram rajren debotako do onkoko goṛowako kana, onate iń hõ goṛo ńam lạgitʼ onko debotako ṭhen janwariń dãṛẽkoa.” Menkhan onko debotageko hoyokʼkana uniyakʼ ar goṭa Israelre sorbonas hoyokʼ reakʼ karon do.

1 Rapajko 16:31

Nabatren hopon Jerobiam okakoe kạiletʼ onako do thoṛawakʼgeye metakʼkan tahẽkana. Eken ona do baṅa, uni do Sidonkoren raj Et-bakʼalren hoponera Esebele baplakedea ar Bakʼ-al debota sewawaye ehopʼena.

1 Samuel 5:2

Isor reakʼ sinduk onko do Dagonakʼ mundilte idikate Dagonakʼ muṭhạn aṛereko dohokada.

Bikʼcạrko 13:1

Israel hoponko do Probhu Isorakʼ nońjorre oka bạṛicʼakʼkan onage kạmiko ehopʼena. Onate Probhu Isor do pongel bochor hạbicʼ Philisṭikoakʼ gobolreye dohokatʼkoa.

Bikʼcạrko 6:1

Israelko do arhõ Probhu Isorakʼ nońjorre oka bạṛicʼakʼkan onage kạmiko ehopʼena. Onate uni do Midiạnrenkoakʼ tireye jimạkatʼkoa ar eae bochor hạbicʼ onko gobolreye dohoketʼkoa.

Bikʼcạrko 4:1

Ehude gocʼen tayom Israelko do arhõ Probhu Isorakʼ mẽtʼre oka bạṛicʼakʼ kan onage kạmiko dhurạuena.

Bikʼcạrko 3:7

Ar Israelko do Probhu Isorakʼ mẽtʼre oka bạṛicʼakʼkan onage kạmiko ehopʼena. Onko do akoren Probhu Isorko hiṛińkedete Bakʼal debota ar Asera debi sewawaeko ehopʼena.

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Dosar Biboron 31:16

Probhu Isor do Moseye metadea, “Am do amren hapṛamko ṭhen giticʼ lạgitʼem calakʼkana, menkhan noko hoṛ okaṭakʼ disạmko bolo lạgidokʼkan onḍe onko do ạnạṛi deb debi ṭhenko ạkhrińokʼa arko laṭghaṭa. Onko do ińko bạgiyińạ ar oka bondobosiń doholetʼ ona hõko rạpuda.

Dosar Biboron 31:17

Ar unre onko upạrte ińakʼ edre jolokʼtińa ariń bạgi giḍiyakoa ar onko khon ińakʼ mẽtʼãhãń danaṅtińạ; arko marao utạrokʼa. Unre onko cetanre duk-kosṭo ar muhinko hecʼ paṛaokʼa. Ar enhilokʼko mena, ‘aleren Probhu Isor ale sãore bạnuite alere noa muhin do paṛao akana.’

Josuạ 13:31

Gilead reakʼ adha jaega ar Astarot ar Edreyi nagraha. Niạ banar nagraha khon Basoren raj Og doe rajokʼkan tahẽkana. Niạ jaegakin do Manaseren hopon Makirren adha hoṛkoren judạ judạ bõskoko emocolena.

Bikʼcạrko 10:5

Ar Jayire gocʼen khan uni do Kamonreko topakadea.

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.

Jesaea 23:4

E Sidon, lajaokʼme, ente jalapuri, ona jalapuri reakʼ gaṛ do niạ kathae meneda, “Iń do bedon baṅ rakapʼ akawạdińa, ar janam hõ bạń janam akatʼkoa. Iń do juạn koṛako bạń ạsul hara akatʼkoa ar juạn kuṛiko hõ bạń joton akatʼkoa.”

Jeheskel 27:16

Amakʼ benaoakʼ ḍher jinisko lạgitʼ Siriya do am tulucʼe bạnij-beparetʼ tahẽkana; amakʼ jinisko bodolte onko do akoakʼ podmorag mạnik, beguni roṅakʼ kicricʼ, likạn goṛhon kicricʼ, mĩhĩ musnạ kicricʼ ar rokto mạnikkote amakʼ jinisko hataoetʼ tahẽkana.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Dosar Biboron 13:8

enḍekhan uniyakʼ do alom luturakʼa ar ańjom hõ alom ańjomtaea. Uni do alom dayawaea; ar alom aṛagea, se alom rukhiyạyea.

Bikʼcạrko 8:33

Gideonakʼ gujukʼ tayom Israelko do arhõ Probhu Isor bạgikate Bakʼal debota sewawaeko ehopʼena. Onko do Bakʼal-Beritge akoren debota menteko dohowana.

Jirimiạ 2:20

“Ḍher din laharege am do amakʼ arãṛem rạputʼ giḍi akada ar amakʼ tonolem topakʼ akada; arem meneda, ‘am do bạń sapʼ sorama.’ Am do mimitʼ usul buru ar hạṛiạṛ dare buṭạkore kusumbi leka ombakʼkatem laṭghaṭetʼ kana.

Jirimiạ 32:23

Onko do hecʼkate onako ạidạrian tahẽkana, menkhan onko do amakʼ katha bako ańjomleda ar amakʼ ạn-ạri leka bako senlena; ar okaṭakʼ cekae lạgitʼem hukumatʼko tahẽkan ona reakʼ cetʼge bako kạmileda. Ar onatege noako muhin do onkorem paṛao ocoleda.