Bikʼcạrko 10:13 - সান্তালী বাইবেল

¹³ Menkhan ape do iń bạgikate debotakope sewawako kana, onate ar bạń bańcaopea.

Bikʼcạrko 10:13 Referans Kwoze

Jirimiạ 2:13

Ente ińren hoṛ do bareako ghạṭ akada. Jion dakʼ reakʼ bhumbuk doń ińkangea, onko do ińgeko bạgi giḍi akadińạ, ar apnar lạgitʼ nonkan dakʼ ḍạḍiko benao akada one onakore do dakʼge baṅ tahenkan.

1 Bõsbudạ 28:9

“Ar ińren hopon Solomon, am do am apatren Isor samaṅrem taṛam ar amakʼ mon ar ontorte unim sewawaea, ente Probhu Isor do sanamkoakʼ ontore baḍaekana ar ganḍonjoṅakʼ hõe baḍaegea. Uniyakʼ monsubạ baḍae reakʼem kurumuṭule khanem baḍae daṛeakʼ, menkhan unim bạgiye enḍekhan uni hõ jaejug lạgitʼe nihạ̃tmea.

Bikʼcạrko 2:12

Onkoren hapṛamkoren Probhu Isor, okoe do Misor disạm khone oḍok ạguletʼko tahẽkan uni do jaogeko bạgiyaekan tahẽkana. Onko do ako beṛhaeten jạtren eṭakʼ eṭakʼ debota secʼko ạcurokʼkan tahẽkana arko pujạwako kan tahẽkana, ar onkate Probhu Isorakʼ pitko caṛhao ocoyetʼ tahẽkana.

Jona 2:8

Okoe ạuṛiyakʼren boṅgako sewawako kan onko do amakʼ okaṭakʼ dayako ńamke ona do bako moneyakʼkana,

Dosar Biboron 32:15

“Menkhan Jisurun doe moṭayena are phandakeda. E Jisurun, am do ḍher jomte ạḍim moṭayena. Ona tayom uni do acʼren sisirjạuicʼ Isore bạgi giḍiadea, ar acʼakʼ asrayokʼ buru hõe nihạ̃t giḍikada.

Bikʼcạrko 10:14

Okoe debotakope bachaoan tahẽkan onko ṭhenge senkate ragpe. Onkoge muhinreko bańcaope ma.”

Bikʼcạrko 2:19

Menkhan disạm cakʼlaokoko gocʼlen khan hoṛko do arhõ debota secʼko lawerokʼkan tahẽkana arko sewawako kan tahẽkana ar hapṛamko khon hõ bạṛicʼakʼ horteko taṛametʼ tahẽkana. Onko do okalekate hõ bạṛicʼakʼ hor ar bạṛicʼ hewa bako bạgiyakʼkan tahẽkana.

2 Bõsbudạ 12:5

Semaya nạbi do unre Rehobiam ar Jihudạ mukhiyạko ṭhene hecʼena. Onko mukhiyạko do Sis botorte Jerusalemre hecʼkateko jarwalena. Semaya do onkoe metatʼkoa, “Probhu Isor do niạ kathae meneda, ‘ape dope bạgi giḍiakadińạ, ona iạte iń do ńitokʼ Sisakakʼ tireń jimạ akatʼpea.’ ”

2 Bõsbudạ 15:2

Unre Asariạ do Asa tulucʼ ńapamokʼ lạgitʼe oḍok senenteye menkeda, “E Asa, E Jihudạ ar Benjạminren sanam hoṛko, ińakʼ katha ańjompe. Ape tinạkʼ din Probhu samaṅrepe tahen unạkʼ din uni hõ ape sãoteye tahẽna. Uniyakʼ monejoṅakʼ baḍaeteakʼ menakʼtape khan ona dope daṛeakʼa, menkhan unipe bạgiyae enḍekhan uni hõ apeye bạgi giḍipea.

2 Bõsbudạ 21:10

Onate Edomrenko do teheń hạbicʼ Jihudạ upạrteko bhiṅgṛạu akana. Jehoram do acʼren hapṛamkoren Probhu Isore bạgi akawade tahẽkante Libnarenko hõ ona jokhecʼko hulkeda.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.