Bikʼcạrko 1:6 - সান্তালী বাইবেল

⁶ Adoni-Besek tinreye dạṛ pharakokʼkan tahẽkana unre onko do uniko khudạu tiyokʼkedete uniyakʼ ti ar jaṅga reakʼ buḍhạ kạṭupʼko samakʼketʼtaea.

Bikʼcạrko 1:6 Referans Kwoze

Exodus 29:20

Ar bheḍam mageya ar uniyakʼ thoṛa mãyãm hataokate Aron ar uniren hoponkoakʼ jojom lutur reakʼ gonḍare, jojom ti ar jaṅgạkin reakʼ buḍhạ kạṭupʼrem jotʼakoa. Ona chaḍa sarecʼ mãyãm do pinḍ beṛhaetem irciyakʼa.

Bikʼcạrko 1:5

Onḍe onko do Adoni-Besekko ńamkedea ar uni sãoteko lạṛhạiyena ar onko do Kanani ar Pherisikoko bhagaoketʼkoa.

Bikʼcạrko 1:7

Onate Adoni-Beseke menkeda, “Iń do eaegel rapajkoakʼ ti ar jaṅga reakʼ buḍhạ kạṭupʼ iń samakʼ kuṭrạletʼtakoa. Onko do ińakʼ ṭebil latar reakʼ ạiṭhạwakʼko halaṅ jometʼ tahẽkana. Onko cetanre okań cekaletʼ Isor hõ iń cetanre onkageye kạmi akada.” Ar Adoni-Besek do Jerusalemteko idikede khan onḍeye gocʼena.

Exodus 14:26

Unre Probhu Isor do Moseye metadea, “Jalapuri cetanre amakʼ ti tiạrtam. Onate dakʼ do arhõ mitʼ ruạṛokʼte misriko cetanre, onkoakʼ rãt gạḍikore ar aswariko cetanre paṛaokʼa.”

Exodus 21:24

mẽtʼ hala hạli mẽtʼ, ḍaṭa hala hạli ḍaṭa, ti hala hạli ti, jaṅga hala hạli jaṅga;

Josuạ 15:16

Kaleb doe menleda, “Jãhãege Kiriạt-Sephere hat, uni sãotege ińren hoponera Aksa doń baplakaea.”

Sereńko 59:11

E Probhu Isor, aleren ḍhal, ińren bạiriko alom gocʼ giḍikoa, ar baṅkhan ińren hoṛ do noako bako disạ dohoya. Am do bickom amakʼ daṛetem nonkakoa jemon hanḍe nanḍeko ạcur baṛae; ar amge baṛe onko do bhagaokom.

Sereńko 107:40

Uni do cetan hudạren hoṛko cetanre bemanote upʼatʼkoa,

Sereńko 149:8

ar sikṛite onkoren rajkoko tolko, ar onkoren cetan hudạren hoṛko mẽṛhẽtʼ reakʼ biṛitekoe tol daṛeako,

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.

Jirimiạ 50:15

Uni beṛhaete uni upạrte lạṛhại reakʼ andoṛpe. Uni doe bhagao ocoakana, uniyakʼ rurukhiyạ bebosta do rạputʼ akana ar uniyakʼ pạcri do lạnduṛ akantaea. Probhu Isor do uni cetanreye hala hạlikʼkana, ape hõ halawaepe. Eṭakʼko cetʼ lekae ceka akawatʼko ape hõ uni onkawaepe.