Bikʼcạrko 1:34 - সান্তালী বাইবেল

³⁴ Amoriko do Dan gusṭiren hoṛko buru ṭoṭhareko aṭok dohoketʼkoa; bilạn ṭạnḍite do bako pheḍ ocowatʼkoa.

Bikʼcạrko 1:34 Referans Kwoze

Josuạ 19:47

Dan gusṭirenko do akoakʼ joto bakhra bako hat daṛeatʼ tahẽkante onko lạgitʼ jaega do huḍińge tahẽkana. Onate onko do Lesem nagrahako akromonketʼte onḍenko hoṛko bhagaoketʼkoa ar sanamko gocʼketʼkote onako hatkeda. Ar onko do Lesemre girobasokʼko ehopʼena ar onkoren hapṛamkoakʼ ńutum lekate ona jaega reakʼ ńutum do “Dan” ko dohokeda.

Bikʼcạrko 18:1

Onako dinre Israelko talare cele rapajkoge bako tahẽkana. Ar Israel gusṭiko modre Dan gusṭiren hoṛko do unhạbicʼ hõ jãhãn sompottige bako dokhol daṛe akawan tahẽkana. Ar onate onko do girobasokʼ lạgitʼ mitʼṭecʼ jaegako sendra baṛayetʼ tahẽkana.

Bikʼcạrko 1:33

Napthali gusṭiren hoṛko hõ Bet-semes ar Bet-anatren hoṛko bako laga oḍokletʼkoa menkhan akoren golamko hoe ocoketʼkoa.

Bikʼcạrko 1:35

Amoriko do Har-heserre, Ajalonre ar Sa-albinre tahengeko goṭa uricʼkeda; menkhan Joseph bõsren hoṛkoakʼ daṛe tinre ḍher idiyena unre onko do Amoriko akoren golamko hoe ocoketʼkoa.