Bikʼcạrko 1:29 - সান্তালী বাইবেল

²⁹ Ephrayim gusṭiren hoṛko hõ Geser khon Kananiko bako laga oḍokletʼkoa. Kananiko do onḍe onko talaregeko tahẽyena.

Bikʼcạrko 1:29 Referans Kwoze

Josuạ 16:10

Geserre okoe Kananiko girobasokʼkan tahẽkan onko do bako laga ńirletʼkoa. Onate teheń hạbicʼ hõ onko do Ephrayim gusṭiren hoṛko sãoteko girobasokʼkana; tobe Ephrayim gusṭiren guti lekate onko do begari kạmi lạgitʼ golamko hoyakana.

1 Rapajko 9:16

Inạ lahare Misorren Pharao raj do Geser hatkate seṅgelteye ḍahao marao akatʼ tahẽkana ar onḍeko tahẽkan Kananrenko doe gocʼletʼkoa. Tayomte ona jaega do acʼren hoponera, metakʼme, Solomonren bạhu ńutumte baplare dan sandes lekateye emlena.

Josuạ 10:33

Unre Geserren Horam raj do Lakhisren hoṛko goṛowako lạgitʼe oḍokʼ hecʼlena menkhan Josuạ do uni ar uniren lạṛhại phạdkoe bhagaoketʼkoa. Ar sesre celege jiwetʼ bako sarecʼlena.

Bikʼcạrko 1:28

Israelko tinreko daṛe idiyena unre onko hoṛ do akoren golamko hoe ocoketʼkoa menkhan bako laga ńir utạrletʼkoa.

Bikʼcạrko 1:30

Sebulon gusṭiren hoṛko hõ Kiṭron ar Mahalol khon Kananiko bako laga oḍokletʼkoa. Onate onko talaregeko tahẽyena, menkhan Sebulon gusṭiren hoṛko do akoren golamko hoe ocoketʼkoa.

1 Rapajko 9:15

Solomon raj do Probhu Isorakʼ oṛakʼ, acʼakʼ raj dolan, Milo, Jerusalem reakʼ pạcri, Hasor, Megido ar Geser benao lạgitʼ ạḍi utạr hoṛko kạmireye jormoṭketʼkoa.