Bikʼcạrko 1:26 - সান্তালী বাইবেল

²⁶ Inạ tayom uni hoṛ do Hitikoakʼ disạmte senkate mitʼṭecʼ nagrahae benaokeda ar ona reakʼ ńutum do Luse dohokeda. Teheń hạbicʼ ona nagraha reakʼ ńutum do inạge menakʼa.

Bikʼcạrko 1:26 Referans Kwoze

2 Bõsbudạ 1:17

Misor disạm khon ạguwakʼ mimitʼ rãt gạḍiko reakʼ dam do eae keji irạl sae gram rupạ ar mimitʼ goṭen sadomakʼ dam do eae keji irạl sae gram rupạ tahẽkana. Onko bepariko do Hittiko ar Aramren sanam rapajko ṭhenko ạkhrińetʼko tahẽkana.

2 Rapajko 7:6

Probhu Isor do rãt gạḍi, sadomko, ar maraṅ mitʼ dol lạṛhại phạdkoakʼ sabad Aramrenkoe ańjom ocoketʼkoa. Onate Aramren lạṛhại phạdko do ako akoreko mepenena, “Ńelpe, Israelren raj do abore jhãp em lạgitʼ Hittiren raj ar Misorren rajkine bhaṛa ạguakatʼkinạ.”

Bikʼcạrko 1:25

Unre uni hoṛ do hore udukʼatʼkoa ar onko do senkate nagraharen sanam hoṛko gocʼketʼkoa, menkhan uni hoṛ ar uni bõsren doko aṛakʼkatʼkoa.

Bikʼcạrko 1:27

Manase gusṭiren hoṛko do Bet-Sean, Tanak, Dor, Ibleam ar Megido nagraha ar onako beṛhaeteakʼ atokoren hoṛko bako laga ńir daṛeatʼkoa, ente onako jaegaren Kananiko doko goṭa akatʼ tahẽkana, disạm do bako bạgiyakʼa mente.