Bikʼcạrko 1:20 - সান্তালী বাইবেল

²⁰ Moseyakʼ gokʼakʼ lekate Kaleb do Hebron nagrahae em ocolena. Kaleb do Anakren pea hopon Hebron khone laga ńirletʼkoa.

Bikʼcạrko 1:20 Referans Kwoze

Bikʼcạrko 1:10

Ar Hebronren Kananiko birudteko lạṛhại idiyente onko do Sesae, Ahiman ar Talmaeko bhagaokedea. Hebron reakʼ lahateakʼ ńutum do Kiriạt-Abra tahẽkana.

Numeri 14:24

Menkhan ińren golam Kalebakʼ monre onkanakʼ do bạnukʼa uni do purạte ińakʼ kathakoe senakʼkana. Onate uni okaṭakʼ disạmteye senlen ona disạmiń idiyea ar uni bõsrenko do ạidạri lekate onako ńama.

Numeri 13:22

Onko do dạkhin nakha secʼte senkate Hebron nagrahateko seṭerena. Hebron nagraha do Misor reakʼ Soan nagraha khon eae bochor laha reakʼ tahẽkana. Onḍe do Ahiman, Sesae ar Thalmae ńutuman Anak bõsren pe hoṛko tahẽkana.

Josuạ 10:36

Inạ tayom Josuạ do sanam Israelkoante Eglon khon Hebronte senkate ona nagrahae akromonkeda.

Josuạ 11:21

Inạ tayom Josuạ do buru ṭoṭhate senkate Anakiko hõe gocʼketʼkoa. Niạ ṭoṭha modre do Hebron, Debir, Anab nagraha, Jihudạ ar Israel reakʼ sanam buru jaegako tahẽkana. Uni do Anakiko ar onkoakʼ nagrahako ar atokoe marao cabaketʼtakoa.

Josuạ 14:15

Ananikiko modre Arbo ńutuman mitʼṭen ektiạran hoṛakʼ ńutum leka Hebron do lahate Kiriạt-Arbako metakʼkan tahẽkana. Inạ tayom disạmre lạṛhại do thir akan tahẽkana.