Aposkạmi 9:4 - সান্তালী বাইবেল

⁴ Uni do otreye bhindạṛena ar mitʼṭecʼ aṛaṅ metaekane ańjomkeda, “E Sạul, E Sạul cedakʼem khedeńkana?”

Santali Common Language New Testament

⁴ Uni do otreye bhindạṛena ar mitʼṭen aṛaṅ metaekane ańjomkeda, “E Sạul, E Sạul cedakʼem khedeń kana?”

Aposkạmi 9:4 Referans Kwoze

Sakariạ 2:8

Phạdkoren Probhu Isor do acʼakʼ ṭhonok sodortae lạgitʼ onko jạtrenko ṭhene kol akadińạ one okoe do aboko luṭ akatʼbon. Uni doe meneda, “Jãhãege apeye joṭetʼpe uni do ińakʼ mẽtʼ reakʼ monigeye joṭeda.

1 Korinthiko 12:12

Mitʼṭen hoṛmore cetʼleka aema hạṭińko tahen ar ona hạṭińko ḍhergere hõ cetʼleka mitʼṭen hoṛmoge hoyokʼkan, Mạsi hõ ṭhik onkage.

Romiko lạgitʼ Pạul Apostolakʼ ciṭhi 11:22

Onate Isor do tinạkʼ dayakʼicʼ ar tinạkʼ ajhãṭicʼ kanae ona baṛe hudisme. Okoeko ńurhạ akan onko lạgitʼ doe ajhãṭena, menkhan am lạgitʼ do dayawạnicʼge, khạjuk uniyakʼ daya latarrem tahen. Ar baṅ khan am hom makʼ giḍi ocokʼa.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Genesis 22:11

Unre Probhu Isorren goḍet do serma khon uniye hohoadea, “E Abraham, E Abraham!” Abrahame roṛ ruạṛkeda, “Nõkʼõe minạńgea.”

Genesis 16:8

Serma goḍete menkeda, “Sạriren kạ̃ṛmĩ Hagar, oka khonem hecʼakana ar okatem calakʼkana?” Hagare roṛ ruạṛkeda, “Iń do ińren kisạ̃ṛren bạhu ṭhen khoniń dạṛjoṅkana.”

Ephesiko lạgitʼ Pạul Apostolakʼ ciṭhi 5:30

Ente abon do uniyakʼ hoṛmo hạṭińko kana bon.

1 Korinthiko 4:7

Am do eṭakʼko khonem begargea mente okoe hõ bako monejoṅ kana. Nonkanakʼ cetʼ menakʼtama one okaṭakʼ do dan lekate bam ńamakatʼ? Arem ńamakatʼ khan cedakʼ begor ńamicʼ leka dom sarhaokʼ kana?

Johan 21:15

Adoko jom sạtketʼ khan Jisu do Simon Patrase metadea, “E Jona hopon Simon, noko khon bạ̃ṛtim dulạṛedeń kana?” Simon Patrase menkeda, “Hẽ Probhu, baḍaegeam tinạkʼ iń dulạṛetʼmea mente.” Jisu do uniye metadea, “Ińren bhiḍiko gupikom.”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

Genesis 3:9

Probhu Isor do Adam hohoadeteye metadea, “Okare menama?”

Johan 20:16

Jisui menkeda, “Mạriạm.” Onate Mạriạm doe ạcurente Ibrite Jisui metadea, “Rạbbuni.” Mane do E Guru.

Johan 18:6

Ado “Ińkangeạń,” menteye metatʼko khan onko doko pạcgotʼena ar otreko bhindạṛena.

Luk 10:41

Unre Jisu do Marthae metadea, “Martha, E Martha, am do ạḍi okocʼ reaṅem dạndikʼ kana, arem uduṛ dhupuṛ baṛae kana,

Numeri 16:45

“Aben do noko hoṛko khon pharakokʼ ben; ńitge onko doń marao cabakoa.” Noa katha ańjomkate unkin do otre kin ombakʼena.

Exodus 3:4

Mose do ona jạnum jhạuạ ńel lạgitʼe sen sorokʼkan tahẽkanre Probhu Isor do ona jạnum jhạuạ tala khone menkeda, “E Mose, E Mose.” Moseye menkeda, “Minạńgea.”

Aposkạmi 5:10

Ar Sạphira do unrege Patrasakʼ jaṅga ṭhene bhindạṛena are gocʼena. Ar onko juạn hoṛko do bhitrite bolokate uni hõ gocʼgeko ńelkede khan bahrete idikate uniren jãwãetetʼ pantereko topakadea.

Jesaea 6:8

Ona tayom iń do Probhu Isorakʼ kathań ańjomkeda. Uniye menkeda, “Okoeyiń kolea? Abo secʼ khon okoeye calakʼa?” Ińiń menkeda, “Iń minạńa, ińge koleńme baṛe.”

Aposkạmi 9:5

Sạul doe menkeda, “E Probhu Isor, am dom okoekana?”