Aposkạmi 9:38 - সান্তালী বাইবেল

³⁸ Jappo do Ludda sorre tahẽkana; onate celako do Patras Luddare menaea menteko ańjomketʼ khan bar hoṛ uni ṭhen kolketʼkinteko nehõradea, “Am do usarate ale ṭhen baṛe hijukʼme.”

Santali Common Language New Testament

³⁸ Jappo do Ludda sorre tahẽkana; onate celako do Patras Luddare menaea menteko ańjomketʼ khan bar hoṛ uni ṭhen kolketʼkinteko nehõradea, “Am do usarate ale ṭhen baṛe hijukʼme.”

Aposkạmi 9:38 Referans Kwoze

Aposkạmi 9:36

Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Aposkạmi 11:26

ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.

Aposkạmi 9:32

Patras do goṭa ṭạnḍi ạcur ạcurte Luddareko berelakan tahẽkan Isorren hoṛko ṭhene hecʼena.

Josuạ 19:46

Mejarkon, Rakon ar Jopa samaṅ reakʼ ṭoṭhako paṛaoena.

2 Bõsbudạ 2:16

Ale do Lebanon khon amakʼ jạruṛokʼ leka sanam kaṭko makʼkate mitʼ dhaote tolkate doreãore cape ocokate Japho nagraha hạbicʼle idiya. Ar ona tayom do Jerusalemte onakom idi ocokoa.”

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

Jona 1:3

Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.

Aposkạmi 9:19

Ona tayom uni do beretʼenteye bạptisena ar jom ńũketʼteye daṛeyena. Ar Sạul do Damesekren celako sãote thoṛa dine tahẽyena.

Aposkạmi 9:42

Noa katha do Joppa nagraharen sanamko baḍaekeda ar ḍher hoṛge Probhu Isorreko pạtiạuena.

Aposkạmi 9:43

Ar Patras do Joppare Simon ńutuman mitʼṭen hoṛakʼ oṛakʼre ḍher dine tahẽyena. Ar nui Simon do mitʼṭen camar hoṛe tahẽkana.

Aposkạmi 10:5

Ńitokʼ am do Joppa nagrahate hoṛ kolkom, ar Simon, one okoe do Patrasko metae uni hoho ạguiyem. Onḍe jalapuri aṛere ar mitʼṭen Simon menaea.

Aposkạmi 10:8

Ar sanamakʼe lại bujhạuatʼko khan uni do Joppateye kolkatʼkoa.

Aposkạmi 11:5

“Joppa nagrahareń koejoṅkan tahẽkanre mitʼṭecʼ dorsoniń ńelkeda. Iń doń ńelkeda mitʼṭecʼ cador lekanakʼ pon konare sapʼ akatʼ serma khon iń ṭhen pheḍ hecʼena.

Aposkạmi 11:13

Uni do mitʼṭen serma goḍet acʼakʼ oṛakʼre cetʼlekae ńellede onae lạiyatʼlea. Uni serma goḍete metade tahẽkana, ‘Simon, okoe do Patrasko metaekan, uni hoho ạguiye lạgitʼ am do Joppa nagrahate hoṛ kolkom.