Aposkạmi 9:36 - সান্তালী বাইবেল

³⁶ Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛowako kan tahẽkana.

Santali Common Language New Testament

³⁶ Joppa nagrahare Tabitha ńutuman mitʼṭen maejiu celae tahẽkana. Junạni pạrsite noa ńutum reakʼ mane do Dorkas (se Posta). Uni do jaoge eṭakʼkoe bhạlạiyetʼko tahẽkana, ar reṅgecʼ orecʼko hõe goṛoakokan tahẽkana.

Aposkạmi 9:36 Referans Kwoze

Titus lạgitʼ Pạul Apostolakʼ ciṭhi 3:8

Noa do sạri katha kangea. Ińakʼ monejoṅakʼ do noage, am do noako babotre jor emakʼme, jemon Isorre okoeko biswạs akan onko do eṭakʼko bhạlạiko reakʼ kạmire lạgiạ paṛao akanko tahen. Noako do bhagegea ar hoṛko lạgitʼ porhoanakʼ kana.

Titus lạgitʼ Pạul Apostolakʼ ciṭhi 2:7

Sanamakʼrege am do onko ṭhen bhage kạmi reakʼ nạmuna hoyokʼme. Amakʼ cecetʼakʼre bạṛicʼ monsubạ ar baṅ moneyakʼ mon jemon alo tahen.

2 Bõsbudạ 2:16

Ale do Lebanon khon amakʼ jạruṛokʼ leka sanam kaṭko makʼkate mitʼ dhaote tolkate doreãore cape ocokate Japho nagraha hạbicʼle idiya. Ar ona tayom do Jerusalemte onakom idi ocokoa.”

Ibriko 13:21

Okaṭakʼ bhageakʼ kan onate uni do acʼakʼ monejoṅ leka calakʼ lạgitʼ apeko purạteye sạbit utạrpe ma. Uniyakʼ mẽtʼãhã samaṅre okaṭakʼ bhageakʼkan Jisu Mạsi hotete aboakʼ ontorre uni do onageye kạmi ma. Jaejug hạbicʼ Isorakʼ ṭhonokʼ hoyokʼtae ma. Amen.

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

Titus lạgitʼ Pạul Apostolakʼ ciṭhi 2:14

Jisu Mạsi do abo lạgitʼ acʼakʼ jiwiye emkeda, jemon sanam kạiko khone chaḍao bon ar onate nonkan mitʼṭen jạtrenkoe saphakote eken acʼrengeko hoyokʼ ar eṭakʼko bhạlạiko lạgitʼko ahkaokʼ.

Ephesiko lạgitʼ Pạul Apostolakʼ ciṭhi 2:10

Abo do Isorakʼ tite bon benao akana. Isor do Jisu Mạsi sãoteye joṛaoketʼbonte nãwãteye sirjạuketʼ bona jemon bhageakʼko bon kạmi. Uni do noa bhage kạmi laha khongeye ṭhik dohoakatʼ tahẽkana, jemon ona kạmikote jion bon khemao.

Aposkạmi 10:31

‘Kornelius, Isor do amakʼ koejoṅe ańjom akada ar reṅgecʼ orecʼkom danakokan reakʼ katha hõ uni doe disạ akada.

Esra 3:7

Onko do rajmistriko ar chutạr mistriko ṭakako ematʼkote Sidon ar Turren hoṛkoakʼ jomakʼ, darkha rasa ar sunumko ematʼkoa jemon onko do Parasren Keros rajakʼ hukum lekate Lebanon khon Jappho hạbicʼ jalapurite debdạru kaṭkoko ạgu daṛeakʼ.

1Timothi 5:10

Ona chaḍa bhage kạmire uniyakʼ ńutum do tahen hoyokʼtaea. Ona bhage kạmiko modre gidrạ ạsul harako, bidesiạko peṛa sãohãko, sonot hoṛkoakʼ jaṅga ạbuktako, dukokʼko sohotʼko ar sanam lekan bhage kạmire uni do lạgiyạ paṛao akae jemone tahen.

1 Thessalonikikko 4:10

Ape do sạrige Makedoniạ disạmren sanam boehakope dulạṛetʼkoa. Menkhan E boehako, ape ṭhen aleakʼ nehõr do noage, apeakʼ dulạṛ do arhõ sareṛokʼtape ma.

Johan 15:8

Apeakʼ jionre ḍherpe jolen khan enḍekhan nonkate ape do ińren celape sạbudokʼa ar ińren Baba doe ṭhonok ocokʼa.

Johan 15:5

“Ińge darkha nạ̃ṛĩ ar ape do ḍạrko. Okoe ińreye tahenkan ar iń do unire enḍekhan uniyakʼ jionre do ạḍi joe jokʼa, ente iń begor ape do cetʼ hõ bape ceka daṛeakʼa.

Jona 1:3

Menkhan Jona do Probhu ṭhen khon Tạrsiste ńir pharakokʼ lạgitʼe mohnḍayena. Uni do Jopha bondorre senkate Tạrsiste calakʼ reakʼ mitʼṭecʼ Jahaje ńamkeda. Ar bhaṛa em tayom ona jahajreye decʼena ar Probhu Isor ṭhen khon ńir pharakokʼ lạgitʼ Tạrsis secʼe mohnḍayena.

Kạhtukko 5:19

Uni do dulạṛte perecʼ, ar ńelokʼte napae jel leka; uniyakʼ sohag do jotowakʼteye purunmea. Am do jao ghuṛi unirem moṅgonokʼa.

Josuạ 19:46

Mejarkon, Rakon ar Jopa samaṅ reakʼ ṭoṭhako paṛaoena.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

Soros sereń 8:14

E dulạṛiạtiń, dela hijukʼme; jut so mosolate perecʼ buru coṭre selepʼ jel leka, juạn jhaṅkaṛ jel leka baṛe hoyokʼme.

Soros sereń 3:5

E Jerusalemren kuṛiko, poṭretʼ jel ar posta eṅgako ńutumteń nehõrokʼ kana uniyakʼ okteko ạuri hoyokʼtae hạbicʼ uni do alope buskuyea, ar alope ebhenea.

Soros sereń 2:9

Dulạṛiạtiń do selepʼ jelren hopon leka. Hạni ńelepe, uni do aleakʼ pạcri tayomreye teṅgo akana, uni do jalna secʼteye ńeleń kana, ar bhurni khone oyoṅ edeńkana.

Aposkạmi 9:38

Jappo do Ludda sorre tahẽkana; onate celako do Patras Luddare menaea menteko ańjomketʼ khan bar hoṛ uni ṭhen kolketʼkinteko nehõradea, “Am do usarate ale ṭhen baṛe hijukʼme.”

Aposkạmi 9:42

Noa katha do Joppa nagraharen sanamko baḍaekeda ar ḍher hoṛge Probhu Isorreko pạtiạuena.

Aposkạmi 10:8

Ar sanamakʼe lại bujhạuatʼko khan uni do Joppateye kolkatʼkoa.

Aposkạmi 10:23

Unre Patras do oṛakʼ bhitrite onko hoṛe hoho aderketʼkoa ar onkoakʼ tahen jaega ar jom-ńũ reakʼe bebostawatʼkoa. Ado dosar hilokʼ Patras do onko tulucʼe senena. Ar Joppa nagraharen adom biswạsi boehako hõ uni sãoteko sen torayena.

Aposkạmi 11:5

“Joppa nagrahareń koejoṅkan tahẽkanre mitʼṭecʼ dorsoniń ńelkeda. Iń doń ńelkeda mitʼṭecʼ cador lekanakʼ pon konare sapʼ akatʼ serma khon iń ṭhen pheḍ hecʼena.

Aposkạmi 11:13

Uni do mitʼṭen serma goḍet acʼakʼ oṛakʼre cetʼlekae ńellede onae lạiyatʼlea. Uni serma goḍete metade tahẽkana, ‘Simon, okoe do Patrasko metaekan, uni hoho ạguiye lạgitʼ am do Joppa nagrahate hoṛ kolkom.

Mathae 25:17

Ar okoe bar hajar ṭakae ńamletʼ uni hõ onkakate arhõ bar hajar ṭakae labkeda.