Aposkạmi 9:31 - সান্তালী বাইবেল

³¹ Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.

Santali Common Language New Testament

³¹ Ona oktere Jihudạ, Gạlil ar Samariạ disạm reakʼ manḍerkore suluk tahẽkana, ar ona manḍerko benao rakabokʼkan tahẽkana. Onate Probhu botoraete ar sonot Jiu reakʼ uskurte onko doko saṅge idikʼkan tahẽkana.

Aposkạmi 9:31 Referans Kwoze

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Jesaea 33:6

Piṛhi cetan piṛhi uni do onkoren rurukhiyạyicʼ, babańcaoicʼ, ạkil ar buj reakʼ daṛe kanae. Probhu Isor botoraege onkoakʼ dhon do.

Kạhtukko 23:17

Amakʼ mon do kại hoṛko aloe hiskạwakoma, bickom sanam ghạṛicʼ Probhu Isor botoraete khemaome.

Sereńko 86:11

E Probhu Isor, amakʼ hor reaṅ cetʼạńme baṛe, jemon amakʼ sạri horteń taṛam daṛeakʼ; ar am sewawam lạgitʼ ińakʼ bar monan ontor baṛe mitʼ kạtińme.

Romiko lạgitʼ Pạul Apostolakʼ ciṭhi 5:5

Noa as do bae lajao ocobona, ente Isore emakan sonot Jiu hotete aboakʼ ontor do acʼakʼ dulạṛteye perecʼ akada.

Kạhtukko 1:7

Probhu Isor botorae do ạkil reakʼ etohopʼ kana, menkhan lelha hoṛ do ạkil ar sikhạunako nihạ̃tetʼ kana.

Romiko lạgitʼ Pạul Apostolakʼ ciṭhi 15:13

Okoe ase dan abonkan uni Isor do apeakʼ biswạs hotete asambheṛ rạskạ ar sulukteye perecʼpema. Enḍekhan sonot Jiu reakʼ daṛete apeakʼ ontor reakʼ as do sareṛokʼtapea.

Aposkạmi 8:1

Ar onḍe Sạul hõ uni gocʼ ocokʼre rạjigeye tahẽkana. Enhilokʼ Jerusalem manḍerren hoṛko upạrte maraṅ okocʼ khed ehopʼena. Onate apostolko chaḍa sanam biswạsiko do Jihudạ ar Samariạ disạm reakʼ ṭoṭhakoreko chirchạturena.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Nehemiạ 5:9

Iń do arhõń metatʼkoa, “Ape okape cekakan ona do ṭhikakʼ do baṅkana. Be-Jihudi bạiriko jemon aloko henosta daṛeabon onate aboren Probhu Isor botorae seletʼ calakʼ do cetʼ lek baṅkan tabona?

Ephesiko lạgitʼ Pạul Apostolakʼ ciṭhi 4:12

Uni doe bahalketʼkoa jemon Isorren sanam hoṛko uniyakʼ sapʼdapʼ lạgitʼko sapṛaokʼ ar nonkate Mạsiyakʼ hoṛmo jemon benao rakabokʼa.

2 Korinthiko 13:10

Onate ape ṭhen bạnuńre hõ noakoń olape kana, jemon ape ṭheniń senlenre Probhu Isor okaṭakʼ ektiạriye emakawạdiń ona ajhaṭte aloń beohar. Ona ektiạri reakʼ monsubạ do apeko benao rakapʼpe lạgitʼge, dhaṅ-dhaserpe lạgitʼ do baṅa.

2 Korinthiko 10:8

Probhu Isor okaṭakʼ ạidạriye emakatʼle ona ạidạri reakʼ monsubạ do hoyokʼkana apeko benao rakapʼpe, menkhan lokshanpe lạgitʼ do baṅ. Ente noa ạidạri iạte thoṛań sarhaokʼre hõ ona lạgitʼ do bạń lajao ocokʼa.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Aposkạmi 16:5

Nonkate manḍerren hoṛko do biswạsreko keṭecʼ idiyena ar dinke dinko saṅge idiyena.

Aposkạmi 12:24

Menkhan Isorakʼ katha do pasnao idiyena ar aema hoṛ onateko pạtiạuena.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiyakʼ dhoromreko pạtiạuena.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Jihudạwakʼ ciṭhi 1:20

Menkhan E dulạṛiạ boehako, ape do apeakʼ sonot utạr biswạsre apete benao rakabokʼpe ar sonot Jiu reakʼ ạyurte koejoṅpe.

Ibriko 4:9

Enḍekhan ńelokʼkana, Isorren hoṛko lạgitʼ jirạukʼ reakʼ ạt do menakʼ hataṛgea,

1Timothi 1:4

Ar noa hõm hukumakoa jemon onko do kạhniko ar maraṅ maraṅ bõsbudạkore mon aloko lagao. Noako do Isorakʼ kạmi baṅkate ạḍi lekan roṛ ropoṛe janam ocoya menkhan Isor cetʼlekate acʼakʼ kạmiye ạyura ona do biswạs hotetege baḍaeyokʼa.

1 Thessalonikikko 5:11

Onate ńitokʼ okape cekayetʼkan onkage mimitʼko udgạu emakope ar ape mimitʼko benao rakabokʼpe.

Kolossiko lạgitʼ Pạul Apostolakʼ ciṭhi 1:10

Onate boge kạmikote bhage jope jokʼte Isor do arhõ jemon mońjtepe baḍae daṛeae; ar nonkate jotowakʼre Probhu Isorpe kusi ocoyete unire lek lekape colon.

Philipiko lạgitʼ Pạul apostolakʼ ciṭhi 2:1

Enḍekhan Mạsi tulucʼpe kolom mitʼakan iạte uskur mon ńamokʼkan khan, ar Mạsiyakʼ dulạṛ iạte jiwire juḍạsi ńamokʼkan khan, sonot Jiu ar ape talare helmel menakʼ khan, apeakʼ ontorre mãyã ar daya menakʼ khan,

Ephesiko lạgitʼ Pạul Apostolakʼ ciṭhi 5:21

Mạsiyakʼ dewa sewakore menakʼpete ape apere tabe akan tahenpe.

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Ephesiko lạgitʼ Pạul Apostolakʼ ciṭhi 4:16

Goṭa hoṛmo do nonka tolakana je, mimitʼ hạṭińko apan ạpin jaegare tahẽkate hoṛmo tulucʼ joṛao akana. Ar mimitʼ hạṭińko tinre ṭhikleka kạmikʼa unre goṭa hoṛmoge bohokʼ reakʼ ạyurte hara idikʼa ar dulạṛte apnarre benao rakabokʼa.

2 Korinthiko 12:19

Cetʼpe hudiseda, noa ciṭhite ale do apnarakʼ kathale roṛeda? Ale do Mạsirele mitʼ akante Isor samaṅrele roṛeda. E dulạṛiạ gateko, ape benao rakapʼpe lạgitʼge noakole roṛeda.

1 Korinthiko 14:26

E boehako, enḍekhan cetʼ iń mena? Manḍerre mitʼ ṭhenpe jarwakʼre ape modre okoe do sarhaoakʼ sereń menakʼtaea, okoe do cecetʼakʼ menakʼtaea, okoe do Isorakʼ sạritetʼ sodorakʼ menakʼtaea, okoe do eṭakʼ pạrsite cecetʼakʼ menakʼtaea; arhõ okoe do ona reakʼ bhede bhaṅgaoetʼkana. Onate jãhãe jãhãnakʼgeye ceka kan, ona jotowakʼ do jemon manḍer benao rakapʼakʼ mente hoyokʼ.

1 Korinthiko 14:12

Apere hõ noa katha do sạrigea. Ape do sonot Jiu reakʼ dan ńam lạgitʼpe jidre okaṭakʼ dan hotete manḍer benao rakapʼ daṛekokʼ onako ḍherkaete ńam lạgitʼ kurumuṭuipe.

Romiko lạgitʼ Pạul Apostolakʼ ciṭhi 14:19

Onate okaṭakʼ kạmile khan suluk hoyokʼ ar okaṭakʼte sanamko bon gopoṛo daṛeakʼ, ona reakʼ bon kurumuṭuima.

Romiko lạgitʼ Pạul Apostolakʼ ciṭhi 14:17

Isorakʼ rajre jom ar ńũ do maraṅakʼ do baṅkana; maraṅ katha do hoyokʼkana, dhorom ar suluk ar rạskạge Sonot Jiure tahen.

Sakariạ 8:20

“Nonkan okte hijukʼa tinre ḍher jạtrenko ar ḍher nagraharen hoṛko do Jerusalemteko hijukʼa;

Jesaea 11:10

Enhilokʼ Jesaea reakʼ kahle do sanam jạtrenko lạgitʼ mitʼṭecʼ jhạnḍi lekae teṅgona; ar sanam jạtrenko do uni ṭhenko jarwakʼa ar uniyakʼ ṭhạ̃i do ṭhonokanakʼ hoyokʼtaea.

Sereńko 94:13

Uni do muhin hilokʼre dile ńama, one bedhoromko lạgitʼ ghaḍlakʼ ạuri tear sạtokʼ hạbicʼ.

1 Bõsbudạ 22:18

“Aperen Probhu Isor do cetʼ ape sãote bạnugicʼan? Uni do sanam secʼtege cetʼ sulukte bae dohoakatʼpea? Uni do niạ disạmren hoṛko ińakʼ tireye soprotketʼkote disạm do Probhu Isor ar uniren hoṛko tabere hoyakana.

1 Bõsbudạ 22:9

Menkhan amren do mitʼṭen koṛa hopone hoyokʼtama uni do suluke kusiyakʼa. Uni do beṛhaeten bạirikoakʼ ti khon sulukteń dohokaea. Uniyakʼ ńutum do Solomon dohokʼtaea (metakʼme, monre suluk), ente uniyakʼ rajokʼ oktere Israelko do suluk ar nirạiteko tahena.

Bikʼcạrko 3:30

Ar enhilokʼ Moab disạm do Israelkoakʼ hatre hecʼena, ar irạlgel bochor hạbicʼ disạmre suluk tahẽyena.

Josuạ 21:44

Onkoren hapṛamko ṭhen Probhu Isorakʼ gokʼakʼ lekage uni do beṛhaeteakʼ lạṛhạiko khone jirạu ocoketʼkoa. Cele bạirige onko samaṅre bako teṅgo daṛeada. Probhu Isor do sanam bạiriko onkoakʼ tireye jimạkatʼkoa.

Dosar Biboron 12:10

Aperen Probhu Isor do sompotti lekate okaṭakʼ disạme emape lạgidokʼkan ar jordan gaḍa paromkate tinre onḍepe girobasokʼa unre uni do beṛhaeten bạiriko sãote lạṛhại khone jirạu ocopea, ar nirạite onḍepe girobasokʼa.

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Aposkạmi 5:11

Unre manḍerrenko ar eṭakʼ okoe do onako ańjomketʼ onko sanam hoṛge ạḍi botor caṛhaoatʼkoa.

Aposkạmi 20:32

“Menkhan ńitokʼ do Isor ar uniyakʼ kathareń jimạkape kana. Isorakʼ katha do uniyakʼ daya reaṅe roṛa, ar apeko benao rakapʼpe reakʼ daṛe hõ ona katharege menakʼa. Ona chaḍa Isor do acʼren hoṛko lạgitʼ okae dohoakatʼ ona katha do apeko hõe em daṛeapea.