Aposkạmi 9:27 - সান্তালী বাইবেল

²⁷ Menkhan Barnabas do uniye soṅgekedete apostolko ṭhene idikedea are baḍae ocoketʼkoa, Damesek reakʼ horre Sạul do cetʼlekate Jisui ńelledea ar cetʼleka Probhu Isor do uni sãoteye galmaraoleda, ar Damesekre Jisu reaṅ cetʼleka dilkateye porcarleda.

Santali Common Language New Testament

²⁷ Menkhan Barnabas do uniye soṅgekedete apostolko ṭhene idikedea are baḍae ocoketʼkoa, Damesek reakʼ horre Sạul do cetʼlekate Jisui ńelledea ar cetʼleka Probhu do uni sãoteye galmaraoleda, ar Damesekre Jisu reaṅ cetʼleka dilkateye porcarleda.

Aposkạmi 9:27 Referans Kwoze

Aposkạmi 4:36

Lewi bõsren Joseph ńutuman mitʼṭen hoṛe tahẽkana. Uni do Kupriko metakʼ dipre oṛakʼ tahẽkantaea. Apostolko do Barnabasko bahnakedea torjomate do jiwi raṛecʼren hoponko hohowaekan tahẽkana.

Aposkạmi 4:29

Ar ńitokʼ do E Probhu Isor, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Galathiko lạgitʼ Pạul Apostolakʼ ciṭhi 2:13

Antiokiạren eṭakʼ biswạsi Jihudiko hõ Patras sãoteko phạsiara seletʼlena. Ar Barnabas sudhạ onkoakʼ phạsiaratetʼreye goḍoe torayena.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

1 Korinthiko 15:8

Ar sanamko tayom do iń lenda ṭũriạ ṭhen hõe ńel ocoyena.

1 Korinthiko 9:6

Barnabas ar ińge cetʼ kạmikate jojom hoyokʼ tạlińa?

Aposkạmi 15:2

Onate Pạul ar Barnabas sãote onko hoṛ doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Aposkạmi 12:25

Barnabas ar Sạul do sapʼdapʼ kạmikin purạuketʼ khan Johankin soṅge torakedete Jerusalemteko ruạṛ calaoena. Ar nui Johange Mark hõko metaekan tahẽkana.

Aposkạmi 11:25

Noa tayom Barnabas do Sạul sendra ńame lạgitʼ Tạrsus nagrahateye calaoena,

Aposkạmi 11:22

Ado Jerusalem manḍerren hoṛko noa sombatko ańjomketʼ khan onko do Antiokiạte Barnabasko kolkadea.

Aposkạmi 9:17

Unre Ananiạs do senkate ona oṛakʼteye boloyena ar tikin capoadeteye metadea, “E boeha Sạul, nonḍe hijukʼ jokhecʼ horre okoe do am ṭhene ńel ocolen uni doe Probhu Jisu kana. Unige iń doe kol akadińạ jemon am dom ńeńel ar sonot Jiutem perejokʼ.”

Aposkạmi 9:29

Ar okoe Jihudiko Junạni pạrsiteko roṛetʼkan tahẽkan uni do onko sãoteye galmarao kan tahẽkana are reṭe peṭekʼkan tahẽkana, menkhan noko Jihudikoge uni goje lạgitʼ kurumuṭuko ehopʼena.