Aposkạmi 9:20 - সান্তালী বাইবেল

²⁰ Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Santali Common Language New Testament

²⁰ Ona tayom uni do bin bilomte eṭakʼ eṭakʼ sunạgogkore noa menkate porcare ehopʼena je, Jisu kangea Isorren Hopon do.

Aposkạmi 9:20 Referans Kwoze

Johan 20:28

Unre Thomae menkeda, “E ińren Probhu, E ińren Isor.”

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Johan 1:49

Noate Nathanael do Jisui metadea, “E Guru, am do Isorren Hopon kanam ar amge Israelkoren raj do.”

Mathae 27:43

Uni do Isorreye bhorsa akana; ńitokʼ Isor unire kusiye tahen khan enḍekhane bańcaoema. Uni ma apnarte Isorren Hopone ńumugokʼ kan tahẽkana.”

Mathae 4:3

Unre Soetan do hecʼkate uniye metadea, “Isorren Hopon kan khanem enḍekhan noako dhiri baṛe piṭhạ hoeocoyme.”

Sereńko 2:12

Ape do uni hopon manot emaete cokʼaepe, jemon ape cetanre bekusi aloe tahen ar calakʼ horre alope maraokʼ; ente mitʼ ripitʼrege uniyakʼ edre do jolokʼtaea. Bhạgangeako, one okoe do unireko hilrạjoṅ kan.

Sereńko 2:7

Raj doe mena, Probhu Isor okae gathao akatʼ Iń do onań lại jạhira; Uni doe metadińạ, am dom ińren hopon kana, teheńge iń do amren apatiń hoyena.

Johan sodor 2:18

“Thuạtirạ nagraha reakʼ manḍerren goḍet ṭhen noa katha olme, Isorren Hopon, one okoeyakʼ mẽtʼ do seṅgel lepʼ leka ar jaṅga do jhak jhakaokʼkan pitạl leka uni do noa kathae meneda:

Romiko lạgitʼ Pạul Apostolakʼ ciṭhi 1:4

ar acʼren sonot Jiute uni do maraṅ daṛe salakʼ gocʼko khone jiwetʼ beretʼente Isorren Hopon menteye sodorlena.

Aposkạmi 13:14

Tayomte onko do Perga khon Pisidiạ disạm reakʼ Antiokiạ nagrahateko senena ar jirạukʼ mãhãre sunạgogre bolokateko duṛupʼena.

Aposkạmi 13:5

Salamisre seṭerkate unkin do Jihudikoakʼ sunạgogkore Isorakʼ kathakin porcarkeda. Unre goṛoyicʼ lekate Johan hõ unkin sãoteye tahẽkana.

Aposkạmi 9:22

Menkhan Sạul do arhõe daṛe idiyena ar Jisuge Mạsikanae menteye sạbudkedea. Noate Damesekren Jihudiko do ạḍiko tharbasaoena.

Aposkạmi 8:36

Ado hortekin calakʼkan tahẽkanre nonkan mitʼṭecʼ jaegarekin hecʼena one okare do dakʼ tahẽkan. Unre uni raj kạmiyạ hoṛ doe menkeda, “Nõkʼõe ńelme, nonḍe do dakʼ menakʼa; ar ińiń bạptis ocokʼre tạkicʼakʼ jãhãnakʼ cetʼ menakʼa?” Unre Philipe menkeda, amakʼ goṭa montem pạtiạu akan khan ma bogege. (Uni hoṛ do roṛ ruạṛketʼteye menkeda pạtiạukʼ kangeạń Jisu Mạsi do Isorren Hopon kanae mente).

Johan 20:31

Menkhan noako olena jemonpe pạtiạukʼ, Jisu do Mạsi, Isorren Hopon kanae mente, arpe pạtiạukʼte uni hotete jion tahentape.

Johan 19:7

Khange Jihudi mukhiyạko do Pilạtko metadea, “Ale do mitʼṭecʼ ạn menakʼtalea, ar ona ạn lekate uni do gocʼ ocokʼ lek kanae, ente uni do acʼte Isorren Hopone ńumogokʼ kana.”

Mathae 27:54

Subedar ar uni tulucʼ Jisuko horhoyede tahẽkanko do dhạrti laṛao ar eṭakʼ ghoṭnako ńelkate ạḍi bạṛicʼko botorena arko menkeda, “Sạrige uni do Isorren Hopongeye tahẽkana.”

Aposkạmi 13:33

ona do onkoren hoponko lạgitʼ, metakʼme abo lạgitʼ Jisu gocʼko khone jiwetʼ beretʼkedeteye purạu akada. Noa reaṅ do dosarakʼ sereńre olakana: Am dom ińren hopon kana, teheńge amren apatiń hoyena.

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 14:1

Ikonium nagrahare Pạul ar Barnabas do ạkinakʼ cạli leka Jihudikoakʼ sunạgogkote kin boloyena. Unkin do onḍe nonkan kathakin galmaraoatʼkoa je, Jihudiko ar Junạniko khon ạḍi utạr hoṛko pạtiạuena.

Aposkạmi 16:13

Ado jirạukʼ mãhãre ale do nagraha reakʼ phaṭok bahre gaḍa aṛe ṭhenle calaoena; entele hudisetʼ tahẽkana onḍe do Jihudikoakʼ sunạgog menakʼtakoa mente. Ar onḍe okoeko maejiuko jarwa akan tahẽkan onko ṭhen duṛupʼkate galmaraole ehopʼena.

Aposkạmi 17:2

Pạul do acʼakʼ cạli leka ona sunạgogteye boloyena ar pe jirạukʼ mãhãre sonot sostor khon hoṛkoe galmaraoatʼkoa.

Aposkạmi 17:10

Ńindạyen khan biswạsi boehako do Pạul ar Silạs tạkin Beroeateko kolkatʼkinạ. Unkin do onḍe seṭerkate Jihudikoakʼ sunạgogtekin boloyena.

Aposkạmi 17:17

Uni do sunạgogre Jihudiko ar Isor botoraekan Junạniko tulucʼ galmaraoe ehopʼena. Ona chaḍa bajarte okoekoko hijukʼkan tahẽkan, onko tulucʼ hõ din ke dine galmaraokan tahẽkana.

Aposkạmi 18:4

Ar jao jirạukʼ mãhãre Pạul do sunạgogre bolokate Jisu reaṅe galmarao akokan tahẽkana ar Junạni ar Jihudiko Jisuakʼ horte ạguko lạgitʼe kurumuṭuyetʼ tahẽkana.

Aposkạmi 18:19

Ar Ephesus nagrahae seṭeren khan Priskillạ ar Akuilạ doe bạgiyatʼkinạ. Ar sunạgogre bolokate Jihudiko sãote acʼge Jisu reaṅ galmaraoakoe ehopʼena.

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoytako lạgitʼe kurumuṭukeda.

Galathiko lạgitʼ Pạul Apostolakʼ ciṭhi 1:16

Jemon boṅgan hoṛ jạtrenko ṭhen Mạsi reaṅ bhage sombatiń porcar daṛeakʼ, ar onate Isor do acʼakʼ monejoṅ leka acʼren Hopon iń ṭhene sodorledere okoe tulucʼ hõ bạń solhawana.