Aposkạmi 9:16 - সান্তালী বাইবেল

¹⁶ Ar iń iạte tinạkʼ duk jojom hoyokʼtaea onań udukʼaea.”

Santali Common Language New Testament

¹⁶ Ar iń iạte tinạkʼ duk jojom hoyokʼtaea onań udukʼaea.”

Aposkạmi 9:16 Referans Kwoze

1 Thessalonikikko 3:3

jemon noako duk ar sasetrepe paṛaolenre okoe hõ alope pạc ruạrokʼ. Ar ape hõpe baḍaegea, duk ar saset do abon lạgitʼ dohoakana.

Aposkạmi 21:11

Uni do ale ṭhen hecʼkate Pạulakʼ ḍanḍa paṭheakʼe raṛaketʼtaea ar onate acʼakʼ ti jaṅga tolketʼtaeteye menkeda, “Sonot Jiue meneda, “Jerusalemren Jihudiko do noa paṭheakʼren mạlik hõ nonkageko tolea ar boṅgan hoṛ jạtrenkoakʼ tireko jimạyea.”

2 Korinthiko 6:4

Ona khon bickom jotowakʼre Isorren sapʼ dapʼko mente apnarle sạbudokʼ kana. Ale do santao, muskil ar joṅjalrele paṛaolena,

Johan 15:20

Ińakʼ noa katha do alope hiṛińa, guti do acʼren kisạ̃ṛ khon bae maraṅa. Onate hoṛko iń gojeńko kurumuṭuyetʼ khan ape hõko onkapea; ar ińakʼ kathako ańjom khan apeakʼ katha hõko ańjoma.

1 Patras 4:14

Mạsi iạtepe henosta ocokʼkan khan enḍekhan ape dope bhạgangea, ente Isorakʼ mạhimate perecʼ akan Jiu do apere menaea.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

Mathae 5:11

“Bhạgangeape iń iạte hoṛko opoman arko santao lepere ar ạuṛiyakʼte sanam lekan bạṛicʼakʼ reaṅko roṛlepere.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

2Timothi 3:11

Ona chaḍa Antiokiạre, Ikoniumre ar Lustrạre paṛao ạdiń tahẽkan santaokoń sahao akatʼ reakʼ katha hõm baḍaegea, menkhan Probhu Isor do onako khone rukhiyạ akadińạ.

Aposkạmi 21:4

Ado onḍenko celale sendra ńamketʼko khan onko sãote eae dinle tahẽyena. Onko do sonot Jiu hotete Pạulko nehõradea jemon Jerusalemte aloe calakʼ.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiyạdariń hoyakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

Aposkạmi 9:14

Ona chaḍa am ńutumte koejoṅkan hoṛko sapʼko lạgitʼ maraṅ naekeko ṭhen khon ektiạri hataokate nonḍeye hecʼakana.”

Jesaea 33:1

E jarkharicʼ, hae am do! Am do bam jarkhar akanre hõm jarkhareda; am do bam pạtiạu ocoakanre hõ am dom bepạtiạu ocoakana. Jarkhar reakʼ kạmi sạtlen khange am dom jarkhar ocokʼa; bepạtiạrtetʼ sạtlen khange am dom bepạtiạr ocokʼa.

Aposkạmi 9:6

Uniye menkeda, “Iń doń Jisu kana, okoe amem khedeńkan. Ńitokʼ do beredokʼme ar nagrahate calakʼme. Ar cetʼ cekae hoyokʼtama ona dom lại ocokʼa.”

Aposkạmi 21:13

Unre Pạule menkeda, “Rakʼ rakʼte monre cedakʼ dukpe imạń kana? Probhu Jisu lạgitʼ iń do Jerusalemre eken bondi ocokʼ do baṅ, bickom gocʼ ocokʼ hõń sapṛaogea.”