Aposkạmi 9:15 - সান্তালী বাইবেল

¹⁵ Menkhan Probhu Isor do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Santali Common Language New Testament

¹⁵ Menkhan Probhu do Ananiạse metadea, “Do calakʼme, ente boṅgan hoṛ jạtrenko ar onkoren rajko ar Israelko ṭhen porcar lạgitʼ, iń do uni hoṛgeń bachao akadea.”

Aposkạmi 9:15 Referans Kwoze

Romiko lạgitʼ Pạul Apostolakʼ ciṭhi 11:13

E boṅgan hoṛ jạtrenko, metape kạnạń, boṅgan hoṛ jạtrenko ṭhen apostol lekate ińakʼ kạmiko do ạḍi manot salakʼ iń ńeleda.

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

1Timothi 2:7

ar noa goha emokʼ lạgitʼ Isor do lại jạhiricʼ, apostol ar boṅgan hoṛ jạtrenko ṭhen biswạs ar sạriạkʼren cecetʼicʼe bahal akadińạ. Iń do sạriyakʼgeń roṛeda, eṛe do baṅ.

Jirimiạ 1:5

“Eṅgamakʼ kukhire ạuriyem gaṛhaokʼrege iń do amiń bachao akatʼmea. Ar amakʼ janam ạurirege iń do amiń begar doho akatʼmea ar jạtrenko ṭhen nạbi lekateń dohoakatʼmea.”

2Timothi 2:4

Lạṛhại senkate okoe hõ gharońj reakʼ do bako dạndikʼa, jemon sipạhi lekate okoeye bhurtikede uniye kusi ocoye.

Aposkạmi 22:21

“Unre Probhu Isor do ińe metadińạ, ‘Do calakʼme, ente iń do sạṅgińte boṅgan hoṛ jạtrenko ṭheniń kolmea.’ ”

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

2Timothi 1:11

Ar noa bhage sombat lạgitʼge uni do jạhiricʼ, apostol ar cecetʼicʼ menteye bahal akadińạ.

Galathiko lạgitʼ Pạul Apostolakʼ ciṭhi 1:1

Iń Pạul do Mạsiren mitʼṭen apostol kạnạń. Noa apostol hudạ jãhãe manwa ṭhen khon se jãhãe manwa hotete do bạń ńamakada, bickom Jisu Mạsi ar Isor Baba, one okoe do Mạsi gocʼko khone jiwetʼ beretʼkede, uni hotetegeń ńamakada.

1 Korinthiko 15:10

Menkhan ńitokʼ okań hoyakan ona do Isorakʼ dayategeń hoyakana. Iń cetanre uniyakʼ daya do baṅ ạuṛiyakʼ akana; ar eṭakʼ sanam apostolko khon iń do ḍheriń khaṭao akana; ar eken ińiń khaṭao akan ona do baṅ bickom ińre Isorakʼ daya hõ tahẽkana.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Mathae 10:18

Iń khạtirte disạm calaoko ar rapajko ṭhenko idipea, jemon onko ar boṅgan hoṛ jạtrenko ṭhen gohape em daṛeakʼ.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

Aposkạmi 26:32

Ar Agrippa do Phestuse metadea, “Nui hoṛ do Kạisạr aloe dohayae khane aṛakʼ ocokokʼgea.”

Aposkạmi 25:22

Unre Agrippa do Phestuse metadea, “Iń hõ uni hoṛ reaṅ ańjom sanayediń kana.” Phestuse menkeda, “Gapagem ańjomtaea.”

Aposkạmi 21:19

Pạul do onkoe joharatʼkoa ar acʼakʼ porcar talate cetʼleka Isor do boṅgan hoṛ jạtrenko talareye kạmi akada ona sanamakʼe lạiyatʼkoa.

Jirimiạ 1:7

Menkhan Probhu Isor do ińe metadińạ, “Alom mena iń doń huḍińgea. Ente okoeko ṭheniń kolme onko mimitʼko ṭhen am dom calakʼa ar okaṭakʼ roroṛ iń metam onagem roṛa.

Aposkạmi 28:17

Pe din tayom Pạul do onḍenko Jihudiko mukhiyạko mitʼ ṭhene hoho jarwaketʼkoa. Adoko jarwayen khan Pạul do onkoe metatʼkoa, “E ińren boehako, iń do abo jạtrenko se hapṛamkoakʼ cạli upạrte cetʼge bạń ceka akada, enhõ Jerusalemre sapʼ ocokate Romikoakʼ tireń jimạ ocoakana.

Aposkạmi 22:14

“Unre Ananiạse menkeda, ‘aboren hapṛamkoren Isor do ame bachao akatʼmea jemon uniyakʼ sanakom baḍae daṛeakʼ ar uni dhoromicʼ hoṛ, metakʼme Jisu Mạsim ńel ńame ar uniyakʼ katham ańjomtae.

Aposkạmi 26:1

Unre Agrippa do Pạule metadea, “Apnar reaṅ roroṛiń aṛakʼam kana.” Unre Pạul do ti tiyạrkate acʼ reaṅ noa kathae roṛkeda,

Aposkạmi 28:28

“Onate baḍae joṅpe, Isorakʼ noa bańcao do boṅgan hoṛ jạtrenko ṭhen kol akana; onkoge ańjom hõko ańjoma.”

Romiko lạgitʼ Pạul Apostolakʼ ciṭhi 1:1

Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniyakʼ bhage sombat porcar lạgitʼ hõe bachao akadińạ.

1 Korinthiko 9:16

Iń do bhage sombatgeń porca akada, enrehõ onate sarhaokʼ reakʼ cetʼge bạnukʼtińạ, ente ona do kạmi lagaoạńgea. Bhage sombat bạń porcarle khan ińre do hae hae!

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.