Aposkạmi 8:40 - সান্তালী বাইবেল

⁴⁰ Menkhan Philip do Asdod nagrahareye ńelena. Ar uni do ato ato bhage sombat porcar porcarte mucạtʼre Kạisạriạteye calaoena.

Santali Common Language New Testament

⁴⁰ Menkhan Philip do Asdod nagrahareye ńelena. Ar uni do ato ato bhage sombat porcar porcarte mucạtʼre Kạisạriạteye calaoena.

Aposkạmi 8:40 Referans Kwoze

Aposkạmi 21:8

Dosar hilokʼ dole oḍokente Kạisạriạtele hecʼena ar bhage sombat poporcaricʼ Philipakʼ oṛakʼrele tahẽyena. Uni do Jerusalem manḍerren eae goṭen sapʼdapʼko modren mitʼhoṛe tahẽkana.

Aposkạmi 25:4

Unre Phestuse menkeda, “Pạul do Kạisạriạ reakʼ hajotre menaea ar iń do usạrage onḍeń calakʼkana.

Aposkạmi 23:33

Ar aswariko do Kạisạriạreko seṭeren khan ciṭhi do disạm cakʼlaoyicʼko emadea ar Pạul hõ uniyakʼ tireko jimạkadea.

Aposkạmi 23:23

Maraṅ subeder do acʼren barea subedar hohowatʼkinteye metatʼkinạ, “Bar sae palṭon, eaegel aswariko ar barsae borlom palṭonko teheń ńindạ are baja okte Kạisạriạte calakʼ lạgitʼ ben sapṛao dohokoa.

Aposkạmi 10:1

Kạisạriạ nagrahare Kornelius ńutuman mitʼṭen hoṛ do Itạliạ Palṭon dolren subedare tahẽkana.

1 Samuel 5:1

Philisṭiko do Isorakʼ sinduk Ebeneser khon Asdod nagrahateko idikeda.

Aposkạmi 25:13

Ado niạ thoṛa din tayom Jihudikoren Ạgrippa raj ar acʼren bạhu Bernike do Phestus johar emae lạgitʼ Kạisạriạtekin hecʼena.

Aposkạmi 25:6

Phestus do onko talare irạl se gel din tahẽkate Kạisạriạteye ruạṛ calaoena. Ar dosar hilokʼ uni do bicạr duṛupʼakʼreye duṛupʼente acʼ samaṅre Pạul ạguiye lạgitʼe hukumkeda.

Aposkạmi 25:1

Ado Phestus ona ṭoṭhareye hecʼen khan pe din tayom Kạisạriạ khon Jerusalemteye rakapʼ calaoena.

Aposkạmi 21:16

Kạisạriạren adom celako hõ ale sãoteko calaoena ar Manason ńutuman Kupros dipren mitʼ hoṛakʼ oṛakʼteko idiketʼlea. Ar aleakʼ tahen reakʼ katha do uniyakʼ oṛakʼrege tahẽkantalea. Uni do pạhil celako modren mitʼ hoṛe tahẽkana.

Aposkạmi 12:19

Herod do ạḍi mońjteye sendrakedea, menkhan bae ńamledete pahradarkoe kuliketʼkoa ar tayomte pahradarko gocʼko reaṅe hukumkeda. Ona tayom Herod do Jihudạ khon Kạisạriạteye calaoena ar onḍe thoṛa dine tahẽyena.

Aposkạmi 10:24

Ar tesar hilokʼ do Kạisạriateko seṭerena. Unre Kornelius do acʼren peṛa ar gateko hoho jarwakate onko lạgitʼe koyokʼ horakatʼ tahẽkana.

Aposkạmi 8:25

Inạ tayom Patras ar Johan do Probhu Isor reaṅ goha emkate Jerusalemtekin ruạṛ calaoena. Ar calakʼ calakʼte unkin do Samariạkoakʼ aema atokore bhage sombatkin porcar idikeda.

Sakariạ 9:6

Mesal jạtren bõsko do Asdodreko girobasokʼa. Probhu Isore meneda, “Philisṭikoakʼ bạḍại doń maraotakoa.

Josuạ 11:22

Israelkoakʼ disạm modre okoe Anakiko hõ jiwetʼ do ar bako tahẽlena; eken Gasa, Gad ar Asdodre thoṛa gan Anakiko jiwetʼko tahẽyena.

Aposkạmi 9:30

Ado biswạsi boehako noako ańjomketʼ khan Kạisạriạ nagrahateko idikedea ar tayomte Tạrsus nagrahateko kolkadea.

Aposkạmi 11:11

“Ar ona são sãote okaṭakʼ oṛakʼreń tahẽkan ona oṛakʼre pe hoṛ do hecʼkateko teṅgoyena. Onko do Kạisạriạ khonko kol ocoakan tahẽkana.

Aposkạmi 18:22

Ado Kạisạriạ nagrahateye seṭeren khan jahaj khon pheḍkate uni do Jerusalemteye calaoena. Ar onḍe manḍerren hoṛkoe joharatʼko tayom uni do Antiokiạteye senena.