Aposkạmi 8:39 - সান্তালী বাইবেল

³⁹ Ado dakʼ khonkin rakapʼen khan Probhu Isorren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

Santali Common Language New Testament

³⁹ Ado dakʼ khonkin rakapʼen khan Probhuren Jiu do ackage Philipe idikedea. Ar uni cạkrạ hoṛ do ghuriạ Philip bae ńel ńamledea. Unre uni do rạskạte oṛakʼe calaoena.

Aposkạmi 8:39 Referans Kwoze

1 Rapajko 18:12

Ińiń bạgiyam khange Probhu Isorren Jiu do eṭakʼ jãhã secʼe idimea ar iń do bạń baḍae daṛeakʼa. Ar senkate Ahab iń lạiyae ar bae ńamme enḍekhan uni doe gocʼ giḍikạńạ. Menkhan huḍiń khonge amren guti do Probhu Isoriń botorae kana.

2 Rapajko 2:16

“Ale do amren mõṛẽgel daṛean gutiko nonḍe menakʼlea; ale do senkate amren mạlik le sendra ạguiyea. Hoedaṛeakʼa Probhu Isorren Jiu do uni rakapʼ idikate jãhãn buru se jãhãn soḍokʼreye doho oṭoakadea.” Elisae doe menkeda, “Baṅ, alope calakʼa.”

Jeheskel 11:24

Ona tayom Isorren Jiu do ińe tul rakapʼ kedińa ar uni emakʼ dorson talate arhõ Babelre bondi akanko ṭhene seṭerkedińa. Ar okaṭakʼ dorson iń ńelletʼ ona tayom ona do cabayena.

Jeheskel 8:3

Uni do ti tiạrkate ińakʼ bohokʼ upʼe jhuṭiạuketʼtińạ. Ar Isorren Jiu do ot ar serma talareye rakapʼ idikedeńạ ar Isor emakʼ dorsonkote Jerusalem reakʼ koejoṅ oṛakʼ reakʼ bhitri raca reakʼ utạr secʼakʼ phaṭok duạr reakʼ bolokʼ horteye idikedińa. Onḍe do mitʼṭen boṅga muṭhạn tahẽkana ona iạte Isor do edrete pit caṛhaoade tahẽkana,

Jeheskel 43:5

Unre Probhu Isorren jiu do ińe rakapʼ idikedeńte bhitri racateye idikedeńạ, ar Probhu Isorakʼ ṭhonok do mundil oṛakʼre perecʼena.

Jeheskel 11:1

Ona tayom Probhu Isorren Jiu do ińe tul rakapʼ idikedeńte mundil oṛakʼ reakʼ purub secʼ phaṭok duạr ṭhene ạgukedińa. Onḍe phaṭok duạr bolokʼ horre do bargel mõṛẽ goṭen herel hoṛko tahẽkana, ar iń do onko talare Asurren hopon Jasaniạ ar Benayaren hopon Pelatiạ tekiniń ńelketʼkinạ; unkin do hoṛkoren mukhiyạkin tahẽkana.

Mark 1:10

Ar dakʼ khone rakapʼtʼen são sãote Jisu do serma oṛejokʼkan ar sonot Jiu parwa leka acʼ cetanre pheḍ hijukʼkane ńelkedea.

Philipiko lạgitʼ Pạul apostolakʼ ciṭhi 3:3

Abo kangeabon sạriyakʼren khatna akan hoṛ do, ente abo do Isorren Jiu hotete uni bon sewawae kana ar Mạsi Jisu iạte bon sarhaokʼ kana ar apnarre do babon bhorsakʼ kana.

Jakob 4:16

Menkhan ape do phulạu ar usul montepe perecʼ akana. Ar nonkan joto phulạuakʼ do bạṛicʼgea.

Philipiko lạgitʼ Pạul apostolakʼ ciṭhi 4:4

Probhu tulucʼpe kolom mitʼ akante ape do jaoge rạskạkʼpe. Arhõń mena, rạskạkʼpe baṛe.

Romiko lạgitʼ Pạul Apostolakʼ ciṭhi 5:2

Ńitokʼ Isorakʼ daya reakʼ oka horte bon calakʼkan onḍe do Mạsire pạtiạu iạte bon seṭerakana. Ar Isorakʼ ṭhonok ńam reakʼ aste bon rạskạkʼ kana.

Aposkạmi 13:52

Menkhan onḍenko cela do rạskạ ar sonot Jiuteko perecʼena.

Aposkạmi 8:8

Onate ona nagraharen hoṛ do ạḍiko rạskạyena.

Mathae 13:44

“Serma raj do goḍare topa oko akatʼ dhon lekana. Mitʼ hoṛ do ona ńamkate arhõe oko dohokada. Inạ tayom uni do rạskạ monteye calaoena ar acʼakʼ oka tahẽkantae ona joto ạkhrińkate ona goḍae kirińkeda.

Mathae 3:16

Ado Jisu bạptiskate dakʼ khone rakapʼen sãote sãote uni samaṅre serma do jhicʼena. Ar Isorren sonot Jiu do parwa leka acʼ cetanre pheḍ hijukʼkane ńelkedea.

Jesaea 61:10

Iń do Probhu Isore ạḍitetʼgeń kusikʼ kana; ińakʼ jiwi do Isorreye hulạsokʼa, ente jãwãe koṛa cetʼleka bohokʼre mạ̃ṛteye abhranokʼ ar bạhu kuṛi cetʼleka acʼakʼ gohnakoteye sajokʼ onkage uni do babańcao reakʼ kicricʼe horokʼ akawạdińa ar dhorom reakʼ oyon aṅgropteye oyo akadińạ.

Sereńko 119:111

Amakʼ gohawakʼko jaejug hạbicʼ iń ạidạri akawana; onate ińakʼ ontor do rạskạkʼ kana.

Sereńko 119:14

Manwa damanakʼ dhone ńam lekhan cetʼlekae rạskạkʼ, onkage amakʼ katha manaote iń doń rạskạkʼ kana.

Aposkạmi 16:34

Ona tayom uni do acʼakʼ oṛakʼte Pạul ar Silạse idiketʼkinte unkine jom-ńũ ocoketʼkinạ. Ar acʼ gharońjrenko do Isorreko biswạsente ạḍitetʼko rạskạyena.

Jeheskel 37:1

Probhu Isorakʼ ti do iń cetanre tahẽkana ar uni do acʼren Jiu hoteteye idikedeńte mitʼṭecʼ buru-nala reakʼ otetreye dohokedińa; ona ṭhạ̃i do jaṅkote perecʼge tahẽkana.

Aposkạmi 8:29

Unre sonot Jiu do Philipe metadea, “Do, ona gạḍi ṭhen sorokʼme ar uni sãote calakʼme.”

Aposkạmi 8:38

Uni do gạḍi teṅgoe lạgitʼe hukumkeda. Ona tayom Philip ar uni rajren kạmiyạ hoṛ do dakʼrekin pheḍena ar uni doe bạptisena.