Aposkạmi 8:31 - সান্তালী বাইবেল

³¹ Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.

Santali Common Language New Testament

³¹ Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.

Aposkạmi 8:31 Referans Kwoze

Romiko lạgitʼ Pạul Apostolakʼ ciṭhi 10:14

Menkhan okoere bako biswạs akan uni do cekateko hohoaea? Okoe reaṅ bako ańjomakatʼ unire cekateko pạtiạukʼa? Ar poporcaricʼ bae tahen khan onko do cekateko ańjoma?

1 Korinthiko 8:2

Jãhãe jãhãnakʼe baḍaea menteye menjoṅkan khan, uni do cetʼleka baḍae jạruṛ tahẽkantae onka do ńit hõ bae baḍae akada.

Jakob 1:21

Onate joto lekan bedhorom ar bạṛicʼakʼko ńit hõ apeakʼ jionre menakʼ khan ona do bạgiyakʼpe. Isorakʼ katha reakʼ itạ one oka do apeakʼ ontorre rohoe akan ona baṛe mạ̃hir salakʼ ataṅpe. Ar kại khon bańcaope reakʼ ektiạri do noa katharege menakʼa.

Jakob 1:10

Ar okoeye kisạ̃ṛge, Isor do uniye nindhạnkedete uni hõ apnarte bhạganicʼe bujhạukʼma, ente uni do ghãs reakʼ baha lekageye mosotʼ cabakʼa.

1 Korinthiko 3:18

Okoe hõ apnarte aloe bulạukʼ ma. Ape modren jãhãe niạ jugren akelanicʼ menteye hudisokʼkan khan, enḍekhan uni do lelhayicʼ lekae hoyokʼma, jemon sạri akelanicʼe hoydaṛeakʼ,

Mark 10:15

Sạrigeń metapekana, okoe kạticʼ gidrạko leka Isorakʼ raj bae ataṅ, uni do okalekate hõ, Isorakʼ rajre bae bolo daṛeakʼa.”

Jesaea 35:8

Onḍe do ḍahar hoyokʼa, hẽ onḍe do mitʼṭecʼ horge hoyokʼa; ona do sonotakʼ horko metakʼa. Be sapha hoṛ do ona cetante bae taṛama; ona do sonot hoṛkoakʼ horge hoyokʼa. Lelha hoṛko hõ ona horte do bako calakʼa,

Sereńko 73:22

unre iń do lelha ar bebujgeń hoylena ar am ṭhen do janwar barag geń tahẽkana.

2 Rapajko 5:26

Menkhan Elisae do uniye metadea, “Uni hoṛ do tinre am sãote ńapamokʼ lạgitʼ rãt gạḍi khone pheḍena unre ińakʼ mon do cetʼ am sãote baṅ senlentińạ? Ṭaka-poesa, kicricʼ khạnḍwạkʼ, jạitun bagwan, darkha bagwan, mĩhũ-meromko, bhiḍiko ar guti kạ̃ṛmĩko hataoko reakʼ okte do cetʼ ńitokʼ kangea?

2 Rapajko 5:9

Onate Naman do acʼakʼ rãt gạḍiko ar aswarikoante Elisaeyakʼ oṛakʼ duạr ṭhen senkateye teṅgoyena.

Aposkạmi 8:30

Khange Philip do ona gạḍi ṭhene ńir sorena ar uni hoṛ do Jesaea nạbi puthi khon paṛhaokʼ kane ańjomkedea. Adoe kulikedea, “Okaṭakʼem paṛhaoetʼkan ona do cetʼem bujhạu daṛeakʼ kangea?”

Aposkạmi 8:32

Uni kạmiạyicʼ do sonot sostor khon okae paṛhaoetʼ tahẽkan ona do noage; mage lạgitʼ bheḍa cetʼlekae idi ocokʼ onkage uni doe idi ocoyena. Kạpciyicʼ samaṅre bhiḍi hopon cetʼleka thir akane tahen, onkage uni do moca bae jhicʼletʼtaea.