Aposkạmi 8:30 - সান্তালী বাইবেল

³⁰ Khange Philip do ona gạḍi ṭhene ńir sorena ar uni hoṛ do Jesaea nạbi puthi khon paṛhaokʼ kane ańjomkedea. Adoe kulikedea, “Okaṭakʼem paṛhaoetʼkan ona do cetʼem bujhạu daṛeakʼ kangea?”

Santali Common Language New Testament

³⁰ Khange Philip do ona gạḍi ṭhene ńir sorena ar uni hoṛ do Jesaea nạbi puthi reakʼ paṛhaokʼ kane ańjomkedea. Adoe kulikedea, “Okaṭakʼem paṛhaoetʼkan ona do cetʼem bujhạu daṛeakʼ kangea?”

Aposkạmi 8:30 Referans Kwoze

Johan 5:39

Ape do sonot sostorkope ḍunḍhạueda, entepe hudiseda ona hotetege jaejug jionpe ńama. Menkhan ona sostor ma coṅ iń reaṅge gohae emetʼkan;

Ephesiko lạgitʼ Pạul Apostolakʼ ciṭhi 5:17

Onateń meneda, ape do bebujko alope hoyokʼa, bickom Probhu Isorakʼ sana cetʼ kana mente ona bujhạu joṅpe.

Mathae 15:10

Jisu do gadel hoṛko acʼ ṭhen hoho sorketʼkoteye metatʼkoa, “Ińakʼ kathako ańjompe ar bujhạujoṅpe.

Mathae 13:23

Ar bhage hasare ńuren itạ reakʼte do nonkanko lạgitʼ roṛ akana okoe do ona katha ańjomkateko bujhạuetʼkan ar joko emokʼkan. Adom do mitʼ sae doboṛ, adom do turui gel doboṛ, ar adom do pegel doboṛ.”

Mathae 13:19

Jãhãege serma rajosṭi reakʼ katha ańjomkatehõ bae bujhạu khan unre Soetan doe hijukʼa ar uniyakʼ monre oka katha er akan onae ạtkira. Ona hor aṛere ńurlen itạ reakʼte do nonkan hoṛ reaṅge roṛ akana.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

1 Korinthiko 14:19

Menkhan manḍer talare eṭakʼ eṭakʼ pạrsite hajar hajar kathakoń roṛ khon eṭakʼko cetʼako lạgitʼ bickom ińakʼ bud khon mõṛẽ goṭecʼ kathageń roṛa.

Mark 13:14

“Ar ujạṛ utạrakʼ hirkhạwakʼ okare tahen baṅ ganokʼ, ona tinre onḍe tahẽ akanpe ńela (Paṛhaoicʼ doe moneyakʼma) unre Jihudạre tahenko do buruteko ńir joṅma.

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Mathae 13:51

Inạ tayom Jisu do celakoe kuliketʼkoa, “Ape do cetʼ noakope bujhạuetʼ kangea?” Metadeako, “Hẽ, bujhạuetʼgeale.”

Sereńko 119:32

Amakʼ hukumko reakʼ horteń ńir calakʼa, ente am do ińakʼ ontorem jhicʼakatʼ tińạ.

Johan sodor 13:18

Noako bujhạu do bud reakʼ jạruṛ menakʼa. Okoeyakʼ bud menakʼtae uni do janwarakʼ lekhae hisạbma, ente ona do mitʼṭen manwawakʼ ńutum reakʼ lekha kana. Ar ona lekha do hoyokʼ kana turui sae turui gel turui.

Aposkạmi 8:27

Unre Philip do ona secʼe calaoena. Ar horre Ithipiạ disạmren mitʼṭen maraṅ raj kạmiạ hoṛ soṅgeteye ńapamena. Uni raj kạmiạyicʼ do cạkrại tahẽkana. Ithipiạren Kandake rạniyakʼ dhon-duribko ńel todarot reakʼ bhar do nui hoṛ cetanrege tahẽkana. Uni kạmiạyicʼ do Isor sewawae lạgitʼ Jerusalemteye senlena.

Johan 4:34

Unre Jisui metatʼkoa, “Okoeye kol akadiń uniyakʼ sanaleka calakʼ ar uniyakʼ kạmi purạutaege hoyokʼ kana ińakʼ jomakʼ do.

Aposkạmi 8:5

Un jokhecʼ Philip do Samariạ disạm reakʼ mitʼṭecʼ nagrahate senkate Mạsi reaṅe porcarkeda.

Aposkạmi 8:29

Unre sonot Jiu do Philipe metadea, “Do, ona gạḍi ṭhen sorokʼme ar uni sãote calakʼme.”

Aposkạmi 8:31

Uni kạmiạyicʼe menkeda, “Jãhãe bae bujhạuạń khan cekateń bujhạu daṛekea?” Uni do Philipe nehõradea jemone dejokʼte acʼ ṭhene duṛupʼ.