Aposkạmi 8:27 - সান্তালী বাইবেল

²⁷ Unre Philip do ona secʼe calaoena. Ar horre Ithipiạ disạmren mitʼṭen maraṅ raj kạmiạ hoṛ soṅgeteye ńapamena. Uni raj kạmiạyicʼ do cạkrại tahẽkana. Ithipiạren Kandake rạniyakʼ dhon-duribko ńel todarot reakʼ bhar do nui hoṛ cetanrege tahẽkana. Uni kạmiạyicʼ do Isor sewawae lạgitʼ Jerusalemteye senlena.

Santali Common Language New Testament

²⁷ Unre Philip do ona secʼe calaoena. Ar horre Ithipiạ disạmren mitʼṭen maraṅ raj kạmiạyicʼ soṅgeteye ńapamena. Uni raj kạmiạyicʼ do cạkrại tahẽkana. Ithipiạren Kandake rạniakʼ dhon-duribko ńel todarot reakʼ bhar do nui hoṛ cetanrege tahẽkana. Uni kạmiạyicʼ do Isor sewawae lạgitʼ Jerusalemteye senlena.

Aposkạmi 8:27 Referans Kwoze

Sephaniạ 3:10

Kus disạm reakʼ gaḍa hanasa khon iń sewawạńko, ar ińren chirchạtur akan hoṛko do iń ńutumte samaṅokʼakʼ jinisko ạguiya.

Sereńko 68:31

Misor khon rajren goḍet doko hijukʼa; ar Kusren hoṛko do hare phare Isor secʼ tiko tiạr takoa.

Jirimiạ 38:7

Unre raj oṛakʼren mitʼṭen cạkrạ Kusi Ebed Melek doe ańjomkeda, Jirimiạ do kuńreko giḍi akadea. Ar raj do unre Benjạmin reakʼ phaṭok duạrreye duṛupʼ akan tahẽkana.

Sereńko 87:4

Probhu Isore meneda, “Okoe sạriyakʼgeko baḍae edeńkan onko reaṅ lại jokhecʼ iń do Rahob ar Babel reakʼ kathań lạiya, ar onko Philisṭiko, Tur ar Kusrenkoakʼ katha hõń lạiya, ‘noko mimitʼko do Sionreko janam akana.’ ”

Johan 12:20

Ona porobre okoeko sewa lạgitʼko hecʼakan tahẽkan onko modre adomko do Junạni hoṛko tahẽkana.

Mathae 12:42

Bicạr dinre dạkhin disạmren rạni do beretʼkate noa piṛhiren hoṛko doskoe udukʼakoa, ente Solomon rajakʼ ạkilanakʼ kathako ańjom lạgitʼ dhạrti reakʼ mitʼ mucạtʼ khon uni doe hecʼlena. Ar ńelpe, nonḍe do Solomon khon hõ maraṅicʼge menaea.

Jirimiạ 13:23

Kus disạmren hoṛ do cetʼ acʼakʼ harta reakʼ roṅ se tạrupʼ do acʼakʼ ṭiklạkʼ ṭiklạkʼ dage pherao daṛeataea? Amhõ onkage bhage kạmi do bam daṛeakʼa, ente bạṛicʼakʼ kạmikoregem lobdhao akana.

Jesaea 66:19

Probhu Isor do arhõe meneda, “Onko talare mitʼṭecʼ cinhạń dohoya ar okoe jiwetʼko tahen onko mod khon adom do boṅgan hoṛ jạtrenko ṭheniń kolkoa. Tạrsis, Put ar Ludren dhinkiạko, Tubal, Greece ar okako sạṅgiń disạmre ińakʼ ńutum bako ańjomakatʼ ar ińakʼ mạhima bako ńelakatʼ onko ṭheniń kolkoa. Onko do boṅgan hoṛ jạtrenko ṭhen ińakʼ mạhima reakʼ kathako lại jạhira.

Jesaea 60:6

Amakʼ disạm do gạd gạd ũṭkote perejokʼa Midian ar Epharen daṛean ũṭkotege. Onko do sona ar kunduruwante Seba disạm khonko hijukʼa ar Probhu Isorakʼ sabasiko jạhira.

Jesaea 60:3

Jạt jạtrenko do amakʼ marsal ṭhenko hijukʼa; ar rapajko do aṅga marsal ṭhenko hijukʼa.

Jesaea 45:14

Probhu Isor do Israel jạtrenkoe metakokana, “Misorakʼ hameṭakʼ dhon ar Kusren bạnij beparikoakʼ jinis do am ṭhen hijukʼa. Ar Sabarenko hõ apnartege am ṭhenko hijukʼa; onko do amrenko hoyokʼa ar amko pańjamea. Onko do sikṛikote tol akan dosarege am ṭhenko hijukʼa. Onko do otre ombakʼkate amko ḍobokʼama ar nehõrkateko metama, ‘Isor do khạṭige am sãote menaea. Eken uni eskar kangeae Isor do, uni chaḍa ar cele Isor hõ bạnukʼkoa.’ ”

Jesaea 43:6

Ar utạr reakʼ disạm doń metaea, ‘onko aṛakʼkako me,’ Ar dạkhin disạm doń metaea, ‘alom aṭkaokoa. Iń do unkiniń metakinạ, ‘aben do sạṅgiń disạm khon ińren hoponko ạguko ben, ar pirthimi reakʼ ses simạna khon ińren hoponerako ạguko ben.

Sereńko 68:29

Jerusalemre mitʼṭecʼ oṛakʼ menakʼa: onḍege raj do am ṭhen sandesko idiya.

1 Rapajko 10:1

Solomonakʼ namḍak ar uni hotete sodorakʼ Probhu Isorakʼ sarhao reakʼ katha ańjomkate Seba disạmren rạni do kuṭhin kuṭhin kuklikote uni biḍạue lạgitʼe hecʼena.

Ibriko 11:8

Isor do Abrahame hohowade tahẽkanre biswạs iạtege Isorakʼ kathareye gobolena ar ạidạṛi lekate okaṭakʼ jaega ńam reakʼ katha tahẽkantae ona jaegateye calaolena. Unre bae bujhạu akatʼ tahẽkana okateye calakʼkana mente ar enhõ uni doe monḍhalena.

Jirimiạ 39:16

“Kusiren Ebed Melek ṭhen senkate metaeme, Israelren phạdkoren Probhu Isore meneda, ‘bhạlạite do baṅ begor bhạlại talatege iń do noa nagraha upạrte ińakʼ katha purạu lạgitʼ iń calakʼkana. Ar ona do amakʼ mẽtʼ samaṅrege purạukʼa,

Jesaea 18:7

Unre phạdkoren Probhu Isor ṭhen do onko usul ar cĩkạ̃ṛ jạtrenko ṭhen khon sandesko hijukʼa. Onko do boṅgan hoṛ jạtren kanako okoe do sor ar sạṅgińren hoṛko botorakokan. Onko do noko daṛean jạtren kangeako okoe do eṭakʼko jaṅgateko lebetʼ gańjaoetʼko ar okaṭakʼ disạm do gaḍa soḍokʼkote hạṭiń akantako. Onko jạtrenkoakʼ dan sandes do Sion burure, phạdkoren Probhu Isorakʼ tahen ṭhạ̃ite ạgukʼa.

Aposkạmi 8:28

Ado oṛakʼteye ruạṛkan tahẽkanre uni do sadom gạḍire duṛupʼkate Jesaea nạbi reakʼ puthiye paṛhao joṅkan tahẽkana.

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’