Aposkạmi 7:52 - সান্তালী বাইবেল

⁵² Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiyakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Santali Common Language New Testament

⁵² Nonkan jãhãe nạbi menakʼkoa, one okoe do aperen hapṛamko bako santao akatʼko? Se uni dhoromicʼ hoṛ, metakʼme Mạsiakʼ hijukʼ reakʼ katha okoe doko lại lahaletʼ, onko hõko gocʼketʼkoa. Ar ńitokʼ ape do bạirikoakʼ tire Jisupe sapʼ ocokedete uni hõpe khũn ocokedea.

Aposkạmi 7:52 Referans Kwoze

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

2 Bõsbudạ 36:16

Menkhan onko do Isoren kol hoṛkoko landa-dhutʼako kan tahẽkana, ar onkoakʼ kathako chi baṅakʼ kan tahẽkana ar uniren nạbikoko ṭiṭkạriyetʼko tahẽkana. Mucạtʼre Probhu Isorakʼ edre do uniren hoṛko upạrte caṛhaoena; ar rukhiyạ ńam lạgitʼ jãhãn hor do ar baṅ tahẽlen takoa.

1 Rapajko 19:10

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhotiye ńam onate ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Ar iń eskarge sarecʼ minạńa ar nitokʼ do ińhõ gojeń reakʼko kurumuṭu kana.”

1 Thessalonikikko 2:15

Onko Jihudikoge Probhu Jisu ar nạbikoko gocʼ letʼkoa, ar ale hõko khedletʼlea. Onko do Isorko monduk ocoakadea, ar sanam manwako cetanre bạiri mon menakʼtakoa.

Jirimiạ 2:30

Iń do ạuṛiyakʼgeń sạjại akatʼpea; ińakʼ cehaona do bape moneyada. Jom ukʼjạṛkan dhạcri kul leka apeakʼ tarwaṛe do aperen nạbikoe gocʼ akatʼkoa.

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

1 Johan 2:1

E ińren dulạṛiạ hoponińko, jemon alope kại, onate ape ṭhen noako kathań olede. Ar jãhãegeye kại eman akatʼ khan enḍekhan Baba ṭhen roṛ goṛowabon lạgitʼ mitʼ hoṛ menaea; uni do Jisu Mạsige, one uni doe dhoromicʼkan.

Aposkạmi 22:14

“Unre Ananiạse menkeda, ‘aboren hapṛamkoren Isor do ame bachao akatʼmea jemon uniyakʼ sanakom baḍae daṛeakʼ ar uni dhoromicʼ hoṛ, metakʼme Jisu Mạsim ńel ńame ar uniyakʼ katham ańjomtae.

Nehemiạ 9:26

“Menkhan enhõ onko do bebatao iạte am upạrteko hulkeda; ar amakʼ ạn-ạriko bạgiyada. Amren okoeko nạbi do am secʼ ruạṛ lạgitʼko sontoretʼko tahẽkan onko nạbi doko gocʼketʼkoa; ar am do ạḍi bạṛicʼko opomanketʼmea.

1 Patras 1:11

Onkoakʼ ontorre Mạsiren Jiu do laharege gohae emleda je, Mạsi do duk jojom hoyokʼtaea ar ona tayom do ṭhonoke ńama. Nạbiko baḍaejoṅko khojletʼge Mạsiren uni Jiu do oka okte ar oka dosa reakʼ kathae baḍae ocoyetʼkoa mente.

Aposkạmi 4:10

Enḍekhan ape ar sanam Israelko noa katha baḍae dohokakʼpe je, Nasaretren Jisu Mạsi, okoe dope kuruslede ar okoe do gocʼko khon Isore jiwetʼ beretʼkede, uniyakʼ daṛetege nui hoṛ doe bogeyente ape samaṅreye teṅgo akana.

Aposkạmi 3:24

“Ona chaḍa Sạmuel khon ehopʼkate tinạkʼ nạbikoko roṛakatʼ, onko hõ niạ okte reakʼ kathage lahareko lại oṭo akada,

Aposkạmi 3:18

Menkhan Isor do ḍher din lahare sanam nạbiko hoteteye roṛleda Mạsi do duk jojom hoyokʼtaea; ar Isor do ona katha nonkageye purạukeda.

Aposkạmi 2:23

Isor, okoe do laharege jotowakʼe baḍaekan, uni do laharegeye ṭhik dohoakatʼ tahẽkana je, apeakʼ tire Jisui soprotea. Ar ape hõ bạṛicʼ hoṛko hotete unipe kuruskedea arpe gocʼ ocokedea.

Sakariạ 9:9

“E Sion kuṛi, ma rạskạkʼme. E Jerusalem, hulạsokʼme. Ńelme amren raj do am ṭhene daraekana; uni doe dhoromgea ar uni ṭhen do bańcao menakʼa; uni doe mạ̃hirgea, ar gadha cetanre gadha hopon cetanreye decʼ hijukʼkana.

Jirimiạ 26:23

Onko do Misor khon Uriạko hoho ạgukedete Jehoyakim raj ṭhenko idikedea; ar raj do tarwaṛete uniye gocʼkedea ar hoṛkoakʼ topa ṭhen uniyakʼ mạ̃ṛĩye giḍikatʼtaea.

Jirimiạ 26:15

Tobe noa do khạṭige baḍaekakʼpe, ińpe gocʼ giḍikạńre hõ miridosicʼakʼ mãyãm reakʼ dạyi do ape cetanrege ar niạ nagraha cetanre ar okoe nonḍeko tahenkan onko cetanrege paṛaokʼa; ente noako katha baḍae ocope lạgitʼge Probhu Isor doe kol akadińạ.”

Jirimiạ 20:2

Uni do Jirimiạ nạbiye dalkedete Probhu Isorakʼ oṛakʼ sor reakʼ cetan ṭhạ̃ire Benjamin phaṭok duạr ṭhen haṛi paṭakateye dohokadea.

1 Rapajko 19:14

Uni doe roṛ ruạṛkeda, “Sanam daṛeanicʼ Probhu Isor do jemon acʼakʼ paona bhoktiye ńam onate iń do ạḍiń gagojokʼ kana, ente Israelko do amakʼ teṅgoakʼ bondobosko bạgi akawada, ar amakʼ pinḍkoko rạputʼ giḍi akada ar amren nạbikoko gocʼ akatʼkoa. Eken iń eskarge sarecʼ minạńa ar ńitokʼ do iń hõ gojeń reakʼko kurumuṭu kana.”

Johan sodor 3:7

“Philạḍelphiạ nagraha reakʼ manḍerren goḍet ṭhen noa katha olme: Okoe do sonot are sạriyicʼkan, ar okoe ṭhen Dạudakʼ choṛan menakʼ, one uniye jhicʼlere okoege bako siń daṛeakʼ are sińlere okoe hõ bako jhicʼ daṛeakʼ,

2 Bõsbudạ 36:15

Israelkoren hapṛamkoren Probhu Isor do ghane ghane hoṛ kolkate onkoe sontoretʼko tahẽkana, ente uni do acʼren hoṛko ar acʼakʼ tahen oṛakʼ cetanre daya tahẽkantaea.

Luk 6:23

Unre ape do rạskạkʼpe ar hulạsokʼpe, ente ape lạgitʼ sermare maraṅ kuṛại menakʼa. Ente onkoren hapṛam hõ nạbikoko onkaletʼkoa.

Johan 16:10

Isorakʼ sanaleka calakʼ reaṅ hõ cehaonae emakoa, ente iń do Baba ṭheniń calakʼ kana menkhan ape do ar bape ńel ńameńa;

2Timothi 3:4

Onko do eṛe, ṭhok ar bạḍạite phulạu akanko hoyokʼa. Isor bạgikate rij-roṅge bạ̃ṛtiko dulạṛa.