Aposkạmi 7:45 - সান্তালী বাইবেল

⁴⁵ Aboren hapṛamko do ona tạmbu ńamkate akoren ạyuricʼ Josuạ tabere tahẽkate ako sãote aboakʼ noa disạmteko ạguleda. Un johkecʼ Isor do onko samaṅ khon eṭakʼ jạtrenkoe laga ńirketʼkoa ar onko do noa disạmko ạidạriana. Ar Dạud hạbicʼ ona tạmbu do noa disạmrege tahẽkana.

Santali Common Language New Testament

⁴⁵ Aboren hapṛamko do ona tạmbu ńamkate akoren ạyuricʼ Josuạ tabere tahẽkate ako sãote aboakʼ noa disạmteko ạguleda. Un johkecʼ Isor do onko samaṅ khon eṭakʼ jạtkoe laga ńirketʼkoa ar onko do noa disạmko ạidạriana. Ar Dạud hạbicʼ ona tạmbu do noa disạmrege tahẽkana.

Aposkạmi 7:45 Referans Kwoze

Sereńko 44:2

Am do amakʼ tite eṭakʼ jạtrenkom laga ńirketʼkote ona jaegare aleren hapṛamkom doholetʼkoa; am do onko hoṛko cetanre nosṭoakʼem ạguleda ar aleren hapṛamkom teṅgo keṭecʼ ocoletʼkoa.

Aposkạmi 13:19

Ona tayom Kanan disạmren eae jạtrenkoe maraoketʼkote acʼren hoṛko ona disạm cetanre ạidạriye ematʼko tahẽkana.

Josuạ 24:18

Niạ disạmren Amoriko ar eṭakʼ sanam jạtrenko do Probhu Isorge abo samaṅ khone laga ńir akatʼkoa. Onate ale hõ Probhu Isor gele sarhaoea, ente uni kangeae aboren Isor do.”

Josuạ 23:9

“Ape samaṅ khon maraṅ ar daṛean jạtrenko do Probhu Isorgeye laga ńir akatʼkoa. Teheń hạbicʼ okoehõ ape samaṅre bako ṭeṅgo ṭarhao daṛe akawada.

Josuạ 18:1

“Ar Israel hoponko do Silote senkateko jarwayena ar ńapamokʼ tạmbuko beretʼkeda. Goṭa disạmge Israelko tabere hecʼenre hõ onkoren eae gusṭiren hoṛko do unhõ sompotti bako ńamakatʼ tahẽkana.”

Ibriko 4:8

Ente Josuạ do ona jirạu joṅ jaegare Israelkoe idileko khan honaṅ Isor do tayomte ar mitʼṭecʼ eṭakʼ din reakʼ katha ohoe roṛlea.

Sereńko 78:55

Onko samaṅ khon porjạtren koe laga ńirketʼkoa, ar onkoakʼ jaega jumi soṅkate sompotti lekate onkoe hạṭińatʼkoa; onkoakʼ oṛakʼ duạrre Israel bõsrenkoe girobas ocoketʼkoa.

Nehemiạ 9:24

Onkoren hoponko do ona disạmte senkate onako dokholana. Ar ona disạmren Kananikoko kobojketʼkoa. Am do Kananiko, onkoren rapajko ar disạmren judạ judạ jạtrenko do onkoakʼ tirem jimạketʼkoa jemon onko cetanre akoakʼ kusi lekako ceka daṛeakʼ.

1 Bõsbudạ 21:29

Hahaṅkarre Mose do Probhu Isor lạgitʼ oka ḍera tạmbui benaoletʼ ona ar jeredokʼ samaṅokʼakʼ pinḍ do ona jokhecʼ Gibeon reakʼ koejoṅ oṛakʼre tahẽkana.

1 Bõsbudạ 16:39

Dạud do Gibeon reakʼ koejoṅ oṛakʼre Probhu Isorakʼ ḍera tạmbu samaṅre naeke Sadok ar uni sãoten naekekoe dohoketʼkoa.

1 Rapajko 8:4

Onko ar naekeko do Probhu Isorakʼ sinduk, ńapamokʼ tạmbu ar sanam sonotakʼ bhajanko gokʼ idikeda.

1 Samuel 4:4

Onate onko do Silote hoṛ kolkate sanam daṛean Probhu Isor, okoe do Kerubkin talareye tahenkan, uniyakʼ goha sindukko ạgukeda. Isorakʼ ona goha sinduk sãote Eliren hopon Hopni ar Pinehas tạkin hõkin tahẽkana.

Bikʼcạrko 18:31

Silore tinạkʼ din Isorakʼ oṛakʼ tahẽkan unạkʼ din hạbicʼ Dan gusṭiren hoṛko do Mikạren goṛhon muṭhạn do ako ṭhenko dohokada.

Dosar Biboron 32:49

“Am do Jerikho samaṅ reakʼ Moab disạm reakʼ Abarim buru reakʼ Nebo muthnite dejokʼme ar sompotti lekate Israelko okaṭakʼ Kanan disạmiń emako lạgidokʼkan ona mitʼ dhao ńelme.

Sereńko 80:8

Am do mitʼṭen darkha nạ̃ṛĩ leka Misor disạm khonem uṭhạu ạguakatʼlea; ar am do eṭakʼ jạtrenkom laga ńirketʼkote onḍem rohoeketʼlea.

1 Bõsbudạ 7:27

Elisamaren hopon do Nun ar Nunren hopon do Josuạ.