Aposkạmi 7:35 - সান্তালী বাইবেল

³⁵ “Nui doe uni Mose kana one okoe do Israelkoko baṅlede, oneko menletʼ ‘okoe baṅ ạliń talare mukhiyạ ar bicạricʼe dohoakatʼme?’ Ar okoeṭakʼ serma goḍet ona jhạuạ talare Mose ṭhene ńel ocolen uni hotete Isor acʼge Israelkoren Mukhiyạ ar chaḍaoicʼ menkate Misorte Moseye kolledea.

Santali Common Language New Testament

³⁵ “Nui doe uni Mose kana one okoe do Israelkoko baṅlede, oneko menletʼ ‘okoe baṅ am do mukhiyạ ar bicạricʼe doho akatʼme?’ Ar okoeṭakʼ serma goḍet ona jhạwạ talare Mose ṭhene ńel ocolen uni hotete Isor acʼge Israelkoren Mukhiyạ ar chaḍaoicʼ menkate Misorte Moseye kolledea.

Aposkạmi 7:35 Referans Kwoze

Luk 19:14

“Menkhan acʼakʼ disạmren hoṛko do uniko kurudaekan tahẽkana. Onate onko do uni tayomte hoṛ kolkateko roṛgotʼkada, ‘nui hoṛ ale cetanreye rajokʼ do bale khojkana.’

Sereńko 75:7

Menkhan Isorgeye bicạra; uni do mitʼhoṛe copotʼedea ar mitʼ hoṛ doe usuledea.

Exodus 14:19

Unre Isorren okoeṭakʼ goḍet do Israelko laha lahateye calakʼkan tahẽkan uni doe ạcurente onko tayom secʼe senena. Ar rimil khunṭi hõ onko samaṅ khon tayom secʼ ocokʼente Israelko ar misriko talare teṅgoyena. Onate misriko secʼ do ńutge ar Israelko secʼ do ńindạre hõ siń leka hoyena. Onkate misriko do goṭa ńindạ Israelko ṭhen bako hecʼsor daṛeada.

Johan sodor 15:3

Onko do Isorren golam Mose ar uni Bheḍa Hoponakʼ noa sereńko sereńetʼ tahẽkana: “Sanam daṛean Probhu Isor, tinạkʼ maraṅ ar hahaṛagea amakʼ kạmiko do! E sanam jạtkoren raj, tinạkʼ dhorom ar sạriyakʼgea amakʼ horko do!

Ibriko 2:2

Serma goḍet hotete okaṭakʼ katha lại jạhirlen ona ma bacoṅ hante natelen; ona chaḍa jãhãege Isorakʼ hukume bebatao akatʼ ar uniyakʼ katha bae ańjometʼkan uni do acʼakʼ hok reakʼ kuṛạiye ńamakada.

Kolossiko lạgitʼ Pạul Apostolakʼ ciṭhi 1:15

Nui Hopon kangea bin ńelokʼ kan Isorren muṭhạntetʼ do. Ar unige sanamakʼ ạuri sirjạureye tahẽkana ar sanam sirjon cetanre unigeye mạlik kana.

Aposkạmi 7:51

E keṭecʼ hoṭokʼanko! Be-Jihudiko lekage apeakʼ lutur ar ontor do, ar apehõ ṭhik aperen hapṛamko leka kanape. Ape do jaoge sonot Jiupe tạkicʼ daramedekana.

Aposkạmi 7:30

“Ona tayom pongel bochor paromena. Ar Sinại buru ṭhen oka hahaṅkar jaega menakʼ onḍe mitʼṭecʼ jạnum jhạuạre jolokʼkan seṅgelre mitʼṭen serma goḍet do Mose ṭhene ńelocoyena.

Aposkạmi 5:31

Isor do unige raj ar babańcaoicʼ menkate acʼakʼ jojomsa aṛere duṛube lạgitʼ ṭhonoke dan akawadea, jemon Israelkoakʼ mon ạcurtako lạgitʼ ạte emakote kại reakʼ ikại emako.

Aposkạmi 3:22

Moseye menleda; ‘Aperen Probhu Isor do aperen boehako tala khon iń leka mitʼṭen nạbiye teṅgoapea. Ar uniyakʼ katha leka ape do calakʼ hoyokʼtapea.

Aposkạmi 2:36

“Onate sanam Israel jạtrenko do noa katha khạṭiteko baḍaema je, ape okoepe kuruslede Isor do uni Jisuge Probhu hõ ar Mạsi hõe hoyoco akedea.”

Johan 19:15

Onate onko do ãṭ aṛaṅte hohowateko menkeda, “Idiyem, idiyem ar kurus kaeme.” Pilạte metatʼkoa, “Aperen raj do cetʼ ińiń kuruskaea?” Maraṅ naekeko roṛ ruạṛadea, “Kạisạr chaḍa aleren do ar cele raj hõ bạnukʼkoa.”

Johan 18:40

Noa iạte sanamko ãṭ aṛaṅte hohowateko menkeda, “Uni do baṅ, Barabbage.” Uni Barabba do mitʼṭen ḍạkui tahẽkana.

Jesaea 63:9

Uni do onkoakʼ jotowakʼ dukreye dukena ar uniren goḍet do onkoe bańcaoketʼkoa. Uniyakʼ daya ar dulạṛte uni do onkoe chaḍaoketʼkoa; sedaeakʼ sanam dinkore onko doe tul rakapʼketʼkoa are ghõṛa idiketʼkoa.

Sereńko 77:20

Mose ar Aron hotete bhiḍi pal leka am do amren hoṛkom ạyurletʼkoa.

1 Samuel 12:8

“Jakob do Misor disạmteye senena, ar aperen hapṛamko tinre Probhu Isor ṭhenko rakʼkeda unre Probhu do Mose ar Arone kolketʼkinạ. Unkin do Misor disạm khon aperen hapṛamkokiń oḍok ạguketʼkoa ar niạ disạmrege girobasokʼ lạgitʼkin bondobosatʼkoa.

1 Samuel 10:27

Menkhan mitʼ bar bạṛicʼ hoṛ doko menkeda, “Nui hoṛ do cetʼ lekateye rukhiyạ bona?” Onko do uniko nihạ̃tkedea ar cetʼ sandesge bako emadea. Menkhan khan Sạul do hapegeye tahẽyena.

Exodus 33:2

Iń do ape laha lahate mitʼṭen serma goḍet iń kolea ar uni do ona disạm khon Kananrenko, Amorirenko, Hittirenko, Pherisirenko, Hiwirenko ar Jebusirenkoe laga ńirkoa.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Exodus 14:24

Ar setakʼ jokhecʼ Probhu Isor do rimil khunṭi ar seṅgel khunṭi khon misrikoren palṭonko secʼe beṅgetʼkeda ar onko talare mitʼṭecʼ ạulạ jhạulại hoyocokeda.

Exodus 2:14

Uni hoṛe menkeda, “Okoe baṅ ạliń talare mukhiyạ ar bicạricʼe dohoakatʼme? Uni Misri hoṛ leka cetʼ iń hõ gojeńem khojkana?” Noa katha ańjomkate Mose doe botorena. Uni doe hudiskeda, khạṭige noa katha do sodor akana.

Mark 12:26

Menkhan gocʼko jiwetʼ beredokʼ reaṅ Moseyakʼ puthire ol akan jolokʼkan jhạuạ reakʼ katha do cetʼ bape paṛhao akada, Isor do Moseye metadea, ‘ińge Abrahamren Isor,