Aposkạmi 7:23 - সান্তালী বাইবেল

²³ “Moseyakʼ umer pongel bochor hoyentae khan uni do acʼren Israel boehako sãote ńapamokʼe menjoṅana.

Santali Common Language New Testament

²³ “Moseakʼ umer pongel bochor hoyentae khan uni do acʼren Israel boehako sãote ńapamokʼe menjoṅana.

Aposkạmi 7:23 Referans Kwoze

Kạhtukko 21:1

Probhu Isorakʼ tire rajakʼ mon do gaḍa dakʼ leka; Probhu Isor jãhã secʼge monae ontegeye mohnaḍayede kana.

Johan sodor 17:17

Noa reakʼ karon do kana, Isor do onkoakʼ monre nonkan monejoṅakʼe emakatʼkoa jemon uniyakʼ katha purạukʼtae. Onate onko do mitʼ monte uni janwar ṭhen akoakʼ sanam daṛeko danaea, jemon Isorakʼ katha ạuri purạukʼ hạbicʼ uni doe raj daṛeakʼ.

Jakob 1:17

Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.

Esra 7:27

Aboren hapṛamkoren Probhu Isorakʼ sarhao baṛe hoyokʼtaema. Jerusalemre Isorakʼ oṛakʼre nonkan manot udukʼ reakʼ sana do rajakʼ ontorreye hoe ocoketʼtaea.

Aposkạmi 15:36

Thoṛa din tayom Pạul do Barnabase metadea, “Dela, okako jaegare Probhu Isorakʼ katha laṅ porcar akatʼ, onako jaegate arhõ ruạṛ senkate boehako laṅ hirikoa ar cetʼleka menakʼkoa mente ona hõ laṅ ńeltorakoa.”

Esra 1:5

Noate Jihudạ ar Benjạminren bõs mukhiyạko, naekeko ar Liwiko talare okoekoakʼ ontorre Isor do monsubại janam ocoketʼtako onko mimitʼko do Jerusalemre Probhu Isorakʼ oṛakʼ benao lạgitʼko sapṛaoena.

Esra 1:1

Jirimiạ hotete roṛlen Probhu Isorakʼ katha purạukʼ lạgitʼ Parasren raj Korese rajokʼ pạhil bochorre Probhu Isor do Koresakʼ ontorre nonkan uskure danadea onate uni do sanam rajosṭire roṛte ar ol hotete noae lại sodorkeda:

2 Bõsbudạ 30:12

Isorakʼ ti do Jihudạren hoṛko cetanre hõ tahẽkana, onate Probhu Isorakʼ katha leka raj ar uniren gutikoakʼ hukum palon lạgitʼ onkoakʼ mone mitʼketʼtakoa.

Exodus 35:29

Probhu Isor do Mose hotete cetʼe cekae lạgidokʼkan tahẽkan ona kạmi lạgitʼ Israelren maejiuko ar herelko talare okoe uskurko ńamketʼ onko do daṛeakʼ bhor Probhu Isor lạgitʼko ạgukeda.

Exodus 35:21

Ar mone uskurketʼko apnarakʼ kusite Probhu Isor ńutumte sekʼwa tạmbu bekʼnao ar uniyakʼ kạmi lạgitʼ ar naekeakʼ sonot kicricʼko lạgitʼ jạruṛokʼakʼ lekate jotowakʼko ạgukeda.

Exodus 4:18

Noa tayom Mose do acʼren hońhartetʼ Jethro ṭhen ruạṛ senkateye metadea, “Misor disạmre ińren peṛa pạrbhạko ṭhen ruạṛ sen ocoạliń ben. Ạliń do senkate liń ńelkoa ńit hõ jiwetʼ menakʼkoa se baṅa.” Jethro do Moseye metadea, “Ṭhikgea Do calakʼben, ar abenakʼ bhạlạiy hoyokʼ taben ma.”

2 Korinthiko 8:16

Ape lạgitʼ ińakʼ ontorre oka jid menakʼ, Isor do Titusakʼ ontorre hõ ona jidgeye emakatʼte Isoriń sarhaoedekana.

Exodus 7:7

Pharao sãote katha roṛ jokhecʼ Moseyakʼ umer do irạlgel ar Aronakʼ umer do irạlgel pe bochor tahẽkana.

Aposkạmi 7:24

Unre mitʼṭen Misri hoṛ do mitʼṭen Israel hoṛ cetanre bạṛicʼ beoharetʼkane ńelkede khan uni Israel goṛowae lạgitʼe calaoena ar Misri hoṛe gocʼkedete uniyakʼe hala ruạṛkeda.