Aposkạmi 7:15 - সান্তালী বাইবেল

¹⁵ Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

Santali Common Language New Testament

¹⁵ Ado Jakob hõ Misorteye calaoena, ar onḍe do uni ar aboren hapṛamko hõko gocʼena.

Aposkạmi 7:15 Referans Kwoze

Exodus 1:6

Tayomte Joseph, ar ren boehako ar onko okteren sanamkogeko gocʼena.

Genesis 49:33

Jakob do acʼren hoponko galmaraoakoe sạtketʼ khan aṭetʼre acʼakʼ banar jaṅgae rakapʼketʼtaea are giticʼena. Ar ona tayom do jiwi oḍokentaete acʼren hapṛamko ṭhene calaoena.

Josuạ 24:4

ar Isahak do Jakob ar Esao iń danadea. Seyir buru ṭoṭha do sompotti lekate Esaogeń emadea, menkhan Jakob ar uniren hoponko do Misor disạmteko calaoena.

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Dosar Biboron 10:22

Aperen okoeko hapṛam do Misorteko senlen onko do lekhare eken eae gel hoṛko tahẽkana ar ńitokʼ aperen Isor do sermaren ipilko lekae saṅge ocoakatʼpea.

Numeri 20:15

Aleren hapṛamko do Misor disạmteko senlena ar onḍe do ḍher bochor girobas akanle tahẽkana. Menkhan Misorren hoṛ do ale ar aleren hapṛamko cetanre bebạṛicʼko beoharetʼ tahẽkana ar onate ale do Probhu Isor ṭhenle rakʼkeda. Ar uni do aleakʼ rakʼe ańjomketʼtalete acʼren dutko kolkate Misor disạm khone oḍok ạguketʼlea. “Ar ńitokʼ ale do amakʼ rajosṭi reakʼ simạ ṭhen Kadesre menakʼlea.

Genesis 46:1

Israel do acʼakʼ sanamakʼ hataokateye oḍokena. Ar Ber-sebare hecʼkate uni do acʼ apat Isạhakren Isor ńutumte dãṛẽye samaṅkeda.

Genesis 47:30

ente iń do ińren hapṛamko talare topa ocokʼiń khojkana. Am do ińakʼ mạ̃ṛĩ Misor disạm khon oḍokkate ińren hapṛamko okareko topa ocoakan onḍe idikatem topayińạ.” Josephe menkeda, “Iń do amakʼ katha lekageń kạmiya.”

Exodus 13:19

Mose do Josephakʼ jaṅkoe soṅge torakeda, ente Joseph do Israelkoe kiriạ ocoletʼkoa. Uniye metatʼko tahẽkana, “Isor do khạṭigeye ńel todarotpea. Ar nonḍe khonpe oḍok calakʼre ińakʼ jaṅko hõ soṅgete iditorae tińpe.”

Josuạ 24:32

Israel hoponko do Misor disạm khon Josephakʼ oka jaṅkoko ạgu daraletʼ, ona do Sikemreko topakada. Noa jaega Jakob do Sikemren apattetʼ Hamorren hoponko ṭhen khon mitʼ sae rupạ ṭakateye kirińleda. Noa jaega do Joseph bõsrenkoakʼ sompotti talare tahẽkana.

Sereńko 105:23

Ona tayom Israel do Misorteye calaoena; ar Ham bõsrenkoakʼ disạmre Jakob do thoṛa dine tahẽyena.