Aposkạmi 6:1 - সান্তালী বাইবেল

¹ Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkan onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Santali Common Language New Testament

¹ Inạko dinre celako doko saṅge idikʼkan tahẽkana. Unre celako modre okoe Jihudiko Junạni pạrsiteko roṛetʼkan tahẽkana onko do Ibri pạrsite roroṛkan Jihudiko nonka mente dusikoko ehopʼena je, dinạmge jomakʼ emokʼ jokhecʼ onkoren rạnḍi maejiuko do cetʼge bako ńametʼa.

Aposkạmi 6:1 Referans Kwoze

Aposkạmi 2:41

Ado uniyakʼ kathare okoeko pạtiạuen onko doko bạptisena ar enhilokʼ onko sãote pe hajar hoṛko juṭucʼena.

Jakob 5:9

E boehako, Isor jemon apeakʼ dosko aloe sabtape onate ape apere dos alope ladejoṅa. Ńelpe, bicạricʼ do duạr sorregeye hecʼakana.

Aposkạmi 9:39

Unre Patras do unkin soṅgeteye calaoena. Ar onḍeye seṭeren khan ona cetan koṭha kandhateko idikedea. Unre sanam rạnḍi maejiuko do Patras beṛhaete teṅgokate rarakʼko ehopʼena ar Dorkas jiwetʼe tahẽkanre okako aṅgrop ar eṭakʼ kicricʼkoe benao akatʼ tahẽkan onakoko udukʼadea.

Aposkạmi 6:7

Nonkate Isorakʼ katha do pasnao idiyena, ar Jerusalemre celako do lekhare ạḍi usạrako saṅge idiyena ar ạḍi utạr naekeko hõ Mạsiyakʼ dhoromreko pạtiạuena.

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Philipiko lạgitʼ Pạul apostolakʼ ciṭhi 3:5

Irạl mãhã hilokʼre iń doń khatna ocolena; Israel bõsren Benjamin khũṭreń janam akana; iń do mitʼṭen khạṭi Ibri hoṛ kangeạń; ar Moseyakʼ ạn-ạriko manaore do mitʼṭen Phạrusi hoṛge;

Aposkạmi 11:20

Menkhan onko modre adomko do Antiokiạte senkate Junạni pạrsiren hoṛko ṭhen hõ Probhu Jisu reaṅ bhage sombat porcarko dhurạuena. Noko do Kupros dip ar Kurene nagraharen hoṛko tahẽkana.

Aposkạmi 9:41

Unre Patras do ti sapʼkate uniye beretʼkedea. Ar Isorren hoṛko ar rạnḍi maejiukoe hohowatʼkote onkoe udukʼatʼkoa je, Dorkas doe jiwetʼena.

Aposkạmi 9:29

Ar okoe Jihudiko Junạni pạrsiteko roṛetʼkan tahẽkan uni do onko sãoteye galmarao kan tahẽkana are reṭe peṭekʼkan tahẽkana, menkhan noko Jihudikoge uni goje lạgitʼ kurumuṭuko ehopʼena.

Aposkạmi 5:14

Ar enrehõ ạḍi utạr herel ar maejiu do Probhu Isorreko pạtiạuena ar biswạsiko tulucʼko juṭucʼ idiyena.

Aposkạmi 4:4

Menkhan okoeko Patrasakʼ kathako ańjomletʼ onko modren ḍher hoṛgeko pạtiạuena; ar nonkate biswạsi hoṛko ḍher idiyente mõṛẽ hajarko hoyena.

Ibriko 13:1

Ape mimitʼko boeha leka dupulạṛpe.

2 Korinthiko 11:22

Okoeko sarhaokʼkan onko do cetʼ Ibri kanako? Iń hõ kangeạń. Onko do cetʼ Israel kanako? Iń hõ kạnạń. Onko do cetʼ Abrahamren bõs kanako? Iń hõ kạnạń.

Aposkạmi 2:45

Onko do akoakʼ khet baṛge ar dhon-duribko ạkhrińkate mimitʼkoakʼ jạruṛokʼakʼ lekako em hạṭińako kan tahẽkana.

Mathae 23:13

“Hae, ape sostor baḍaeko, Phạrusiko ar phạsiạrako do! Ente ape do hoṛko samaṅre serma raj reakʼ duạrpe siń esetʼkakʼ kana. Onare ape hõ bape bolokʼkana ar okoe bolokʼ lạgitʼko kurumuṭukan onko hõ bape bolo ocoakokana.

Malaki 3:5

Phạdkoren Probhu Isore meneda, “Unre bicạrme lạgitʼ iń do am ṭheniń hijukʼa; ar unre jạdu udukʼko, kusumbiko, eṛe goha emokʼko ar okoe do din ṭakʼlaokoe ṭhokayetʼko, okoe do rạnḍi maejiu ar ṭũạr amarkoe santaoetʼko ar bidisiạko hok reakʼ bae bicạretʼtako kan, metakʼme okoe iń bako botorạń onko sanamko upạrte goha emokʼ do bạń biloma.

Jirimiạ 30:19

Ar ona khon do rạskạ reakʼ aṛaṅ ar sarhao reakʼ sereńge ańjomokʼa. Onkoakʼ lekha doń baṛhaotakoa, onko do bako komaokʼa. Onko doń manotkoa, onko do okoege bako nihạ̃t ocokʼa.

Jesaea 27:6

Hijukʼkan dinkore Jakob doe rehedokʼa, ar Israel doe bahakʼa ar sagenokʼa ar goṭa dhạrti do joteye pereja.”

Jesaea 1:17

Bhageakʼ kạmi reakʼ cetʼ joṅpe, hok reakʼ bicạrpe, sasantaoko sudhrạukope, reṅgecʼko secʼ tahenpe, ar rạnḍi maejiukoakʼ teṅgo goṛowakope.”

Sereńko 72:16

Disạmre ạḍi uṭạr phosolko hoyokʼma, buru reakʼ cuṛạkore hõ ona do hoyokʼma. Khet reakʼ phosolkore do Lebanon bir reakʼ sae sae saḍege rakabokʼma; nagraha khon oḍokʼ hijukʼkan hoṛ do ṭạnḍi reakʼ ghãs leka ḍherko bạḍokʼma.

Jakob 4:5

Ape do cetʼpe hudiseda, sonot sostorre ạuṛiyakʼge noa kathae meneda je, sonot Jiu, one Isor do aboakʼ ontorreye emakade, uni do aboakʼ bhokti ńam lạgitʼe koyokʼ hor akada mente?

Jakob 1:27

Rạnḍi maejiu ar tũạr amarko dukokʼ jokhecʼ hiriko ar dhạrti reakʼ joto lekan bạṛicʼakʼ khon apnartetʼ sahaṛ akae tahenge hoyokʼkana Isorakʼ mẽtʼre sạri dhorom ar khạṭitetʼ.

1Timothi 5:9

Rạnḍi maejiu do pe isi bochore parom akatʼ khan ar mitʼ herelrege jãwãe akane tahẽkana mente baḍaelen khan enḍekhan uni do tạlikare ńutume ol caṛhao ocoytaema.

1 Korinthiko 10:10

Onko modre ạḍi hoṛgeko karacʼ kurucʼlente cetʼleka nonosṭoyicʼ goḍet hoteteko marao ocolen, ape do onaka alope karacʼ kurujokʼa.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

Jeheskel 22:7

Am talarege hoṛko do eṅga-apako nihạ̃tetʼkoa, bidisiạkoko santaoetʼkoa ar ṭũạr amar ar rạnḍi maejiuko tulucʼ hõko jor julumeda.

Sereńko 110:3

Lạṛhại hilokʼ amren hoṛko do akotege lạṛhạiko hijukʼa; ar sonot reakʼ sajte sajkate aṅgakʼ reakʼ kulhi khon sisirdakʼ cetʼleka, onkage am ṭhen amren juạnko do.

Jobakʼ 31:16

“Reṅgecʼ orecʼko bạń beṅgetʼ akatʼko khan se rạnḍi maejiukoń as chuṭạu ocoakatʼko khan,

Jobakʼ 29:13

Gujukʼ lạgidokʼkan hoṛ hõ ińko bhorạńkan tahẽkana; ar rạnḍi dukhikoakʼ mon doń rạskạ ocoyetʼtako tahẽkana.

Dosar Biboron 26:12

“Tesarakʼ bochor, metakʼme, gel hạṭiń reakʼ mitʼ hạṭiń emokʼ bochorre, apeakʼ arjaoakʼ sanam phosol reakʼ gel hạṭiń reakʼ mitʼ hạṭińpe begar sạtlere arpe tirpitlenre Liwiko, upriạko, ṭũạr amarko ar rạnḍi maejiukope emakoa. Onate onko do apeakʼ disạmre jom-ńũkateko tirpitokʼa.

Aposkạmi 6:2

Onate onko gelbar apostolko do joto cela mitʼ jaegare hoho jarwakateko metatʼkoa, “Isorakʼ katha porcar ḍhilạukate, jom ńũ reakʼ sapʼdapʼ kạmi do baṅ ṭhika.

Aposkạmi 11:26

ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.

Aposkạmi 11:29

Unre celako doko goṭakeda, Jihudạ disạmren biswạsi boehako goṛowako lạgitʼ apan ạpin daṛe leka onko do jemon ṭakako kol. Arko onkaletʼgea.

Romiko lạgitʼ Pạul Apostolakʼ ciṭhi 12:7

Ar sapʼ dapʼ reakʼ daṛe hoyokʼ khan enḍekhan uni do sapʼ dapʼ giriye kạmi ma. Okoe cecetʼakʼ emokʼ reakʼ daṛeye ńamakatʼ uni doe cetʼakoma;

1Timothi 5:3

Okoe rạnḍi maejiuren celege bạnukʼko onko tojbijkope.