Aposkạmi 5:32 - সান্তালী বাইবেল

³² Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

Santali Common Language New Testament

³² Ale do noaren gohako kanale ar okoe Isorakʼko bataoetʼkan, ar okoe do sonot Jiue emakatʼko uni sonot Jiu hõ ona reaṅ goha kanae.”

Aposkạmi 5:32 Referans Kwoze

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

1 Patras 1:12

Menkhan Isor doe udukʼatʼko tahẽkana je, onko okako kathako menletʼ ona hotete apnar lạgitʼ sapʼsor baṅkate apegeko sapʼsoratʼpe tahẽkana. Serma khon kolocoyicʼ sonot Jiuakʼ ạyurte okoe ape ṭhen Mạsi reaṅ bhage sombatko porcarakatʼ onko do nạbikoakʼ kathage apeko baḍae ocoakatʼpea. Ar serma goḍetko hõ noako reaṅ baḍaejoṅ lạgitʼgeko gagojlena.

Aposkạmi 13:31

Gạlil khon okoeko uni sãote Jerusalemteko hecʼlen, onko do aema din hạbicʼ uniko ńelledea. Ar onkoge ńitokʼ do aboren hoṛko ṭhen uni reaṅ gohako emeda.

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Aposkạmi 15:28

Sonot Jiu ar ale do noage mońjle metakʼkana, noa jạruṛokʼakʼko reaṅ chaḍa ar okaṭakʼte hõ jemon ape cetanre bạ̃ṛti bojha aloko ladeape.

Aposkạmi 2:4

Onate onko jotoge sonot Jiuteko perecʼena ar uni Jiue danatʼko daṛe leka eṭakʼ eṭakʼ pạrsite roroṛko ehopʼena.

Johan 7:39

Noa do uni Jiu reaṅe roṛkeda, one okoe acʼre pạtiạukʼte sonot Jiuko ńame. Unre sonot Jiu do bae emakan tahẽkana, ente unhạbicʼ Jisu hõ bae ṭhonok ocoakan tahẽkana.

2 Korinthiko 13:1

Iń do nõkʼõe tesar dhao ape ṭheniń hijukʼkana. Sostorre ol menakʼa “Bar se pe goha reakʼ mocate mimitʼ katha reakʼ sạṛiyakʼtetʼ do ṭarhaokʼa.”

Aposkạmi 10:44

Patras do unhõ kathae roroṛkan tahẽkanre okoe kathako ańjomkan tahẽkan onko sanamkore sonot Jiu doe hecʼena.

Aposkạmi 2:32

Uni Jisuge Isor doe jiwetʼ beretʼkedea, ar ale do sanamkoge uniren gohako kanale.

Romiko lạgitʼ Pạul Apostolakʼ ciṭhi 8:16

Sonot Jiu hõ acʼge aboakʼ ontorre noa gohae emetʼkana je, abo do Isorren gidrạko kana bon.