Aposkạmi 4:36 - সান্তালী বাইবেল

³⁶ Lewi bõsren Joseph ńutuman mitʼṭen hoṛe tahẽkana. Uni do Kupriko metakʼ dipre oṛakʼ tahẽkantaea. Apostolko do Barnabasko bahnakedea torjomate do jiwi raṛecʼren hoponko hohowaekan tahẽkana.

Santali Common Language New Testament

³⁶ Lewi bõsren Joseph ńutuman mitʼṭen hoṛe tahẽkana. Uni do Kupriko metakʼ dipre oṛakʼ tahẽkantaea. Apostolko do Barnabasko bahnakedea torjomate do jiwi raṛecʼren hoponko hohoaekan tahẽkana.

Aposkạmi 4:36 Referans Kwoze

Galathiko lạgitʼ Pạul Apostolakʼ ciṭhi 2:13

Antiokiạren eṭakʼ biswạsi Jihudiko hõ Patras sãoteko phạsiara seletʼlena. Ar Barnabas sudhạ onkoakʼ phạsiaratetʼreye goḍoe torayena.

Galathiko lạgitʼ Pạul Apostolakʼ ciṭhi 2:9

Onko manotan hoṛ, metakʼme Jakob, Kephas ar Johan do noako ńelteko bujhạu daṛeatʼ tahẽkana, Isor ṭhen khon dayań ńamakada mente. Onko ar ạliń talare oka helmel menakʼ ona udug lạgitʼ onko do Barnabas ar iń tulucʼ jojomtiko milạukeda. Arko rạjiyena, ạliń do boṅgan hoṛ jạtrenko ṭhenliń calakʼa ar onko do Jihudiko ṭhenge.

Galathiko lạgitʼ Pạul Apostolakʼ ciṭhi 2:1

Gelpon bochor tayom iń do Barnabas sãote arhõ Jerusalemteń calaoena, ar Titus hõń soṅge torakedea.

Aposkạmi 15:39

Unre Pạul ar Barnabas do mot baṅ mitʼlente unkin dokin begarena. Onate Barnabas do Marke soṅgekedete jahajte Kupros dipteye calaoena, ar Pạul do Silạse bachaoana.

1 Korinthiko 9:6

Barnabas ar ińge cetʼ kạmikate jojom hoyokʼ tạlińa?

Aposkạmi 21:16

Kạisạriạren adom celako hõ ale sãoteko calaoena ar Manason ńutuman Kupros dipren mitʼ hoṛakʼ oṛakʼteko idiketʼlea. Ar aleakʼ tahen reakʼ katha do uniyakʼ oṛakʼrege tahẽkantalea. Uni do pạhil celako modren mitʼ hoṛe tahẽkana.

Aposkạmi 15:37

Unre Barnabas do Johan soṅgetora joṅe menana. Nui Johan do Mark hõko metaekan tahẽkana.

Aposkạmi 12:25

Barnabas ar Sạul do sapʼdapʼ kạmikin purạuketʼ khan Johankin soṅge torakedete Jerusalemteko ruạṛ calaoena. Ar nui Johange Mark hõko metaekan tahẽkana.

Aposkạmi 11:30

Onko do Barnabas ar Sạulakʼ tite Jihudạ manḍerren maraṅ mukhiyạko ṭhen ona goṛoko kolleda.

Aposkạmi 15:12

Unre bạisiren sanamko doko thir hapeyena ar Pạul ar Barnabas hotete boṅgan hoṛ jạtrenko talare Isor do okako hahaṛa kạmiye kạmi akatʼ ona unkinakʼ moca khon ańjomko ehopʼena.

Aposkạmi 15:2

Onate Pạul ar Barnabas sãote onko hoṛ doko apṭha ạpṭhiyena. Onko doko goṭakeda je, Pạul ar Barnabas do Antiokiạren thoṛa biswạsiko soṅgekate Jerusalemkin calakʼa ar apostolko ar manḍerren mukhiyạko tulucʼ noa reaṅko galmaraoa.

Aposkạmi 9:27

Menkhan Barnabas do uniye soṅgekedete apostolko ṭhene idikedea are baḍae ocoketʼkoa, Damesek reakʼ horre Sạul do cetʼlekate Jisui ńelledea ar cetʼleka Probhu Isor do uni sãoteye galmaraoleda, ar Damesekre Jisu reaṅ cetʼleka dilkateye porcarleda.

Mark 3:17

Sabdaeren hopon Jakob ar Johan, (nukinakʼ ńutum do Boanergise dohoketʼ tạkina metakʼme huḍurren hoponkin);

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Aposkạmi 13:4

Ado sonot Jiu hotetekin kol ocoyen khan Barnabas ar Sạul do Seleukiạtekin rakapʼ calaoena. Ar onḍe khon jahajte unkin do Kupros diptekin senena.

Aposkạmi 13:15

Ado sonot sostor reakʼ ạn-ạri ar nạbikoakʼ puthi khon paṛhao sạten khan sunạgogren mukhiyạko do onkoko metatʼkoa, “E boehako, jãhãn sikhạuna katha menakʼtape khan ma roṛpe.”

Aposkạmi 21:3

Kupros diple ńel ńamketʼ khan ona dạkhin secʼte ạcurkate Siriạ Prodes reakʼ Tur nagrahate senkate jahaj khonle pheḍena. Onḍege aleakʼ jahaj reakʼ bojha do pheḍ reakʼ katha tahẽkantalea.

Aposkạmi 27:4

Ado onḍe khon arhõ jahajko laṛaoketʼtalea. Menkhan samaṅ secʼ khone hoyetʼ tahẽkante ale do Kupros dip aṛetele calao idiyena.

1 Korinthiko 14:3

Menkhan nạbi lekate katha roroṛicʼ do manwako ṭhen nonkan kathae roṛa one okaṭakʼteye benao rakapʼko, are udgạuko ar jiwi raṛecʼe danako.

Kolossiko lạgitʼ Pạul Apostolakʼ ciṭhi 4:10

Iń soṅgete kạidi akan Aristarkhus ar Barnabasren mamo hatom boeha Mark hõ joharkin emapekana. Mark reaṅ ma laharege hukumpe ńamakatʼ baṅma, ape ṭhene senlenre dulạṛ salakʼ ataṅ daramete jemonpe sapʼsorae.