Aposkạmi 4:33 - সান্তালী বাইবেল

³³ Ar apostolko do maraṅ daṛe salakʼ gohako em idiyetʼ tahẽkana je, Probhu Jisu do gocʼko khone jewetʼ beretʼ akana ar sanamko cetanre Isorakʼ maraṅ daya do tahẽkana.

Santali Common Language New Testament

³³ Ar apostolko do maraṅ daṛe salakʼ gohako emidiyetʼ tahẽkana je, Probhu Jisu do gocʼko khone jewetʼ beretʼ akana ar sanamko cetanre Isorakʼ maraṅ daya do tahẽkana.

Aposkạmi 4:33 Referans Kwoze

Johan 1:16

Abo jotokoge uniyakʼ ona perecʼakʼ khon daya cetan daya bon ńam akada.

Aposkạmi 1:8

Menkhan sonot Jiu apereye hecʼlenre ape do daṛepe ńama, ar Jerusalemre, goṭa Jihudạre ar Samariạre, hẽ, dhạrti reakʼ mucạtʼ simạko hạbicʼ ińren gohakope hoyokʼa.”

1 Thessalonikikko 1:5

ente alele porcar akatʼ bhage sombat do eken katha motote do baṅ seṭer akatʼpea, menkhan daṛete, sonot Jiute ar purạ khạṭi salakʼ hecʼatʼpe tahẽkana. Ape sãote tahẽkan jokhecʼ apeakʼ bhạlại lạgitʼ cetʼ lekale colonetʼkan tahẽkan ona mape baḍaege.

Aposkạmi 4:30

Amakʼ ti tiyạrtam jemon amren sonot guti Jisu ńutumte onko do hoṛkoko boge daṛeako ar hahaṛa kạmi ar cinhạkoko udukʼ daṛeakʼ.”

Aposkạmi 2:47

Onko do jao ghuṛi Isorko sarhaoede tahẽkana ar sanam hoṛge onkoko manotetʼko tahẽkana. Ar okoe kại khon bańcaokʼko ńametʼ tahẽkan Probhu do biswạsiko tulucʼ jao hilokʼ onkoe juṭucʼ idiketʼkoa.

Luk 2:52

Ar Jisu do akelte, umerte ar Isor ar manwakoakʼ dulạṛteye hara idiyena.

Mark 16:20

Ar celako do senkate sanam jaegare porcarko ehopʼena. Ar Probhu Isor do onko talate kạmiye ehopʼena ar hahaṛa kạmi reakʼ daṛeteye pormankeda, onko okako porcaretʼkan ona do sạrikana mente.

Ibriko 2:4

Ona salakʼ Isor hõ ạḍi utạr cinhạko ar hahaṛawakʼko ar daṛe kạmiko ar acʼakʼ monejoṅ leka sonot Jiuakʼ daya dankote ona reaṅ gohae emakada.