Aposkạmi 4:29 - সান্তালী বাইবেল

²⁹ Ar ńitokʼ do E Probhu Isor, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

Santali Common Language New Testament

²⁹ Ar ńitokʼ do E Probhu, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

Aposkạmi 4:29 Referans Kwoze

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Aposkạmi 14:3

Pạul ar Barnabas do ona nagrahare thoṛa dinkin tahẽyena ar dil salakʼ Probhu Isorakʼ kathakin galmaraoatʼkoa. Ar Probhu Isorakʼ daya reaṅ okakin porcaretʼ tahẽkan ona katha sạrikana mente sạbud lạgitʼ Probhu Isor do Pạul ar Barnabas hotete cinhạko ar hahaṛawakʼkoe hoyocokeda.

Philipiko lạgitʼ Pạul apostolakʼ ciṭhi 1:14

Ona chaḍa noa hajotre minạń khạtirte ḍher boehakoge Probhu Isorre arhõ bạ̃ṛti ṭehãḍokʼko cetʼakada ar onate onko do begor botorokʼte Isorakʼ katha porcar lạgitʼ arhõ dilanko hoyakana.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Aposkạmi 28:31

Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Aposkạmi 19:8

Inạ tayom Pạul do sunạgogkoteye boloyena ar pe cando hạbicʼ dil salakʼ kathakoe galmaraoatʼkoa. Uni do Isorakʼ raj reaṅakʼko khode khod galmaraoatʼkote biswạs janam ocoytako lạgitʼe kurumuṭukeda.

Aposkạmi 13:46

Unre Pạul ar Barnabas do dilkate kin roṛ ruạṛatʼkoa, “Pạhilre ape ṭhen Isorakʼ katha lạlại jạruṛ tahẽkan tạlińa, menkhan tinre ape do bape moneyada ar jaejug jion ńam lạgitʼ apete lek bape bujhạulena unre ạliń do boṅgan hoṛ jạtrenko secʼliń ạcurokʼkana.

Aposkạmi 9:27

Menkhan Barnabas do uniye soṅgekedete apostolko ṭhene idikedea are baḍae ocoketʼkoa, Damesek reakʼ horre Sạul do cetʼlekate Jisui ńelledea ar cetʼleka Probhu Isor do uni sãoteye galmaraoleda, ar Damesekre Jisu reaṅ cetʼleka dilkateye porcarleda.

1 Thessalonikikko 2:2

Ar noa katha hõpe baḍaegea, noa lahare ale do Philipi nagraharele khed ocolena ar bemanot hõle bemanot ocolena. Menkhan noa tạkicʼakʼko tahẽkanre hõ aboren Isor ṭhen khon dil ńamkate uniyakʼ bhage sombat reakʼ katha ale do khulạsategele lạiyatʼpe tahẽkana.

Aposkạmi 4:21

Unre onko do Patras ar Johan arhõ botorko udukʼatʼkinte unkinko aṛakʼkatʼkinạ. Onko do hoṛkoko botoratʼkote bako goṭa daṛeada cetʼ lekateko sạjạikinạ mente, ente oka hoyakan onate joto hoṛge Isorko sarhaoedekan tahẽkana.

Daniel 9:18

E ińren Isor, luturakʼme baṛe; ar ańjomme; amakʼ mẽtʼ jhijme ar okaṭakʼ nagraha do amakʼ ńutumte bikạuakan ona reakʼ ujạṛakʼ mitʼ dhao beṅgetʼakʼme. Aleakʼ gunte do baṅ bickom amakʼ maraṅ dayate am ṭhenle nehõrokʼ kana.

Jeheskel 2:6

Menkhan E manwa hopon, am do onko ar onkoakʼ kathate alom botorokʼa. Onko do seṅgel siń ar jạnumko leka am beṛhaeteko tahẽlenrehõ ar kidiń kaṭkom talare menamre hõ am do alom botorokʼa. Onko ńelte se onkoakʼ katha ańjomte hõ alogem botorokʼa; ente onko do huhul jạtrenko kanako.

Aposkạmi 26:26

Ente raj do noakoe baḍaegea ar iń do uni sãote sohosateń roṛ daṛeakʼa. Noa katha do khạṭigeń baḍaea je, noako mod khon okaṭakʼ hõ uni khon do baṅ okoakana, ente danaṅre noako do baṅ hoyakan.

Mikạ 3:8

Menkhan Jakob do acʼakʼ behokakʼ reakʼ, ar Israel do acʼakʼ kại reaṅ baḍae ocoye lạgitʼ Probhu Isorren Jiu reakʼ daṛete, ar dhorom reakʼ bicạrre dilteń perecʼ akana.

Rak̕joṅ 5:1

E Probhu Isor, ale cetanre oka hoyakan ona baṛe disạime; ạribạndhime, ar aleakʼ henosta baṛe ńelme.

Rak̕joṅ 3:50

Probhu Isor coṭ serma khon latarte ạuriye oyoṅ hạbicʼ.

Jesaea 63:15

E Probhu Isor, serma khon, amakʼ sonot ar ṭhonokanakʼ tahen oṛakʼ khon beṅgetʼkate ńelme. Amakʼ ãṭ ar daṛe kạmiko do okayentama? Amakʼ mạ̃hir ar mãyã do ale ṭhen khonem ocokʼakada.

Jesaea 58:1

Probhu Isore meneda, “Kajakte hohoeme, amakʼ goṭa daṛete hohoeme; sakwa saḍe leka ãṭ aṛaṅte hohoeme. Ińren hoṛko ṭhen onkoakʼ bedhorom reakʼ katha ar Jakobren bõsko ṭhen onkoakʼ ghạṭ akatʼ reakʼ katha baḍae ocokom.

Aposkạmi 9:28

Ona tayom Sạul do Jerusalemren celako sãoteye tahẽyena ar onko sãoteye bolo oḍokokʼkan tahẽkana ar goṭa Jerusaleme dãṛãketʼa ar Probhu Isor reaṅ dilkateye porcaretʼ tahẽkana.

2 Korinthiko 3:12

Ale do nonkanakʼ as menakʼtalete sodortele roṛetʼkana.

1 Korinthiko 14:13

Onate jãhãe hoṛ eṭakʼ pạrsite kathae roṛetʼ khan uni doe koejoṅma jemon ona reakʼ maneye bujhạu daṛeako.