Aposkạmi 4:19 - সান্তালী বাইবেল

¹⁹ Patras ar Johan dokin roṛ ruạṛkeda, “Apeakʼ hukum liń manaoa se Isorakʼ hukumko liń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

Santali Common Language New Testament

¹⁹ Patras ar Johankin roṛ ruạṛkeda, “Apeakʼ hukum liń manaoa se Isorakʼ hukumkoliń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

Aposkạmi 4:19 Referans Kwoze

Aposkạmi 5:29

Unre Patras ar eṭakʼ apostolkoko roṛ ruạṛkeda, “Manwakoakʼ hukum batao khon Isorakʼ hukumkoge batao lek tabona.

Exodus 1:17

Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa.

1 Korinthiko 10:15

Iń do budanko menteń baḍaeyetʼpete noakoń galmaraoape kana; ar okań roṛetʼkan, ona do apege bicạrpe.

1Timothi 2:3

Aboren babańcaoicʼ Isorakʼ mẽtʼãhã samaṅre ona do bhagegea ar onatege uni doe kusikʼa.

Johan 7:24

Mẽtʼãhã ńelte do alope bicạra bickom hok reakʼge bicạrpe.”

1 Rapajko 22:14

Menkhan Mikại menkeda, “Jiwetʼ Probhu Isorre kiriạkateń meneda, Probhu Isor okaṭakʼ memene mitạń eken onageń roṛa.”

Daniel 3:18

Menkhan E maharaj, ar uni bae onkaere hõ ale do amren debota do bale sewawaea se amem benao akade sonaren murhutʼ hõ bale ḍobokʼaea.”

Mathae 22:21

Adoko menkeda, “Romren maharajakʼ.” Jisui metatʼkoa, “Enḍekhan okaṭakʼ maharajakʼ kan ona do maharajge emaepe, ar okaṭakʼ Isorakʼ kan ona do Isorge emaepe.”

Amos 7:16

Enḍekhan ńitokʼ do Probhu Isorakʼ katha ańjomme. Am dom menetʼkana, ‘Israel upạrte alom nạbiya ar Isahakakʼ bõsrenko upạrtehõ alom porcara.’

Hosea 5:11

Ephrayim do acʼakʼ kusileka michạwakʼe pańjayeda uni doe santao ocokʼkana ar bicạrreye lebetʼ gańjao ocoakana.

Daniel 6:10

Daniel do rajakʼ hukumre suhi akana menteye ańjomketʼ khan acʼakʼ koṭha kandhateye rakapʼena; ona oṛakʼ reakʼ jalna do Jerusalem secʼge jhicʼ tahẽkana. Uni do acʼakʼ hewa leka dinre pe dhao ikhṛumkateye koejoṅana ar acʼren Isore gun manao joharadea.

Sereńko 58:1

E bicạretʼkanko, ape dope thir hape akana noa do cetʼ hok reakʼ bicạr hoyokʼ kana? Ape do cetʼ hoṛkoakʼ hok reakʼpe bicạrkatako kana?

2 Rapajko 16:15

Ona tayom Ahas raj do Uriạ naeke noae hukumadea, “Ona maraṅ pinḍ cetanre do setakʼ reakʼ jeredokʼ samaṅokʼakʼ ar ạyupʼ bela reakʼ anaj samaṅokʼakʼ porobem porobokʼa. Ona chaḍa ona cetanre rajakʼ jeredokʼ samaṅokʼakʼ ar anaj samaṅokʼakʼ ar disạmren sanam hoṛkoakʼ jeredokʼ samaṅokʼakʼ ar onkoakʼ anaj samaṅokʼakʼ ar coḍorokʼ samaṅokʼakʼem samaṅa. Sanam jeredokʼ samaṅokʼakʼ ar eṭakʼ janwar samaṅokʼakʼ reakʼ mãyãm do ona pinḍ cetanrem irciwakʼa. Menkhan Isorakʼ hukum ńam lạgitʼ do ona pitạl reakʼ pinḍgeń beohara.”

1 Rapajko 21:11

Onate Nabatakʼ nagraharen murubbiko ar lekman hoṛ do Isebelakʼ olakʼ ciṭhi lekako kạmikeda.

1 Rapajko 14:16

Jerobiam okakoe kại akatʼ ar Israelko okae kại ocoakatʼko ona iạte Probhu Isor do onkoe bạgi giḍiyakoa.”

1 Rapajko 12:30

onate hoṛko do sewae lạgitʼ Dan hạbicʼ calakʼko ehopʼena. Ar noage onko lạgitʼ do maraṅ kạige hoyentakoa.

Jakob 2:4

Enḍekhan apnar talare cetʼ kạṭicʼ ar lạṭu reakʼ bape sirjạueda ar bạṛicʼ monsubạte bape bicạreda?

Ephesiko lạgitʼ Pạul Apostolakʼ ciṭhi 6:1

E gidrạko, Probhu Isor cetʼlekae khojkan onkage aperen gogo-babakoakʼ bataotakope, ente ona do lek kana.

2 Korinthiko 4:2

Ar hoṛko danaṅre oka lajao paṛaoakʼko kạmikan ona do ekaltege bale kạmikana. Ale do okaṭakʼ kạmirege bale eṛeya, ar Isorakʼ kathare jãhãnakʼ ạuṛiyakʼ hõ bale mesaletʼkana. Bickom Isorakʼ sạriyakʼtetʼ sodorkate uni samaṅre sanam hoṛkoakʼ bibek ṭhen ataṅokʼ lek mente apnarle sodorokʼ kana.

Mikạ 6:16

Ape do Omri reakʼ niạmkope manaoetʼ kana ar Ahab bõsrenkoakʼ hewa lekape calakʼkana. Ona iạte iń do maraope reakʼ ti ar landa dhutʼape reakʼ tiregeń jimạkapea; ar ińren hoṛkoakʼ henostagepe gokʼ baṛaea”

Ibriko 11:23

Moseyakʼ janam tayom uniren eṅgat-apat do biswạs iạtege pe cando kin oko doholede tahẽkana, ente unkin dokin ńelkeda, gidrạ do ńelokʼteye mońjgea ar onate raj reakʼ hukum hõ bạkin botorada.

Jirimiạ 26:12

Unre Jirimiạ do sanam hoṛko ar rajkạmiyạkoe metatʼkoa, “Ape do niạ oṛakʼ ar nagraha upạrte okape ańjomketʼ ona lạlại lạgitʼge Probhu Isor do ińe kol akadińa.

Aposkạmi 4:13

Ado Patras ar Johanakʼ dil ńelte ar bin bidiyạwan ar ne hoṛkanakin menteko baḍaeketʼ khan onko mukhiyạko doko hahaṛayena, ar noa hõko bujhạukeda je unkin hõ Jisu sãotekin tahẽkana.

Aposkạmi 5:28

“Uni hoṛ reaṅ alo cetʼako lạgitʼ kajaktele hukumatʼpe tahẽkana, menkhan ape do apeakʼ cecetʼakʼte Jerusalempe perecʼ akada ar uni hoṛakʼ mãyãm alere paṛao ocoy reakʼpe moneakada.”

1 Rapajko 13:19

Ar unre Isorren hoṛ do uni sãoteye ruạṛ calaoena ar uniyakʼ oṛakʼreye jom-ńũkeda.

2 Rapajko 16:16

Ar naeke Uriạ do Ahas rajakʼ hukum leka jotowakʼe kạmikeda.