Aposkạmi 3:17 - সান্তালী বাইবেল

¹⁷ “E boehako, ńitokʼ ińiń baḍaea aperen murubbiko leka ape hõ begor bujhạutege Jisupe kurusledea.

Santali Common Language New Testament

¹⁷ “E boehako, ńitokʼ ińiń baḍaea aperen murubiko leka ape hõ begor bujhạutege Jisupe krusledea.

Aposkạmi 3:17 Referans Kwoze

Luk 23:34

Unre Jisui menkeda, “E baba, ikạkakome, ente bako baḍaea cetʼko cekayeda mente.” Onko do gulibãṭkate Jisuakʼ kicricʼko hạṭińana.

Aposkạmi 13:27

Jerusalemren hoṛko ar onkoren mukhiyạko do Jisu bako oromledea. Noa chaḍa nạbikoakʼ okaṭakʼ katha jirạukʼ mãhãre jaoge paṛhao idikʼkan tahẽkan, ona katha hõ onko do bako bujhạu daṛeada; onate Jisuko dusikedete ona kathako purạukeda.

1 Korinthiko 2:8

Menkhan niạ jugren cakʼlaoko modre okoe hõ ona do bako baḍaeleda; enteko baḍaele khan ṭhonokren Probhu Isor do ohogeko kuruslea.

Johan 16:3

Onko do noa iạtegeko onkaea ente Baba hõ bako baḍaeakadea ar iń hõ bako baḍae akadińạ.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

2 Korinthiko 3:14

Menkhan onko hoṛkoakʼ mon do keṭecʼlen takoa. Onate teheń hạbicʼ hõ ona mare bondobos reakʼ katha paṛhao jokhecʼ onkoakʼ ontorre inạ mitʼ lekanakʼ bedokʼakʼ orwal do tahenkan getakoa, ente eken Mạsi tulucʼ mitʼlen khange ona orwal do ocogokʼa.

Romiko lạgitʼ Pạul Apostolakʼ ciṭhi 11:2

Isor do acʼren okoeko hoṛ laha khongeye bachao akatʼko tahẽkan onko do bae dea giḍiletʼkoa. Se bape baḍaea, sonot sostorre Eliạ nạbi reakʼ cetʼe meneda mente? Uni do Isor ṭhen Israel upạrteye roṛleda,

Aposkạmi 26:9

“Iń do apnargeń pạtiạukʼkan tahẽkana, Nasaretren Jisu upạrte okań daṛeakʼ ona jotoge kạmi lek tińạ mente,

Johan 7:52

Phạrusiko do Nikodemusko roṛ ruạṛadea, “Am hõ cetʼ Gạlilren hoṛ kanam? Sonot sostor ḍunḍhạukate ńelme, Gạlilre jãhãe nạbi janamokʼ reakʼ katha do bạnukʼa.”

Numeri 22:6

Noko hoṛ do iń khon hõko daṛegea; onate dela hijukʼme ar onko sarapakome. Ar onka khan pasecʼ onko doń bhagaokoa ar ińakʼ disạm khoniń laga ńir daṛeakoa. Iń do noa kathań baḍaegea, am okoeyem bhorako onko do sạrige bhorko ńama ar okoeyem sarapako onkore sarap do paṛaokʼgea.”

Exodus 32:1

Mose do buru khon pheḍ hijukʼe bilometʼkana menteko ńelketʼ khan hoṛko do Aron beṛhaete jarwayenteko metadea, “Hor udukʼ abon lạgitʼ am do debotako benao abonme ente Misor disạm khon okoeye oḍok ạguketʼ bon, uni Moseyakʼ cetʼ hoyakana ona do babon baḍae kana.”

Genesis 44:15

Unre Joseph do onkoe metatʼkoa, “Cedakʼ nonka dope kạmikeda? Jotowakʼ sạrigeń guni daṛeakʼ ona do cetʼ bape baḍaekan tahẽkana?”

Genesis 39:8

Menkhan Joseph do bae rebenlena. Uni doe menkeda, “Ńelme, noa oṛakʼre minạńte ińren kisạ̃ṛ do jãhãnakʼ reakʼ bae dạndikʼ kana. Uni do acʼakʼ jotowakʼko cetanre ińe dohoakadińa.

Genesis 21:26

Abimeleke roṛ ruạṛkeda, “Noa okoeye kạmi akatʼ ona do bạń baḍaea. Am do noa lahare bam lại akawạdińa. Iń do teheńgeń ańjomkeda.”

Philipiko lạgitʼ Pạul apostolakʼ ciṭhi 1:22

Menkhan jiwetʼgeń tahen khan enḍekhan ona do nonkan mitʼṭecʼ kạmi reakʼ ạte imạńa jemon bhage jo hoyokʼtiń. Ar okaṭakʼ iń bachao joṅa ona do bạń baḍaea.

Luk 23:13

Unre Pilạt do maraṅ naekeko, mukhiyạko ar sanam hoṛko hoho jarwakateye metatʼkoa,

Johan 15:21

Onko do iń iạteko onkapea, ente iń okoeye kol akadiń uni do bako baḍaeyede kana.

Aposkạmi 22:5

Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼte onḍeń calakʼkan tahẽkana.

Aposkạmi 28:21

Unre Jihudi mukhiyạkoko metadea, “Jihudạ khon am reaṅ do jãhãn ciṭhige bale ńam akada. Ar boehako modren okoe hõ onḍe hecʼkate am reaṅ cetʼge bako baḍae ocoakatʼlea se jãhãn bạṛicʼ do bako roṛakada.

Ephesiko lạgitʼ Pạul Apostolakʼ ciṭhi 4:18

Onkoakʼ mon do ńutre menakʼtakoa. Ar ontor keṭecʼgetakote Isor reaṅ cetʼge bako baḍaekana, ar onate onko do Isorakʼ emakʼ jion khon ạḍi sạńgińre menakʼkoa.