Aposkạmi 28:31 - সান্তালী বাইবেল

³¹ Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Santali Common Language New Testament

³¹ Uni do sohosate ar bin akoṭte Isorakʼ raj reakʼe porcaretʼ tahẽkana ar Probhu Jisu Mạsi reaṅe cetʼakokan tahẽkana.

Aposkạmi 28:31 Referans Kwoze

Aposkạmi 4:29

Ar ńitokʼ do E Probhu Isor, cetʼ lekako botor ocoyetʼle ona dom ńeletʼkangea. Amren gutiko nonkan daṛe baṛe emakom jemon dil salakʼ amakʼ kathako lại sodor daṛeakʼ.

Aposkạmi 28:23

Onko do Pạul são ńapamokʼ lạgitʼ mitʼṭecʼ dinko goṭakeda. Ar Pạul okareye tahẽkan onḍe do onko chaḍa arhõ aema hoṛko hecʼena. Unre Pạul do setakʼ khon ạyupʼ hạbicʼ Isorakʼ raj reaṅe galmaraoatʼkoa are bujhạuatʼkoa. Uni do Moseyakʼ ạn-ạri ar nạbikoakʼ puthi khon hõ Jisu reaṅe bujhạu akokan tahẽkana.

Mathae 4:23

Jisu do Gạlil Prodes reakʼ sanam jaegakore dãṛã dãṛãte Jihudikoakʼ sunạgogkore cetʼakoe ehopʼena. Ona chaḍa uni do serma raj reakʼ bhage sombat porcar ar hoṛkoakʼ sanam lekan rog bighin ar ruạ hasokoe bogeyetʼtako tahẽkana.

2Timothi 4:17

Menkhan Probhu Isor do iń sãoteye tahẽkana ar daṛeye dan ạdiń tahẽkana. Onate iń do purạte bhage sombatiń porcar daṛeakʼ tahẽkana ar sanam boṅgan hoṛ jạtrenkoko ańjomleda. Isor do dhạcri kulakʼ moca khone rukhiyạledińạ.

Philipiko lạgitʼ Pạul apostolakʼ ciṭhi 1:14

Ona chaḍa noa hajotre minạń khạtirte ḍher boehakoge Probhu Isorre arhõ bạ̃ṛti ṭehãḍokʼko cetʼakada ar onate onko do begor botorokʼte Isorakʼ katha porcar lạgitʼ arhõ dilanko hoyakana.

Aposkạmi 20:25

“Iń do ńitokʼ noa kathań baḍaea je, ape okoeko ṭhen senkate Isorakʼ rajosṭi reakʼ iń porcar akatʼ onko okoege iń do ar bako ńeleńa.

Aposkạmi 8:12

Menkhan Philip do tinre Isorakʼ raj ar Jisu Mạsi reaṅ bhage sombate porcarkeda unre hoṛko do uniyakʼ kathareko pạtiạuena ar herel ar maejiukoko bạptisena.

Aposkạmi 4:31

Ado oka jaegare onkoko jarwa mitʼ akan tahẽkan, koejoṅ tayom ona jaega do dal dalaoena. Ar onko sanamkoge sonot Jiuteko perecʼente dil salakʼ Isorakʼ katha lạlạiko ehopʼena.

Aposkạmi 5:42

Onko do jaoge mundilre ar oṛakʼ oṛakʼ senkate cetʼakoko ehopʼena ar Jisuge Mạsi kanae mente noa bhage sombat porcar iditegeko tahẽyena.

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

Aposkạmi 23:11

Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

Luk 8:1

Inạ tayom Jisu do ato ato ar nagraha nagrahate dãṛãkate Isorakʼ raj reakʼ bhage sombat porcarakoe ehopʼena. Ar uni soṅgete acʼren gelbar celako ar thoṛa maejiuko hõko tahẽkana. Noko maejiu do ruạ haso ar bạṛicʼ jiuko khonko boge ocoakan tahẽkana. Noko doko hoyokʼ kana, Mạriạm, okoe do Magdalaniko metaekan ar nui khonge eae goṭen bạṛicʼ jiu doko oḍoklena;

Mark 1:14

Johan hajotreye bhorao ocoyen khan Jisu do Gạlil Prodesteye calaoena. Ar nonka menkate Isorakʼ bhage sombat porcare ehopʼena,

Aposkạmi 1:3

Uni do acʼakʼ duk jom tayom nokoko hoṛ ṭhengeye ńel ocolena ar uni jiwetʼge menae ona reakʼ ạḍi utạr biswạsteakʼ pormankoe emakada. Uni do pon gel din hạbicʼ celako ṭhene ńel ocoyente Isorakʼ raj reaṅe lạiyatʼko tahẽkana.

Aposkạmi 28:30

Ar Pạul do purạ bar bochor acʼakʼ bhaṛa oṛakʼreye tahẽkana ar acʼ ṭhen bolokʼ sanamkogeye ataṅetʼko tahẽkana.