Aposkạmi 28:21 - সান্তালী বাইবেল

²¹ Unre Jihudi mukhiyạkoko metadea, “Jihudạ khon am reaṅ do jãhãn ciṭhige bale ńam akada. Ar boehako modren okoe hõ onḍe hecʼkate am reaṅ cetʼge bako baḍae ocoakatʼlea se jãhãn bạṛicʼ do bako roṛakada.

Santali Common Language New Testament

²¹ Unre Jihudi mukhiyạkoko metadea, “Jihudạ khon am reaṅ do jãhãn ciṭhige bale ńam akada. Ar boehako modren okoe hõ onḍe hecʼkate am reaṅ cetʼge bako baḍae ocoakatʼlea se jãhãn bạṛicʼ do bako roṛakada.

Aposkạmi 28:21 Referans Kwoze

Jesaea 54:17

Am upạrte tearakʼ khanḍa bhanḍako hõ oka kajrege baṅ jojaokʼa; ar bicạrre am upạrteko teṅgokʼ hoṛko do amge dusirem paṛaokoa. Noa kangea Probhu Isorren golamkoakʼ bakhra do, ar noa kangea onkoakʼ dhorom hõ.”

Jesaea 50:8

Okoe bin dusạnicʼ menteye sạbud akadiń uni do sorrege menaea; enḍekhan okoe iń upạrte doe lạlisa? Dela, bon teṅgo ńapamlenge. Ar okoeye dusi akadiń, uni do iń samaṅreye hecʼ sorokʼma.

Jesaea 41:11

“Okoe am cetanreko raṅgaokʼkan onko do khạṭige lajao arko bemanot ocokʼa. Okoe am upạrteko teṅgonkan onko do cetʼ cinhạge baṅ tahentakoa; onko doko marao utạrokʼa.

Aposkạmi 22:5

Noa katha do sạrikana je, onaren goha do maraṅ naekeko ar maraṅ bạisiren sanamkoge. Iń do onko ṭhen khon Damesek nagraharen dhorom mukhiyạko emako lạgitʼ ciṭhiń hataoleda ar onkan hoṛko tol ạgukate Jerusalemre sạjạiko lạgitʼte onḍeń calakʼkan tahẽkana.

Exodus 11:7

Menkhan Israelko modren jãhãe upạrte mitʼṭen setawakʼ bhokʼ hõ baṅ ańjomokʼa, baṅ do manwa ńelte ar baṅ do janwar upạrte. Jemonpe baḍae daṛeakʼ, Probhu Isor do Misriko ar Israelko talareye bekʼgarkana mente.

Aposkạmi 3:17

“E boehako, ńitokʼ ińiń baḍaea aperen murubbiko leka ape hõ begor bujhạutege Jisupe kurusledea.

Aposkạmi 28:14

Onḍe do thoṛa biswạsi boehakole ńamketʼkoa. Onko do ako sãote mitʼ hapta tahen lạgitʼko nehõratʼlea. Nonkate ale do Romtele hecʼena.

Romiko lạgitʼ Pạul Apostolakʼ ciṭhi 9:3

Ińren boehako bodolte, metakʼme iń jạtren hoṛko bodolte hoydaṛeakʼ khan iń apnarge Mạsi ṭhen khon pharakokʼ reakʼ sarapiń hataokea.