Aposkạmi 28:20 - সান্তালী বাইবেল

²⁰ Onate iń do apeko sãote ńapamokʼ ar galmarao lạgitʼ iń khojkeda. Ar Israel jạtrenkoakʼ oka as menakʼ ona lạgitʼge iń do noa sikṛiteń tol ocoakana.”

Santali Common Language New Testament

²⁰ Onate iń do apeko sãote ńapamokʼ ar galmarao lạgitʼ iń khojkeda. Ar Israel jạtkoakʼ oka as menakʼ ona lạgitʼge iń do noa sikṛiteń tol ocoakana.”

Aposkạmi 28:20 Referans Kwoze

2Timothi 2:9

ar noa bhage sombat porcar iạte iń do duk sasetiń jomakada; ar dusiakatʼ hoṛ leka tol hõń tol ocolena. Menkhan Isorakʼ katha do baṅ tolakana.

Ephesiko lạgitʼ Pạul Apostolakʼ ciṭhi 6:20

Noa bhage sombat porcar lạgitʼ iń do sikṛi akan raj paṭhaona kạnạń. Koejoṅpe jemon hajotre tahen jokhecʼ cetʼleka bhage sombat porcar reakʼ lek kantiń onkage dil salakʼ onań porcar daṛeakʼ.

Philipiko lạgitʼ Pạul apostolakʼ ciṭhi 1:13

Onate nonḍe raj dolanren palṭonko ar eṭakʼ sanamkoko baḍae daṛeada je, Mạsi iạte iń do hajotre minạńa.

Aposkạmi 26:29

Pạule menkeda, “Thoṛare hõ se ḍherre hõ, iń do Isor ṭheniń koejoṅ kana, eken am eskar do baṅ bickom teheń tinạkʼ do ińakʼ kathako ańjometʼkan onko sanamko jemon iń lekako hoyokʼ, eken noa sikṛi chaḍa.”

Ephesiko lạgitʼ Pạul Apostolakʼ ciṭhi 4:1

Onate Probhu Isorre kạidi akanicʼ iń nehõrape kana, Isor oka lạgitʼe hohoakawatʼpe ona reakʼ lek leka colonpe.

Ephesiko lạgitʼ Pạul Apostolakʼ ciṭhi 3:1

Noa iạte iń Pạul do Isor ṭheniń koejoṅkana. Ape okoe do boṅgan hoṛ jạtrenko kanpe ape lạgitʼge iń do Mạsi Jisuren kạidiń hoyakana.

Aposkạmi 24:15

Onko cetʼlekako asokʼkan onkage iń hõ Isorre noa as menakʼtińạ je, dhorom ar bedhorom sanamkoge arhõko jiwetʼ beretʼ ocokʼa.

Aposkạmi 23:6

Ona bạisiren mitʼ dol do Sạdukiko ar eṭakʼ dol do Phạrusi menakʼkoa menteye baḍaeketʼ khan Pạul do maraṅ bạisi talare ãṭ aṛaṅteye menkeda, “E boehako, iń do mitʼṭen Phạrusi hoṛ kạnạń ar Phạrusikoren hoponge. Ińakʼ bicạr do hoyokʼ kana, ente ińiń pạtiạukʼ kana, gocʼko do arhõko jiwetʼ beredokʼa.”

Aposkạmi 21:33

Unre maraṅ subedar do senkate Pạule giriptarkedea ar barea sikṛite tole lạgitʼe hukumkeda. Ona tayom uni doe kuliketʼkoa, “Nui hoṛ doe okoe kana? Ar cetʼe ceka akada?”

Aposkạmi 10:33

Onate iń do am hoho ạgume lạgitʼ unrege hoṛiń kolketʼkoa, ar amem hecʼente dom bhageakatʼgea. Nonḍe ale do ńitokʼ sanamkoge Isor samaṅre menakʼlea. Ar Probhu Isor okaṭakʼ ale ṭhen galmarao lạgitʼe hukum akatʼme ona jotowakʼgele ańjoma.”

Philimon 1:13

Ińakʼ kạmi lạgitʼge iń ṭhen dohokayiń menetʼ tahẽkana, jemon bhage sombat porcar khạtirte ińakʼ noa bondi dosare uni do am huyạte ińe sapʼsor daṛeạńa.

2Timothi 1:10

Menkhan ńitokʼ aboren babańcaoicʼ Jisu Mạsi do noa dhạrtiteye hecʼente ona dayaye sodorakada. Mạsi do morone bhagao akada ar bhage sombat hotete bin maraokʼ jion reakʼ kathae sodorakada.

Kolossiko lạgitʼ Pạul Apostolakʼ ciṭhi 4:18

Iń Pạul do ińakʼ tite noa johar kathań oleda. Disạipe iń doń kạidi kana. Isore dayawape ma.

Aposkạmi 28:17

Pe din tayom Pạul do onḍenko Jihudiko mukhiyạko mitʼ ṭhene hoho jarwaketʼkoa. Adoko jarwayen khan Pạul do onkoe metatʼkoa, “E ińren boehako, iń do abo jạtrenko se hapṛamkoakʼ cạli upạrte cetʼge bạń ceka akada, enhõ Jerusalemre sapʼ ocokate Romikoakʼ tireń jimạ ocoakana.

Aposkạmi 10:29

Onate tinre ińpe hohowạdińa unre begor ạnḍuṅte nonḍeń hecʼakana. Ar ńitokʼ iń kuliyetʼpea, cedakʼ iń dope hoho akadińạ?”

Jirimiạ 40:1

Jerusalem ar Jihudạren sanam bondiko tinre Babelteko idi ocokʼkan tahẽkana unre Babel rajren rurukhiyạ dolren subedar Nebusaradan do onko sãote Jirimiạ hõ sikṛite tolkateye idikedea. Menkhan uni do Ramare Jirimiại aṛakʼkedea. Ona tayom Probhu Isor do Jirimiạ ṭhen kathae roṛkeda.