Aposkạmi 27:43 - সান্তালী বাইবেল

⁴³ Menkhan subedar do Pạul bańcaoe lạgitʼ mon tahẽkantaete palṭonko akoakʼ kusi leka bae kạmi ocowatʼkoa. Uni doe hukumkeda okoe paerakʼko baḍae onko do pạhilre jahaj khonko don pheḍokʼte guṭuteko rakabokʼma,

Santali Common Language New Testament

⁴³ Menkhan subedar do Pạul bańcaoe lạgitʼ mon tahẽkantaete palṭonko akoakʼ sana leka bae kạmi ocoatʼkoa. Uni doe hukumkeda okoe paerakʼko baḍae onko do pạhilre jahaj khon don pheḍokʼte guṭuteko rakabokʼma,

Aposkạmi 27:43 Referans Kwoze

Aposkạmi 27:3

Dosar hilokʼ aleakʼ jahaj do Sidonrele teṅgokeda. Julius do Pạul sãote ạḍi mońje beoharkeda ar cerṭhakʼ lạgitʼ uniren gateko ṭhene sen ocoadea jemon acʼren gateko jạruṛokʼakʼ jiniskoko emdaṛeae.

Kạhtukko 16:7

Manwa jion ńelte tinre Probhu Isor doe kusikʼa unre uni do acʼren bạiriko hõ sulukteye girobas ocokoa.

2 Korinthiko 11:25

bẽtte pe dhaoiń dal ocolena. Dhirite mitʼ dhaoiń tiń ocolena; ar pe dhao ińakʼ jahaj unumlena. Mitʼ siń mitʼ ńindạ doreão reakʼ athantar dakʼreń tahẽkana.

Aposkạmi 27:11

Menkhan subedar do Pạulakʼ katha bae luturatʼte jahaj calaoicʼ ar mạlikakʼ kathae ańjomkeda.

Aposkạmi 23:24

Ar Pạul hõ sadom ben bebostaea jemon napaete disạm cakʼlaoyicʼ Pheliks ṭhenpe idi seṭer daṛeae.”

Aposkạmi 23:10

Ona jhogṛa do nonka sạrdi idiyena je, maraṅ subedar doe botorena ente onko do Pạulko or cirạ botejea. Uni do palṭonkoe hukumatʼkoa jemon senkate hoṛkoakʼ ti khon Pạulko chingạu ạguiyete palṭon gaṛteko idiye.

Aposkạmi 27:31

Unre Pạul do subedar ar palṭonkoe metatʼkoa, “Noko cakʼlaoko jahajre bako tahen khan rukhiyạ ohope ńamlea.”

Aposkạmi 27:42

Unre palṭonko do kạidiko gocʼko reakʼko goṭakeda jemon onko modren okoe hõ paera oḍokokʼte aloko dạṛ daṛeakʼ.