Aposkạmi 27:18 - সান্তালী বাইবেল

¹⁸ Ar birbãote aleakʼ jahaj do nonka sokojokʼ ehopʼena je, dosar hilokʼ hoṛko do jahaj reakʼ bojhako dakʼreko giḍikada.

Santali Common Language New Testament

¹⁸ Ar birbãote aleakʼ jahaj do nonka sokojokʼ ehopʼena je, dosar hilokʼ hoṛko do jahaj reakʼ bojhako dakʼreko giḍikada.

Aposkạmi 27:18 Referans Kwoze

Jona 1:5

Onate jahaj cakʼlaoko do botorte apan ạpinren boṅga ṭhen rakʼ joṅko ehopʼena. Ar jahajre tahẽkan jinisko do jalapuri reakʼ dakʼreko capatʼ khadlekada jemon jahaj rawalokʼtako. Menkhan Jona do noa laharege jahaj bhitrire bolokateye giticʼente acete jạpitʼ akatʼ tahẽkana.

Aposkạmi 27:38

Ar sanamkoko jom biyen khan jahaj reakʼ hamal komao lạgitʼ joto guhum do doreãoreko giḍikada.

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Aposkạmi 27:19

Tesar hilokʼ hõ onko do akoakʼ tite jahaj reakʼ jisinkoko giḍikada.

Luk 16:8

Ado uni gutiye bedhoromgere hõ bud salakʼe kạmiketʼte kisạ̃ṛ do uniye sarhaokedea. Noate bujhạukʼ kana, noa puriren hoponko do ako bidạlrenko talare marsalren hoponko khon hõ bạ̃ṛtiko budangea.

Mathae 16:26

Jãhãege goṭa dhạrtiye hameṭte acʼakʼ jiwiye khuạutae enḍekhan cetʼ porho hoyokʼtaea? Se mitʼṭen hoṛ acʼakʼ jiwi bodolte cetʼe emkea?

Sereńko 107:27

Ar bul hoṛ leka onko do kinḍạ manḍekʼko ehopʼena; arko bud harayena.

Luk 12:23

Ente jiwi do eken jom ar ńũi lạgitʼ do baṅkana, ar hoṛmo hõ eken kicricʼ khạnḍwạkʼ lạgitʼ do baṅa.