Aposkạmi 26:16 - সান্তালী বাইবেল

¹⁶ “Probhu Isore menkeda, ‘iń doń Jisu kana, onem khedeńkan. Ma ńitokʼ do beretʼme ar amakʼ jaṅgate teṅgokʼme. Sapʼ sosoricʼ ar goha lekate bahalme lạgitʼge iń do am ṭheniń ńelocoyena. Ar cetʼlekam ńelkedeń ar okaṭakʼ iń udukʼ am ona do eṭakʼko ṭhenem lạiya.

Santali Common Language New Testament

¹⁶ “Probhui menkeda, ‘iń doń Jisu kana, onem khedeńkan. Ma ńitokʼ do beretʼme ar amakʼ jaṅgate teṅgokʼme. Sapʼ sosoricʼ ar goha lekate bahalme lạgitʼge iń do am ṭheniń ńelocoyena. Ar cetʼlekam ńelkedeń ar okaṭakʼ iń udukʼ am ona do eṭakʼko ṭhenem lạiya.

Aposkạmi 26:16 Referans Kwoze

Daniel 10:11

Uniye metadińạ, “E Isorren dulạṛiạ Daniel, iń okaṭakʼ katha lạiyam lạgitʼ ona do mońjte moneyakʼme. Ma beretʼme, ente iń do am ṭheniń kol ocoakana.” Uni noa kathae metadiń khan iń do thar tharaokʼ tulucʼ iń teṅgoyena.

Jeheskel 2:1

Uni do ińe metadińạ, “E manwa hopon, ma teṅgokʼme; iń do am tulucʼ iń galmaraoa.”

1Timothi 1:12

Aboren Probhu Jisu Mạsi, okoe do daṛeye emakawạdiń, uniń gunmanao joharae kana, ente uni do pạtiạricʼe bujhạukedeńte acʼakʼ sapʼdapʼ kạmireye dhurạu akadińạ.

Galathiko lạgitʼ Pạul Apostolakʼ ciṭhi 1:12

Jãhãe hoṛ ṭhen khon ona do bạń ńamakada se okoe hõ ona do bako cetʼ akawạdińa, bickom Jisu Mạsi acʼtetʼge iń ṭhene sodorakada.

Romiko lạgitʼ Pạul Apostolakʼ ciṭhi 15:16

Sonot Jiu hotete okoe Jihudikoko bachao doho ocoakan, onko do Isor ṭhen jemon samaṅokʼakʼko hoydaṛeakʼ ona iạte uniyakʼ bhage sombat lại pasnaore naeke kạmiyiń kạmikana.

Kolossiko lạgitʼ Pạul Apostolakʼ ciṭhi 1:25

Isor do acʼakʼ katha ape ṭhen purạte porcar reakʼ bhar ińreye emakatʼte iń do manḍerren mitʼṭen sapʼdapʼicʼ iń hoyakana.

Kolossiko lạgitʼ Pạul Apostolakʼ ciṭhi 1:23

Onate Mạsi reaṅ bhage sombat khon oka sạri aspe ńamakatʼ ona khon alo pharakokʼte pạtiạure teṅgo ṭarhao akae tahenpe. Ona bhage sombat do goṭa dhạrtire lại jạhir akana ar ape do onape ańjom akada. Ar iń Pạul do noa bhage sombatren porcaricʼ iń hoyakana.

Galathiko lạgitʼ Pạul Apostolakʼ ciṭhi 2:2

Isorakʼ monejoṅakʼ sodoren khan iń do onḍeń rakapʼ calaoena. Ar oka bhage sombat boṅgan hoṛ jạtrenko ṭheniń porcaretʼ tahẽkan onań lạiyatʼkoa. Manḍerren manotan hoṛko do oko okote ona jotoń lạiyatʼkoa, enteń botorokʼkan tahẽkana, hoedaṛeakʼa iń do ạuṛiyakʼ iń khaṭao akana.

Aposkạmi 23:11

Dosar hilokʼ ńindạ Probhu Isor do Pạul ṭhen teṅgoyenteye metadea, “Dil joṅme, Jerusalemre cetʼleka iń reaṅ goham emakatʼ onkage Romre hõ ińakʼ goha emokʼ hoyokʼtama.”

2Timothi 4:5

Menkhan am do sanamakʼre sambṛao akae tahenme, duk sahaome ar Mạsi reaṅ bhage sombat porcarme, ar Isor okako kạmiye emakatʼme ona purạume.

1Timothi 4:6

Am do noako reaṅ boehakom bujhạuako khan enḍekhan Mạsiyakʼ dhorom biswạs reakʼ okaṭakʼ sạri ar bhageakʼ sikhnạtem manaoetʼkan, onate Mạsi Jisuren mitʼṭen bhage sapʼ dapʼicʼem hoyokʼa.

Kolossiko lạgitʼ Pạul Apostolakʼ ciṭhi 1:7

Ona bhage sombat reakʼ katha do ạlińren dulạṛiạ Epaphras ṭhenpe ańjomakada. Uni do ape lạgitʼ Mạsiren mitʼṭen pạtiạr sapʼdapʼicʼ kanae.

2 Korinthiko 5:18

Noako do Isor secʼ khonge hoyakana. Uni do Mạsi hotete apnar tulucʼe samgeketʼ bona, ar acʼ tulucʼ eṭakʼ sanamko lạgitʼ dạyike emakatʼbona.

2 Korinthiko 4:1

Noa bondobos reakʼ katha baḍae reakʼ bhar Isor do ale dayateye em akatʼlete bale as chuṭạukʼ kana.

Romiko lạgitʼ Pạul Apostolakʼ ciṭhi 1:5

Uni hotete ar uniyakʼ ńutum iạte ale do daya ar apostol hudạle ńamakada, jemon sanam jạtren hoṛko pạtiạukʼte Isorakʼko bataotae.

Aposkạmi 22:10

Adoń menkeda, ‘E Probhu iń do cetʼ iń cekaea?’ “Probhu Isore menkeda, ‘ma beretʼme, ar Damesekte calakʼme. Ar am lạgitʼ oka ṭhik doho akan ona do onḍegem baḍae ocokʼa.’

Aposkạmi 21:19

Pạul do onkoe joharatʼkoa ar acʼakʼ porcar talate cetʼleka Isor do boṅgan hoṛ jạtrenko talareye kạmi akada ona sanamakʼe lạiyatʼkoa.

Aposkạmi 20:24

Menkhan iń ṭhen do ińakʼ jiwi reakʼ jãhãn damge bạnukʼa. Ińakʼ sana do noage, jemon mucạtʼ hạbicʼ iń ṭarhao daṛeakʼ, metakʼme Probhu Jisu oka kạmi lạgitʼ dạyike emakawạdiń ona jemoniń purạu daṛeakʼ. Ona kạmi do hoyokʼ kana Isorakʼ daya reaṅ bhage sombat reakʼ goha emokʼge.

Aposkạmi 1:17

Uni do alerenge mitʼ hoṛe tahẽkana ar ale sãote kạmi lạgitʼe bachao ocolena.”

Aposkạmi 26:15

“Unreń menkeda, ‘E Probhu Isor okoe kanam?’

Ephesiko lạgitʼ Pạul Apostolakʼ ciṭhi 3:3

Uniyakʼ okoakʼ monsubạ do mitʼṭecʼ sodorakʼ hoteteye baḍae ocoakadińạ, ar noa reaṅ iń do ape ṭhen thoṛa kathateń olkeda.