Aposkạmi 25:6 - সান্তালী বাইবেল

⁶ Phestus do onko talare irạl se gel din tahẽkate Kạisạriạteye ruạṛ calaoena. Ar dosar hilokʼ uni do bicạr duṛupʼakʼreye duṛupʼente acʼ samaṅre Pạul ạguiye lạgitʼe hukumkeda.

Santali Common Language New Testament

⁶ Phestus do onko talare irạl se gel din tahẽkate Kạisạriạteye ruạṛ calaoena. Ar dosar hilokʼ uni do bicạr duṛupʼakʼreye duṛupʼente acʼ samaṅre Pạul ạguye lạgitʼe hukumkeda.

Aposkạmi 25:6 Referans Kwoze

Aposkạmi 25:17

“Ado onko Jihudiko iń sãoteko hecʼen khan begor bilomte dosar hilokʼge bicạri lạgitʼ iń duṛupʼena ar uni hoṛ ạguiye reakʼ iń hukumkeda.

Aposkạmi 25:10

Unre Pạul doe menkeda, “Iń do ńitokʼ Kạisạrakʼ bicạr duṛupʼakʼ samaṅreń teṅgo akana ar Rom sorkar ṭhen bicạr ocokʼge lek kantińạ. Am hõ bes okocʼtem baḍaegea je, Jihudiko cetanre jãhãn behokakʼ do bạń kạmi akada.

Mathae 27:19

Ado Pilạt tinre bicạr duṛupʼakʼreye duṛupʼ akan tahẽkana unre uniren oṛakʼ hoṛ do kathae roṛgotʼkada, “Uni dhoromicʼ do jãhãnakʼ alom cekayea, ente uni iạte teheń kukmũte ạḍi duk iń ńam akada.”

Jakob 2:6

Menkhan onko reṅgecʼ hoṛkoge ape dope henosta akatʼkoa. Kĩsạ̃ṛ hoṛkoge cetʼ bako kosṭoyetʼpea ar adalotte bako or idiyetʼpea?

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

Johan 19:13

Noa katha ańjomkate Pilạt do Jisu bahreteye ạgukedea ar dhirite tolakʼ mitʼṭecʼ bicạr jaegareye duṛupʼena. Ibrite ona jaega do Gabbathako metakʼkan tahẽkana.

Aposkạmi 8:40

Menkhan Philip do Asdod nagrahareye ńelena. Ar uni do ato ato bhage sombat porcar porcarte mucạtʼre Kạisạriạteye calaoena.

Aposkạmi 25:1

Ado Phestus ona ṭoṭhareye hecʼen khan pe din tayom Kạisạriạ khon Jerusalemteye rakapʼ calaoena.

Aposkạmi 25:4

Unre Phestuse menkeda, “Pạul do Kạisạriạ reakʼ hajotre menaea ar iń do usạrage onḍeń calakʼkana.

Aposkạmi 25:5

Ar aperen adom ektiạrianko do iń sãoteko calakʼma ar uni hoṛ jãhãnakʼe dosakatʼ khan onakoko udukʼạńma.”