Aposkạmi 24:25 - সান্তালী বাইবেল

²⁵ Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiyadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoawma.”

Santali Common Language New Testament

²⁵ Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoama.”

Aposkạmi 24:25 Referans Kwoze

Johan 16:8

Uniye hecʼlenre dhạrtirenko do kại reaṅ, dhorom reaṅ ar Isorakʼ bicạr reaṅ cehaonae emakoa.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

2 Patras 1:6

ar akel tulucʼ apnar sambṛaokʼ ar sambṛaokʼre do sobori, Isor bhokti,

Galathiko lạgitʼ Pạul Apostolakʼ ciṭhi 5:23

mạ̃hir ar sambṛaokʼ. Ar nonkanakʼko upạrte ạn do bạnukʼ anaṅ.

Aposkạmi 10:42

Uni doe hukum akawatʼlea jemon Jihudiko ṭhenle porcar ar gohale em baṅma, Isor do unige jiwetʼko ar gocʼko bikʼcạrko lạgitʼe niṭ akadea mente.

1 Johan 3:7

E gidrạko, okoe hõ bạricʼ horte aloko bulạu idipe ma. Mạsi do bae bedhoroma, ar jãhãe bhageakʼe kạmiyetʼ khan uni hõ bae bedhoroma.

Jakob 2:19

Am do mitʼ Isorrem pạtiạu akana? Bhagegea! Menkhan bạṛicʼ jiuko hõ coṅ ona mako pạtiạukʼkan ar botorteko dhak dhakaokʼkan.

Ibriko 9:27

Isor doe ṭhik dohoakada je, manwako mitʼ dhaoko gujukʼa, ar ona tayom do bicạr hoyokʼtakoa.

Ibriko 4:1

Isorakʼ jirạu joṅ jaegate bolokʼ reakʼ oka gokʼakʼ tahẽkan ona gokʼakʼ do ńit hõ abo lạgitʼ menakʼgea. Onate abo do sontorakae tahen jạruṛ tabona, jemon okoe hõ ona gokʼakʼ reakʼ bhor khon bin lek mente aloe ńamokʼ.

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Galathiko lạgitʼ Pạul Apostolakʼ ciṭhi 3:22

Menkhan sonot sostor do sanamkoge kại iạte dusi menteye ṭarhao akatʼkoa, jemon Jisu Mạsire pạtiạukʼko do akoakʼ ona biswạs hotete gokʼ akawatʼko reakʼ bhorko ńam daṛeakʼa.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

1 Johan 3:10

Okoe bhage kạmire apnar bako lạgiyạ paṛao akan tahen ar boeha bako dulạṛetʼko, onko do Isorren doko baṅkana. Ar noatege sodorokʼ kana okoe doko Isorren Hopon kana ar okoe doko Soetanren hopon kana mente.

2Timothi 4:1

Mạsire ruạṛ hijukʼ ar uniyakʼ raj reaṅ disạ dohoyte Isor samaṅre, okoe do jiwetʼko ar gocʼkoe bicạrko uni Jisu Mạsi samaṅre iń do noań hukumam kana.

2 Korinthiko 6:2

Isor do sonot sostorreye menakada, “Batar jokhecʼ iń do amakʼ kathań ańjomketʼtama ar kại khon bańcaokʼ reakʼ dinreń goṛo akatʼmea.” Ńelpe, oktetetʼ do ńitokʼkangea, ar teheńge bańcao ńam reakʼ din kana.

1 Korinthiko 4:5

Onate Probhu Isore hijukʼ lahare, metakʼme ona niṭ akan din lahare okaṭakʼ hõ alope bicạra. Ńutre oka okoge menakʼ uni do unre ona marsalteye ạguya ar manwa ontor reakʼ okoakʼ monsubạkoe sodora. Unre mimitʼ hoṛ do Isor ṭhen khon sarhaoko ńama.

Aposkạmi 24:15

Onko cetʼlekako asokʼkan onkage iń hõ Isorre noa as menakʼtińạ je, dhorom ar bedhorom sanamkoge arhõko jiwetʼ beretʼ ocokʼa.

Aposkạmi 17:32

Ado gocʼko arhõko jiwetʼ beredokʼa menteko ańjomketʼ khan onko modren adomko doko cigạriyadea, menkhan eṭakʼko doko menkeda, “Ale do noa reaṅ arhõle ańjoma.”

Aposkạmi 17:2

Pạul do acʼakʼ cạli leka ona sunạgogteye boloyena ar pe jirạukʼ mãhãre sonot sostor khon hoṛkoe galmaraoatʼkoa.

Aposkạmi 2:37

Noa katha ańjomkate hoṛko do monre dukko ńamkeda. Onko do Patras ar eṭakʼ apostolkoko kuliketʼkoa, “E boehako, ale do cetʼle cekaea?”

Ibriko 6:2

eṭakʼakʼ bạptisma reaṅ cecetʼakʼ, capo reakʼ, gocʼko jiwetʼ beredokʼ ar jaejug reakʼ sạjại; noako etohopʼ reakʼ kathate arhõ nãwãte jemon rehetʼ alo bon bạisạu.

Hagae 1:2

“Phạdkoren Probhu Isorgeń menetʼ kana, noko hoṛko meneda, ‘Probhu Isorakʼ oṛakʼ benao reakʼ okte do ńithõ ạuri seṭerokʼa.”

Habakkuk 3:16

Ona ańjomkate iń do botorokʼ iń ehopʼena, ińakʼ luṭikin hõ thar tharaoentinạ; iń doń nijor idiyena ar ińakʼ jaṅgakin do lakaṛ lukuṛokʼ ehopʼena. Enhõ iń do ona din lạgitʼ jiwi hataṛkate koyokʼ hor akaegeń tahena one oka hilokʼ ale khekhedko do muhinreko paṛaokʼ.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.

Amos 5:24

Ona khon bickom hok do gaḍa leka ar dhorom do jaejug ạtukʼkan dakʼ leka baṛe hoyokʼma.

Hosea 10:12

Ape do apnar lạgitʼ dhorom reakʼ itạ er joṅpe, ar pạtiạrteakʼ phosol irpe ar apere baṅ cas akan ontor rạpudtape, ente Probhu Isor secʼ ạcur ruạṛokʼ reakʼ okte do hecʼakana. Ar tinre onape onkaea unre uni do hecʼkate ape cetanre dhorom reakʼ jạṛi dakʼe emapea.

Hosea 10:4

Onko do ạuṛi kathakogeko roṛeda ar eṛe eṛe kiriạkate bondobosko bandhaoeda. Onate bicạr do khet reakʼ nahel gaḍakore bisanakʼ aṛakʼ sakam leka phuṭạu rakapʼkana.

Hosea 7:5

Rajakʼ porob hilokʼre kạmiyạko do darkha rasa reakʼ tạpisteko ruạ utạrlena ar raj do onko landa dhudhutʼkan hoṛko sãote tiye milạuketʼtaea.

Daniel 12:2

Ar unre dhạrti reakʼ otreko jạpitʼ akatʼ alekha hoṛ doko ebhenokʼa; ar adomko do jaejug jiwetʼ tahen lạgitʼko beretʼa, arhõ adomko doko beretʼa lajao ar jaejug hirkhạwanko hoyokʼ lạgitʼ.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Jeheskel 45:9

“ ‘E Israelren disạm cakʼlaoko, iń Probhu Isorgeń menetʼkana, ḍherge hoyakana. Ńitokʼ do jor julum ar santao bạgikate dhorom ar bhage reakʼ kạmipe. Ińren hoṛkoakʼ jaega apeakʼ dokholre ạgui do bạgipe.

Jirimiạ 23:29

Ińakʼ kathako do cetʼ seṅgel leka do baṅkana? Okaṭakʼ hạtuṛ dhiriye kuṭạm gejeretʼkan ińakʼ katha do cetʼ ona hạtuṛ leka do baṅkana?

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Jesaea 55:6

Probhu Isor do sorreye tahenrege uni secʼ ruạṛokʼpe; ar sorreye tahenrege uni ńam baṛayepe.

Jesaea 41:21

Probhu Isor, metakʼme Jakobren raje meneda, “Apeakʼ mambla samaṅtape, ar sạbudko ạguiytape.

Jesaea 32:11

E nirdạndi tahenkan maejiuko ar khạtir monan kuṛiko, ape do botortepe thar tharaokʼa; ape do apeakʼ kicricʼko bhạnduṛkate ḍanḍare gõṛẽ kicricʼ paṭhe joṅpe.

Jesaea 16:5

Asambheṛ dulạṛte Dạudakʼ raj oṛakʼre mitʼṭecʼ siṅghạson do beredokʼa; mitʼṭen pạtiạrạnicʼ hoṛ do onareye duṛupʼa. Uni do dhoromteye bicạra ar usạrage dhorom kạmiye purạua.

Jesaea 1:21

Hae, kũạri nagraha, ona do kusumbi leka hoyakana! Mitʼ okte uni do hok reakʼ bicạrte perecʼe tahẽkana; unire dhorom tahẽkana, menkhan ńitokʼ do khũniạhikoko girobasokʼ kana.

Ibriko 12:21

Okaṭakʼ ńellen tahẽkan ona do nunạkʼ botoranakʼ tahẽkana je, Moseye menleda, “Iń do botorteń thar tharaokʼ kana.”

Romiko lạgitʼ Pạul Apostolakʼ ciṭhi 14:12

Enḍekhan ńelokʼ kana, abo mimitʼ hoṛ do apnar reaṅ lekha jokha Isor emae hoyokʼ tabona.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Romiko lạgitʼ Pạul Apostolakʼ ciṭhi 2:16

Oka hilokʼ Isor do Jisu Mạsi hotete manwakoakʼ okoakʼkoe bicạra enhilokʼge ona do sodorokʼa. Ar okaṭakʼ bhage sombatiń porcaretʼkan ona lekage bicạr do hoyokʼa.

Aposkạmi 26:28

Khange Agrippa do Pạule metadea, “Am do cetʼ thoṛa okterege Isạiyiń lạgitʼem kurumuṭuyeda?”

Aposkạmi 17:13

Thessalonikiạren Jihudiko do Pạul Beroeare Isorakʼ kathae porcareda menteko ańjomketʼ khan onko do onḍeko calaoena ar onḍenko hoṛko ạulạuketʼkote gulmalko hoyocokeda.

Aposkạmi 9:6

Uniye menkeda, “Iń doń Jisu kana, okoe amem khedeńkan. Ńitokʼ do beredokʼme ar nagrahate calakʼme. Ar cetʼ cekae hoyokʼtama ona dom lại ocokʼa.”

Mathae 22:5

“Menkhan neota akan hoṛko do gutikoakʼ katha bako hetawada; calao baṛayenako, okoe do acʼakʼ khette, okoe do acʼakʼ bạnij beparte.

Daniel 5:30

Ar enhilokʼ ńindạge Babelren raj Beltsasar doe makʼ gocʼ ocoyena,

Jirimiạ 22:3

Probhu Isore meneda, ‘oka hok reakʼkan ar oka ṭhikakʼ kan ona onkaepe. Okoeye luṭ ocokʼkan uni do acʼren sasantaoicʼ khon rukhiyạyepe. Bidisiạko, ṭũạr amako ar rạnḍi maejiuko jãhãnakʼ alope behoktakoa se alope santaokoa ar niạ ṭhạ̃ire miridoskoakʼ mãyãm alope joro ocoytakoa.

Jesaea 66:2

Niạko sanamakʼ do ińakʼ titeń benao akada ar onatege niạko do hoyakana. Okoe doe nindhạnge, okoeyakʼ ontor do talga tạuạkʼ akantae ar okoe ińe botorạń iń do unigeń beṅgetʼaea.

Jesaea 1:18

Probhu Isor do arhõe meneda, “Dela hijukʼpe, ńitokʼ bon galmarao phanḍaolege. Ente apeakʼ sanam kạiko sindur leka arakʼ akanre hõ enhõ ona do him leka ponḍokʼa; ar jeṅgetʼ arakʼ kanre hõ enhõ ona do bhiḍi upʼ leka ponḍokʼa.

Sosolhayic̕ 12:14

Isor do mitʼke mitʼ kạmi reakʼ, se mitʼke mitʼ okoakʼko hõe bikʼcạra-baṅ do bạṛicʼakʼ kan ar baṅ do bhageakʼ kan.

Sosolhayic̕ 11:9

E juạn, amakʼ juạn oktere hulạsokʼme, juạn umer reakʼ dinkore amakʼ ontor do ame rạskạ ocomema. Amakʼ monejoṅ leka horte taṛamme ar amakʼ mẽtʼre oka bhageakʼkan ona kạmime, menkhan baḍae dohokakʼme, niạko lạgitʼ Isor do ame bicạrmea.

Sosolhayic̕ 5:8

Amakʼ elakaren jãhãe reṅgecʼ hoṛ santao ocokʼem ńellere se jãhãe hoṛakʼ hok reakʼ bicạr ar hok reakʼ ạidạri bae ńametʼkanem ńellere alom botorokʼa, ente mitʼ kạmiạyicʼ cetanre maraṅ ar mitʼ kạmiạyicʼ menaea ar unkin banahoṛ cetanre arhõ maraṅ kạmiạyicʼ menaea.

Kạhtukko 16:12

Raj lạgitʼ behokakʼ kạmi do hirkhạwakʼ kana, ente hok reakʼ kạmi hotete siṅghạson do ṭarhao tahena.

Sereńko 119:120

Am botorte hoṛmo do caṭokʼkantińạ; ar amakʼ ạn ạriko iạte iń doń botorokʼ kana.

Sereńko 99:1

Probhu Isor doe raj kana; sanam jạtrenko thar tharaokʼma. Uni do Kerubkin cetan siṅghạsonreye duṛupʼ akana; ar dhạrti do dalmalaokʼma.

Sereńko 72:2

jemon amren hoṛko dhoromteye bicạr daṛeako ar santao ocokʼkanko hõ hok reakʼe bicạrkatako.

Sereńko 45:7

Am do dhoromem dulạṛeda ar bedhorom dom kurudakʼ kana; Onate Isor, amren Isor do, amren soṅgetenko khon hõ bạ̃ṛti hulạs do sunum leka am cetanreye dul akada.

Sereńko 11:7

Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.

Jobakʼ 29:14

Dhorom do kicricʼ lekań horokʼetʼ tahẽkana, ar bhage bicạr do oyonakʼ ar dạṛhiteakʼ lekage tahẽkana;

Esra 10:9

Pe din bhitrire Jihudạ ar Benjạmin ṭoṭharen sanam hoṛ do Jerusalemre hecʼkateko jarwayena. Ar areyakʼ cando reakʼ bargelakʼ dinre sanam hoṛ do Isorakʼ oṛakʼ samaṅ reakʼ maedanre ona babotreko duṛupʼena ar jạṛi dakʼ iạteko thar tharaoena.

Esra 10:3

Onate dela bon, aboren Isor samaṅre niạ bon kiriạkʼma, ińren kisạ̃ṛ amakʼ sopolha lekate ar aboren Isorakʼ hukum okoeko botorakʼ kan onkoakʼ solha hotete ale do noko sanam maejiuko ar onkoren gidrạkole bạgi giḍiyakoa. Ar ona do ạn lekatege hoyokʼma.

1 Rapajko 21:27

Ahab do Probhu Isorakʼ katha ańjomkate acʼakʼ kicricʼe oṛecʼketʼtaea ar gõṛẽ kicricʼe horokʼketʼte upạse ehopʼena. Uni do gõṛẽ kicricʼ horokʼ kategeye giticʼkokʼ kan tahẽkana ar mạ̃hir monteye dãṛã baṛaekan tahẽkana.

2 Samuel 23:3

Israelren Isore meneda, Israelren asray-buru do ińe mitạń kana, ‘Okoe hoṛ dhoromteye ḍanṭaoko ar Isore botorae,

1 Samuel 12:7

Enḍekhan niạ dhao do apege sapṛaokʼpe. Probhu Isor do ape ar aperen hapṛamko lạgitʼ okako dhorom reakʼe kạmi akatʼ ona jotowakʼ reaṅ Probhu Isor samaṅrege apeakʼ doskoń udukʼapea.

Aposkạmi 24:26

Uni doe asokʼkan tahẽkana Pạul do nahakʼ ghuse emaea. Onate ghane ghạṛicʼ Pạul hoho ạgukate uni tulucʼe galmaraokan tahẽkana.

Jirimiạ 36:16

Onko do sanamakʼ katha ańjomkate botorokʼ salakʼ am iń secʼko beṅgetʼana ar Barukko metadea, “Noako reakʼ joto katha do raj jạhiraetege hoyokʼa.”

Titus lạgitʼ Pạul Apostolakʼ ciṭhi 1:8

Menkhan uni do peṛayicʼ, bhageakʼ dulạṛicʼ, akelanicʼ, dhoromicʼ, sonoticʼ, ar sambṛaokʼicʼe hoyokʼma.