Aposkạmi 24:24 - সান্তালী বাইবেল

²⁴ Ado thoṛa din tayom Pheliks do acʼren Jihudi bạhu Drusilla soṅgekateye hecʼena. Uni do Pạule hoho ạgu ocokedete uni ṭhen khon Jisu Mạsire pạtiạukʼ reakʼ kathae ańjomkeda.

Santali Common Language New Testament

²⁴ Ado thoṛa din tayom Pheliks do acʼren Jihudi bạhu Drusilla soṅgekateye hecʼena. Uni do Pạule hoho ạgu ocokedete uni ṭhen khon Jisu Mạsire pạtiạukʼ reakʼ kathae ańjomkeda.

Aposkạmi 24:24 Referans Kwoze

Aposkạmi 20:21

Jihudi ar Junạniko ṭhen iń do jorkateń lại akada je, kại khon mon ạcurkate onko do Isor secʼ ruạṛokʼ hoyokʼtakoa ar Probhu Jisure biswạsokʼ jạruṛtakoa.

Galathiko lạgitʼ Pạul Apostolakʼ ciṭhi 2:16

Menkhan enhõ noa bon baḍaegea, Isor do manwa ạn-ạrikoe manaoetʼ iạte dhorom mente bae aṅgocea, bickom Jisu Mạsire pạtiạukʼ hotetegeye aṅgocea. Onate abo hõ Mạsire bon pạtiạu akana, jemon ạn-ạriko manao iạte do baṅ bickom Jisu Mạsire pạtiạukʼ iạte dhorom mente bon aṅgocokʼ; ente ạn-ạri manao iạte okoe hõ dhorom mente ohoko aṅgoclena.

Johan sodor 14:12

Okoe Isorakʼ hukumko manaoetʼ ar Jisure pạtiạrko tahenkan Isorren onko hoṛge noa halotre sombhuri tahen jạruṛtakoa.

Jihudạwakʼ ciṭhi 1:3

E dulạṛiạ gateko, kại khon sanamko oka bańcao bon ńamakatʼ ona bańcao reaṅ olape lạgitʼ ạḍi gagoj mon tahẽkantińạ. Menkhan enhõ Mạsi dhorom biswạsre, one okaṭakʼ Isor do acʼren hoṛko jaejug lạgitʼe emakatʼko, ona lạgitʼ mon murukte jemonpe lạṛhại ar ona udgạupe lạgitʼge noa ciṭhi olokʼ reakʼ jạruṛiń bujhạukeda.

1 Johan 5:1

Jisu do Mạsi kanae mente okoeko pạtiạukʼkan, onko do Isor khonko janam akana. Ar okoe Babako dulạṛ edekan onko do uniren Hopon hõko dulạṛ edekana.

Galathiko lạgitʼ Pạul Apostolakʼ ciṭhi 3:2

Iń do eken ape ṭhen khon baḍae sanań kana, ạn-ạriko manao iạte cetʼ sonot Jiupe ńamledea, se bhage sombatre pạtiạu iạtepe ńamledea?

Galathiko lạgitʼ Pạul Apostolakʼ ciṭhi 2:20

Iń do Mạsi tulucʼ iń kurus ocoakana. Onate jiwetʼ do bạnuńa, menkhan Mạsige ińre jiwetʼ menaea. Ar okaṭakʼ hoṛmote jioniń khemaokan ona do Isorren Hoponre pạtiạu hotetegeń khemaoeda. Uni do ińe dulạṛkedeńte acʼ apnartetʼe emena.

Aposkạmi 26:22

Menkhan Isor do teheń hạbicʼe goṛo akawạdińa ar onate nonḍe teṅgokate kạṭicʼ lạṭu sanamko ṭhen gohań emeda. Nạbiko ar Mose hõ okaṭakʼ hoyokʼgea menteko roṛakatʼ ona bahre do cetʼ hõ bạń roṛeda.

Aposkạmi 16:31

Adokin metadea, “Am ar amakʼ gharońjrenko Probhu Jisure pạtiạukʼpe, enḍekhan kại khon bańcaope ńama.”

Luk 23:8

Herod do Jisui ńelkede khan ạḍiye rạskạyena. Uni do Jisu reaṅ ạḍi utạr kathae ańjomakatʼ tahẽkana, ar ḍher din khon uni ńele lạgitʼe monejoṅkan tahẽkana. Ar Herod doe asokʼkan tahẽkana, Jisu do jãhãn hahaṛa kạmiye udukʼaea.

Luk 19:3

Ar Jisu okoeṭakʼ kanae mente ńele lạgitʼe kurumuṭukan tahẽkana, menkhan geḍrageye tahẽkante bhiṛ iạte uni do bae ńel ńam daṛeaekan tahẽkana.

Mark 6:20

menkhan Herod do Johane botoraekan tahẽkana. Ente Johan do mitʼṭen dhorom ar sonot hoṛ menteye baḍae akade tahẽkana, ar onate uni do muskilakʼko khone rukhiyạyede tahẽkana. Herod do Johanakʼ kathako ańjomkate monre jut bae ạikạuetʼ tahẽkanre hõ uniyakʼ kathako ańjom doe kusikʼkan tahẽkangea.

Aposkạmi 24:25

Pạul do tinre dhorom horte calakʼ reakʼ, apnar sambṛaokʼ ar darakan bicạr reaṅe lạiyadea, unre Pheliks do botorenteye menkeda, “Ma ńitokʼ do calakʼme; arhõ okte nạpitreń hohoawma.”